30 വയസ്സിനു​ മുകളിൽ പ്രായമുള്ള എല്ലാവരിലും ആരോഗ്യപരിശോധന -മന്ത്രി

തിരുവനന്തപുരം: ജിവിതശൈലീ രോഗങ്ങൾ തടയുന്നതി​െൻറ ഭാഗമായി 30 വയസ്സിനു​ മുകളിൽ പ്രായമുള്ള എല്ലാവരിലും ആരോഗ്യപരിശോധന നടത്തുമെന്ന്​ മന്ത്രി വീണ ജോർജ്​​. ഇതി​െൻറ ഭാഗമായി ജനകീയ കാമ്പയിൻ ആലോചിക്കുന്നുണ്ട്​. നിയമസഭയിലെ ബിൽ ചർച്ചക്ക്​ മറുപടി പറയുകയായിരുന്നു അവർ. ഡോക്​ടർമാരുടെ തസ്​തികകളിൽ ഉൾപ്പെടെ കേഡർ സംവിധാനം നടപ്പാക്കാൻ ആലോചിക്കുന്നുണ്ട്​. മെഡിക്കൽ കേഡർ, പബ്ലിക്​ ഹെൽത്ത്​ കേഡർ, സ്​പെഷാലിറ്റി കേഡർ, സൂപ്പർ സ്​പെഷാലിറ്റി കേഡർ എന്നിങ്ങനെ യോഗ്യതയും സർവിസും പരിഗണിച്ചാകും ഇൗ സംവിധാനമേർ​െപ്പടുത്തുക. ആരോഗ്യപ്രവർത്തകർക്ക്​ തുടർ വിദ്യാഭ്യാസം ആവശ്യമെങ്കിൽ അക്കാര്യം പരിശോധിക്കും ^മന്ത്രി പറഞ്ഞു.

ആരോഗ്യ പ്രവർത്തകർ​ക്കെതിരെ ആക്രമണങ്ങൾ കൂടിവരുന്ന സാഹചര്യത്തിൽ ഒ.പികളിലും അത്യാഹിത വിഭാഗത്തിലും വിമുക്തഭടന്മാരെ നിയമിക്കാൻ നിർദേശം നൽകിയിട്ടുണ്ട്​. ആയുർവേദം^ഹോമിയോ വിഭാഗങ്ങൾക്ക്​ പ്രത്യേക പരിഗണന നൽകും. കണ്ണൂരിലെ രാജ്യാന്തര ആയുർവേദ പഠനകേന്ദ്രത്തി​െൻറ തടസ്സങ്ങൾ നീക്കി നിർമാണം ആരംഭിക്കുകയാണ്​. കോവിഡുമായി ബന്ധ​െപ്പട്ട്​ സംസ്ഥാനം നടത്തിയ സെറോ സർവേയിൽ ഒരു ദുരൂഹതയുമില്ല.

ശാസ്​ത്രീയവും സുതാര്യവുമായാണ്​ സർവേ നടത്തിയത്​. രോഗപ്രതിരോധ ശേഷി ആർജിക്കാത്ത 17 ശതമാനം പേർക്ക്​ രോഗം ഗുരുതരമാകാനുള്ള സാധ്യതയുണ്ട്​. കോവിഡി​െൻറ പുതിയ വകഭേദങ്ങൾ വിവിധ രാജ്യങ്ങൾ റിപ്പോർട്ട്​ ചെയ്യുന്നുണ്ട്​. വിവിധ തരം വൈറസുകളുടെയും രോഗങ്ങളുടെയും കാലം തന്നെ പ്രതീക്ഷിക്കണം. അതിനനുസരിച്ചുള്ള ജാഗ്രതയും നിയമങ്ങളും പ്രവർത്തനങ്ങളുമുണ്ടാകുമെന്നും മന്ത്രി പറഞ്ഞു.