കാലവർഷക്കെടുതി: ആവശ്യമായ സഹായങ്ങൾ നൽകുമെന്ന് പ്രധാനമന്ത്രി

തിരുവനന്തപുരം: കേരളം ഗുരുതരമായ കാലവർഷക്കെടുതി നേരിടുന്ന സാഹചര്യത്തിൽ ആവശ്യമായ സഹായങ്ങൾ നൽകുമെന്ന്​ കേരളത്തിന്​ പ്രധാനമന്ത്രിയുടെ ഉറപ്പ്​. മുഖ്യമന്ത്രി പിണറായി വിജയനെ ഫോണിൽ വിളിച്ചാണ്​ പ്രധാനമന്ത്രി നരേന്ദ്ര മോദി കേന്ദ്ര സഹായം വാഗ്​ദാനം ചെയ്​തത്​.

പ്രധാനമന്ത്രി മുഖ്യമന്ത്രിയോട്​ കേരളത്തിലെ വിവരങ്ങൾ ആരാഞ്ഞു. സംസ്ഥാനത്തെ സ്ഥിതിഗതികൾ മുഖ്യമന്ത്രി അദ്ദേഹത്തെ ധരിപ്പിച്ചു. രക്ഷാപ്രവർത്തനത്തിന്  പെട്ടെന്നു ത​ന്നെ സൈനിക വിഭാഗങ്ങളെ അയച്ചതിന് മുഖ്യമന്ത്രി നന്ദി അറിയിച്ചു.

കർണാടക മുഖ്യമന്ത്രി കുമാരസ്വാമിയും മുഖ്യമന്തിയെ വിളിച്ച് വിവരങ്ങൾ തിരക്കുകയും പിന്തുണ വാഗ്ദാനം നൽകുകയും ചെയ്തു. ദുരിതാശ്വാസത്തിന് പത്തു കോടി രൂപ കർണാടക സർക്കാർ അനുവദിച്ചിട്ടുണ്ടെന്നും കുമാരസ്വാമി അറിയിച്ചു.