​േകാവിഡ് നിരീക്ഷണത്തിലിരുന്ന യുവതിയെ ആരോഗ്യ​പ്രവർത്തകൻ പീഡിപ്പി​െച്ചന്ന് പരാതി

തിരുവനന്തപുരം: കോവിഡ് നിരീക്ഷണത്തില്‍ കഴിഞ്ഞിരുന്ന യുവതിയെ ആരോഗ്യപ്രവര്‍ത്തകന്‍ പീഡിപ്പിച്ചതായി പരാതി. വെള്ളറടയിലുള്ള ബന്ധുവീട്ടിലാണ് യുവതി നിരീക്ഷണത്തിൽ കഴിഞ്ഞിരുന്നത്. ഇതിനുശേഷം കോവിഡ് നെഗറ്റിവ് സർട്ടിഫിക്കറ്റിനായി ആരോഗ്യപ്രവർത്തക​െൻറ സഹായം തേടി.

തുടർന്ന്​ ആരോഗ്യപ്രവർത്തകൻ വീട്ടിലേക്ക് ചെല്ലാൻ ആവശ്യപ്പെ​െട്ടന്നാണ് ഇവർ പറയുന്നത്. വീട്ടിലെത്തിയപ്പോൾ പീഡിപ്പിച്ചത്രെ. വെള്ളറട പൊലീസ് ആരോഗ്യപ്രവര്‍ത്തകനെതിരെ കേസെടുത്തു. മറ്റ് കാര്യങ്ങൾ അന്വേഷണത്തിലാണ്.