ചൂട് പ്രവചനാതീതം; വടക്ക്-കിഴക്കൻ സംസ്ഥാനങ്ങളിലെ താപതരംഗം സ്വാധീനിക്കും

തൃ​ശൂ​ർ: ഫെ​ബ്രു​വ​രി​യെ അ​പേ​ക്ഷി​ച്ച് മാ​ർ​ച്ചി​ൽ ചൂ​ട് കു​റ​ഞ്ഞെ​ങ്കി​ലും ഈ ​മാ​സം പ്ര​വ​ച​നാ​തീ​ത​മെ​ന്ന് കാ​ലാ​വ​സ്ഥ ഗ​വേ​ഷ​ക​ർ. കേ​ര​ള​ത്തി​ൽ സാ​ധാ​ര​ണ രീ​തി​യി​ലു​ള്ള ചൂ​ടാ​ണ് കേ​ന്ദ്ര കാ​ലാ​വ​സ്ഥ വ​കു​പ്പ് പ്ര​വ​ചി​ക്കു​ന്ന​ത്.

പ​ക​ൽ, രാ​ത്രി​കാ​ല താ​പ​നി​ല സാ​ധാ​ര​ണ നി​ല​യി​ലാ​യി​രി​ക്കു​മെ​ന്നും കാ​ലാ​വ​സ്ഥ വ​കു​പ്പി​ന്റെ കു​റി​പ്പി​ലു​ണ്ട്. അ​തേ​സ​മ​യം, വ​ട​ക്ക്-​കി​ഴ​ക്ക​ൻ സം​സ്ഥാ​ന​ങ്ങ​ളി​ൽ ഇ​ത്ത​വ​ണ താ​പ​ത​രം​ഗ സാ​ധ്യ​ത​യാ​ണ് നി​ഴ​ലി​ക്കു​ന്ന​ത്. ഈ ​മേ​ഖ​ല​യി​ൽ ഭൂ​രി​ഭാ​ഗം പ്ര​ദേ​ശ​ങ്ങ​ളി​ലും ഏ​പ്രി​ൽ മു​ത​ൽ ജൂ​ൺ വ​രെ ഉ​യ​ർ​ന്ന താ​പ​നി​ല അ​നു​ഭ​വ​പ്പെ​ടു​മെ​ന്ന് അ​റി​യി​പ്പി​ലു​ണ്ട്.

വ​രും ദി​വ​സ​ങ്ങ​ളി​ൽ മ​ധ്യ, കി​ഴ​ക്ക്, വ​ട​ക്ക്, പ​ടി​ഞ്ഞാ​റ​ൻ ഇ​ന്ത്യ​യു​ടെ മി​ക്ക ഭാ​ഗ​ങ്ങ​ളി​ലും ഉ​ഷ്ണ​ത​രം​ഗ​ത്തി​ന് സാ​ധ്യ​ത​യും വ്യ​ക്ത​മാ​ക്കു​ന്നു​ണ്ട്. ഇ​തി​ന്റെ പ്ര​തി​ഫ​ല​നം കേ​ര​ള​ത്തി​ൽ ഉ​ണ്ടാ​വു​മെ​ന്ന നി​ല​പാ​ടാ​ണ് പ്ര​ശ​സ്ത കാ​ലാ​വ​സ്ഥ ഗ​വേ​ഷ​ക​ൻ ഡോ. ​എ​സ്. അ​ഭി​ലാ​ഷ് പ​ങ്കു​വെ​ക്കു​ന്ന​ത്. പാ​ല​ക്കാ​ട്, തൃ​ശൂ​ർ, മ​ല​പ്പു​റം ജി​ല്ല​ക​ളി​ൽ പ്ര​ത്യേ​കി​ച്ചും വ​ട​ക്ക​ൻ ജി​ല്ല​ക​ളി​ലും ഇ​തി​ന്റെ അ​നു​ര​ണ​ന​ങ്ങ​ൾ ഉ​ണ്ടാ​യേ​ക്കു​മെ​ന്നാ​ണ് അ​ദ്ദേ​ഹ​ത്തി​ന്റെ നി​ല​പാ​ട്.

അ​തേ​സ​മ​യം, ഫെ​ബ്രു​വ​രി​യി​ൽ ര​ണ്ട് മു​ത​ൽ മൂ​ന്ന് ഡി​ഗ്രി സെ​ൽ​ഷ്യ​സ് വ​രെ കൂ​ടി​യ ചൂ​ട് മാ​ർ​ച്ചി​ൽ ഒ​രു ഡി​ഗ്രി​യി​ലേ​ക്ക് കു​റ​ഞ്ഞു. ഇ​ത് താ​പ​വ്യ​തി​യാ​നം കു​റ​ച്ചു. എ​ന്നാ​ൽ, ആ​​ർ​ദ്ര​ത കു​റ​യാ​ത്ത സാ​ഹ​ച​ര്യ​മാ​ണ് വ​ല്ലാ​തെ പു​ഴു​ക്കും ചൂ​ടും അ​നു​ഭ​വ​പ്പെ​ടു​ന്ന​തി​ന് കാ​ര​ണം. ചൂ​ട് കൂ​ടി​യ​തും മ​ഴ കു​റ​ഞ്ഞ​തു​മാ​യ സാ​ഹ​ച​ര്യ​ത്തി​ൽ ജ​ല​ക്ഷാ​മം മു​ന്നി​ൽ കാ​ണു​ന്നു​ണ്ട്.

ചൂ​ട് ഏ​റ്റ​വും കൂ​ടേ​ണ്ട മാ​സ​മാ​ണ് ഏപ്രി​ൽ എ​ന്നും ജ​ല​പ്ര​തി​സ​ന്ധി മു​ന്നി​ൽ കാ​ണേ​ണ്ട​തു​ണ്ടെ​ന്നു​മാ​ണ് കാ​ലാ​വ​സ്ഥ വ്യ​തി​യാ​ന ഗ​വേ​ക​ൻ ഡോ. ​ചോ​ല​യി​ൽ ഗോ​പ​കു​മാ​റി​ന്റെ നി​ഗ​മ​നം. മ​ഴ ഇ​ട​ക്കി​ടെ ല​ഭി​ച്ചാ​ൽ പ്ര​ശ്ന​പ​രി​ഹാ​രം ഉ​ണ്ടാ​വു​മെ​ന്നാ​ണ് അ​ദ്ദേ​ഹ​ത്തി​ന്റെ പ്ര​ത്യാ​ശ.

ഏ​പ്രി​ലി​ൽ വ​ട​ക്ക​ൻ കേ​ര​ള​ത്തി​ൽ മ​ഴ താ​ര​ത​മ്യേ​ന കു​റ​യു​മെ​ന്നും മ​ധ്യ, തെ​ക്ക​ൻ കേ​ര​ള​ത്തി​ൽ സാ​ധാ​ര​ണ രീ​തി​യി​ൽ മ​ഴ ല​ഭി​ക്കു​മെ​ന്നും കേ​ന്ദ്ര കാ​ലാ​വ​സ്ഥ വ​കു​പ്പ് നി​രീ​ക്ഷി​ക്കു​ന്നു​ണ്ട്. നി​ല​വി​ൽ തെ​ക്ക​ൻ ജി​ല്ല​ക​ളി​ലെ കി​ഴ​ക്ക​ൻ മേ​ഖ​ല​ക​ളി​ൽ മാ​ത്ര​മാ​ണ് മ​ഴ ല​ഭി​ക്കു​ന്ന​ത്. കോ​ട്ട​യം, ഇ​ടു​ക്കി, പ​ത്ത​നം​തി​ട്ട, കൊ​ല്ലം, തി​രു​വ​ന​ന്ത​പു​രം ജി​ല്ല​ക​ളി​ലെ കി​ഴ​ക്ക​ൻ മേ​ഖ​ല​ക​ളി​ൽ പ​രി​മി​ത​പ്പെ​ടു​ന്ന വേ​ന​ൽ​മ​ഴ വ​ട​ക്ക​ൻ ജി​ല്ല​ക​ളി​ലേ​ക്ക് എ​ത്തി​നോ​ക്കി​യി​ട്ടു പോ​ലു​മി​ല്ല. മാ​ർ​ച്ച് ഒ​ന്നുമു​ത​ൽ ഏ​പ്രി​ൽ 10വ​രെ 26.2 മി​ല്ലി​മീ​റ്റ​ർ മ​ഴ ല​ഭി​ക്കേ​ണ്ട ക​ണ്ണൂ​രി​ൽ മാ​നം ക​നി​ഞ്ഞി​ട്ടു​മി​ല്ല. മ​ല​പ്പു​റം (93), കോ​ഴി​ക്കോ​ട്, കാ​സ​ർ​കോ​ട് ജി​ല്ല​ക​ളി​ൽ 91 ശ​ത​മാ​ന​വും മ​ഴ​ക്ക​മ്മി​യാ​ണു​ള്ള​ത്.

ഇ​ടു​ക്കി​യി​ൽ 16 ശ​ത​മാ​ന​വും വ​യ​നാ​ട് 36 ശ​ത​മാ​ന​വും മ​ഴ കൂ​ടു​ത​ലാ​ണ്. കാ​ര്യ​ങ്ങ​ൾ ഇ​ങ്ങ​നെ പോ​യാ​ൽ 2015ന് ​സ​മാ​നം ക​ടു​ത്ത വ​ര​ൾ​ച്ച​യാ​ണ് എ​ത്തി​നോ​ക്കു​ന്ന​ത്. സ​മീ​പ വ​ർ​ഷ​ങ്ങ​ൾ​ക്കു​സ​മാ​നമായ മ​ഴ ല​ഭി​ച്ചാ​ൽ മാ​ത്ര​മേ കാ​ര്യ​ങ്ങ​ൾ മെ​ച്ച​പ്പെ​ടൂ.