കോട്ടയത്ത് ആരോഗ്യപ്രവർത്തകക്ക് കോവിഡ് സ്ഥിരീകരിച്ചു
text_fieldsകോട്ടയം: ജില്ലയിലെ ആരോഗ്യപ്രവർത്തകക്ക് കോവിഡ് 19 സ്ഥിരീകരിച്ചു. ഇറ്റലിയിൽനിന്ന് എത്തിയവരിൽനിന്ന് രോഗം പകർന്ന റാന്നി സ്വദേശികളിൽനിന്നാണ് ഇവർക്ക് പിടിപെട്ടതെന്ന് പ്രാഥമിക നിഗമനം. ഈമാസം എട്ടിനാണ് റാന്നിയിലെ വയോദമ്പതികളെ കോവിഡ് ബാധിച്ച് കോട്ടയം മെഡിക്കൽ ആശുപത്രിയിൽ പ്രവേശിപ്പിച്ചത്.
ഇവരെ ശുശ്രൂഷിക്കാൻ നിയോഗിക്കപ്പെട്ട ആരോഗ്യപ്രവർത്തകരിൽ ഒരാളാണ് ഇവർ. റാന്നി സ്വദേശികളായ വയോദമ്പതികളും അവരുടെ ബന്ധുക്കളായ ചെങ്ങളം സ്വദേശികളായ ദമ്പതികളുമാണ് ഇപ്പോൽ മെഡിക്കൽ കോളജ് ആശുപത്രിയിൽ രോഗബാധിതരായി ചികിത്സയിലുള്ളത്. ഇവരുടെ പരിശോധനഫലം ഇപ്പോഴും പോസിറ്റിവായി തുടരുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.