കാസർകോടും മഴ കനത്തു; വെള്ളകെട്ട്​, മണ്ണിടിച്ചിൽ

കാഞ്ഞങ്ങാട്​: കനത്തമഴ തുടരുന്ന ഹൊസ്​ദുർഗിലെ ചെറുവത്തൂർ പഞ്ചായത്തിൽ കുറ്റിവയൽപ്രദേശം വെള്ളത്തിനടിയിലായി. വ ീടുകളിൽ വെള്ളം കയറിയതിനാൽ നിരവധി കുടുംബങ്ങളെ വീടുകളിൽ നിന്ന് മാറ്റി.

പാലായിയിലും കാര്യങ്കോടും ചാത്തമത്തും വെള്ളം കയറി. തേജസ്വിനി പുഴ കരകവിഞ്ഞൊഴുകുന്നതിനാൽ പ്രദേശത്തെ നിരവധി വീടുകൾ വെള്ളത്തിലാണ്.

വെള്ളരിക്കുണ്ട് താലൂക്കിൽ കുന്നുങ്കൈയിൽ മലയിടിഞ്ഞ് ഭീമനടി -നീലേശ്വരം പാതയിൽ റോഡ് ഗതാഗതം തടസ്സപ്പെട്ടു. കഴിഞ്ഞ വർഷം മണ്ണിടിഞ്ഞ പ്രദേശത്താണ് വീണ്ടും മലയിടിഞ്ഞത്.

കാസർകോട് ഒമ്പത് ദുരിതാശ്വാസ ക്യാമ്പുകൾ തുറന്നിട്ടുണ്ട്​.