Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഹോ​ട്ട​ൽ...

ഹോ​ട്ട​ൽ ജീ​വ​ന​ക്കാ​ർ​ ഹെൽത്ത്​ കാർഡിനായുള്ള നെട്ടോട്ടത്തിൽ; സമയപരിധി തീരുന്നു

text_fields
bookmark_border
health card for selling foods
cancel

തി​രു​വ​ന​ന്ത​പു​രം: ഹോ​ട്ട​ൽ ജീ​വ​ന​ക്കാ​ർ​ക്ക് ഫെ​ബ്രു​വ​രി ഒ​ന്നു​മു​ത​ൽ ഹെ​ൽ​ത്ത് കാ​ർ​ഡ് നി​ർ​ബ​ന്ധ​മാ​ക്കി​യ​തോ​ടെ ആ​ശു​പ​ത്രി​ക​ൾ​ക്ക്​ മു​ന്നി​ൽ ഹെ​ൽ​ത്ത്​ കാ​ർ​ഡി​നാ​യി നീ​ണ്ട ക്യു. ​കാ​ർ​ഡെ​ടു​ക്കാ​ൻ ഏ​ഴ്​ ദി​വ​സം മാ​ത്ര​മാ​ണുള്ള​ത്. ഹോ​ട്ട​ലി​ലെ മു​ഴു​വ​ൻ ജീ​വ​ന​ക്കാ​രു​മാ​യി ഹെ​ൽ​ത്ത്‌ കാ​ർ​ഡി​നാ​യി ഡി​സ്‌​പെ​ൻ​സ​റി​കൾക്ക് മു​ന്നിൽ ക്യു ​നി​ൽ​ക്കു​ക​യാ​ണ് ഉട​മ​ക​ൾ. ഹെ​ല്‍ത്ത് കാ​ര്‍ഡി​ല്ലാ​ത്ത ജീ​വ​ന​ക്കാ​രു​ണ്ടെ​ങ്കി​ല്‍ സ്ഥാ​പ​നം അ​ട​യ്​​ക്കേ​ണ്ടി​വ​രു​ം. പ​ക​ർ​ച്ച​വ്യാ​ധി​ക​ളൊ​ന്നു​മി​ല്ലെ​ന്ന്​ രജിസ്റ്റേഡ് ഡോ​ക്ട​ർ​മാ​ർ സാ​ക്ഷ്യ​​പ്പെ​ടു​ത്തി ന​ൽ​ക​ണ​മെ​ന്നാ​ണ്​ വ്യ​വ​സ്ഥ.

പു​ല​ർ​ച്ച ആ​റ്​ മു​ത​ൽ ത​ന്നെ ഡി​സ്‌​പെ​ൻ​സ​റി​കൾക്ക് മു​ന്നി​ൽ വ​ലി​യ തി​ര​ക്കാ​ണ്. ഭ​ക്ഷ​ണം കൈ​കാ​ര്യം ചെ​യ്യു​ന്ന​വ​രി​ലൂ​ടെ അ​പ​ക​ട​കാ​രി​ക​ളാ​യ വൈ​റ​സു​ക​ള്‍, ബാ​ക്ടീ​രി​യ​ക​ള്‍ അ​ട​ക്ക​മു​ള്ള സൂ​ക്ഷ്മ ജീ​വി​ക​ള്‍ പ​ക​ര്‍ന്ന് രോ​ഗ​മു​ണ്ടാ​കാ​ന്‍ സാ​ധ്യ​ത​യു​ണ്ട്. അ​തി​നാ​ല്‍ ജീ​വ​ന​ക്കാ​ര്‍ക്ക് പ​ക​ര്‍ച്ച​വ്യാ​ധി​ക​ള്‍, മു​റി​വ്, മ​റ്റ് രോ​ഗ​ങ്ങ​ള്‍ തു​ട​ങ്ങി​യ​വ ഇ​ല്ലാ​ത്ത​വ​രാ​ണെ​ന്ന് ഉ​റ​പ്പാ​ക്കു​ന്ന​തി​നാ​ണ് പ​രി​ശോ​ധ​ന. നി​യ​മ​പ്ര​കാ​രം ല​ഭി​ക്കു​ന്ന മെ​ഡി​ക്ക​ല്‍ സ​ര്‍ട്ടി​ഫി​ക്ക​റ്റ് സ്ഥാ​പ​ന​ത്തി​ല്‍ സൂ​ക്ഷി​ക്ക​ണ​മെ​ന്നാ​ണ്​ വ്യ​വ​സ്ഥ. ജീ​വ​ന​ക്കാ​ര​ന് ഹെ​ൽ​ത്ത് കാ​ർ​ഡി​ല്ലെ​ങ്കി​ൽ 2000 രൂ​പ മു​ത​ൽ 10,000 രൂ​പ വ​രെ​യാ​ണ് പി​ഴ. ഒ​പ്പം അ​ട​ച്ചു​പൂ​ട്ട​ലും.

ഒ​രു​വ​ർ​ഷ​മാ​ണ്​ ഹെ​ൽ​ത്ത്​ കാ​ർ​ഡി​ന്‍റെ കാ​ലാ​വ​ധി. കാ​ലാ​വ​ധി ക​ഴി​ഞ്ഞ​വ​രും പു​തു​ക്കാ​നു​ള്ള തി​രക്കി​ലാ​ണ്. ഹോ​ട്ട​ലി​ൽ ഭ​ക്ഷ​ണ​വു​മാ​യി ബ​ന്ധ​പ്പെ​ടു​ന്ന എ​ല്ലാ​വ​ർ​ക്കും ഹെ​ൽ​ത്ത്​ കാ​ർ​ഡ്​ വേ​ണ​മെ​ന്നാ​ണ്​ നി​ബ​ന്ധ​ന. ഫി​സി​ക്ക​ൽ പ​രി​ശോ​ധ​ന​യാ​ണ്​ പ്ര​ധാ​ന​മാ​യും ഡോ​ക്ട​ർ​മാ​ർ ന​ട​ത്തു​ന്ന​ത്. ക​ണ്ണ്, വാ​യ, ത്വ​ഗ്​​ എ​ന്നി​വ പ​രി​ശോ​ധി​ക്കും. കാ​ഴ്ച​ശ​ക്തി പ​രി​ശോ​ധ​ന, ത്വ​ഗ്​ രോ​ഗ​ങ്ങ​ള്‍, വൃ​ണം, മു​റി​വ് എ​ന്നി​വ​യു​ണ്ടോ​യെ​ന്ന പ​രി​ശോ​ധ​ന, വാ​ക്‌​സി​നു​ക​ളെ​ടു​ത്തി​ട്ടു​ണ്ടോ എ​ന്ന​തും ആ​വ​ശ്യ​മെ​ങ്കി​ൽ പ​ക​ര്‍ച്ച​വ്യാ​ധി​ക​ളു​ണ്ടോ എ​ന്ന​റി​യു​ന്ന​തി​നു​ള്ള ര​ക്ത​പ​രി​ശോ​ധ​ന ഉ​ള്‍പ്പെ​ടെ​യു​ള്ള​വ​യും ന​ട​ത്തും. ശേ​ഷ​മാ​ണ്​ ഹെ​ൽ​ത്ത്​ കാ​ർ​ഡ്​ അ​നു​വ​ദി​ക്കു​ന്ന​ത്. ഡി​സ്‌​പെ​ൻ​സ​റി​യി​ൽ വേ​ണ്ട​ത്ര സൗ​ക​ര്യ​ങ്ങ​ൾ ഇ​ല്ലാ​ത്ത​തും വെ​ല്ലു​വി​ളി​യാ​കു​ന്നു​ണ്ട്.

785 സ്ഥാ​പ​ന​ങ്ങ​ള്‍ക്ക് ഹൈ​ജീ​ന്‍ റേ​റ്റി​ങ്

തി​രു​വ​ന​ന്ത​പു​രം: മാ​ന​ദ​ണ്ഡ​ങ്ങ​ള്‍ പാ​ലി​ക്കാ​ത്ത​തി​ന്​ അ​ട​പ്പി​ച്ച സ്ഥാ​പ​ന​ങ്ങ​ളി​ലെ ജീ​വ​ന​ക്കാ​ര്‍ക്ക് ഭ​ക്ഷ്യ​സു​ര​ക്ഷ പ​രി​ശീ​ല​നം നി​ര്‍ബ​ന്ധ​മെ​ന്ന് ആ​രോ​ഗ്യ​മ​ന്ത്രി വീ​ണ ജോ​ര്‍ജ്. അ​ട​പ്പി​ച്ച സ്ഥാ​പ​ന​ങ്ങ​ള്‍ തു​റ​ക്കാ​ൻ അ​നു​വ​ദി​ക്കു​മ്പോ​ള്‍ ന്യൂ​ന​ത​ക​ള്‍ പ​രി​ഹ​രി​ക്കു​ന്ന​തി​നൊ​പ്പം ജീ​വ​ന​ക്കാ​ര്‍ ര​ണ്ടാ​ഴ്ച​ക്ക​കം പ​രി​ശീ​ല​നം നേ​ട​ണം. 785 സ്ഥാ​പ​ന​ങ്ങ​ള്‍ ഭ​ക്ഷ്യ​സു​ര​ക്ഷ വ​കു​പ്പി​ന്റെ ഹൈ​ജീ​ന്‍ റേ​റ്റി​ങ്​ നേ​ടി. കൊ​ല്ലം ജി​ല്ല​യി​ലാ​ണ് റേ​റ്റി​ങ്​ നേ​ടി​യ കൂ​ടു​ത​ല്‍ സ്ഥാ​പ​ന​ങ്ങ​ള്‍ (137). ഹൈ​ജീ​ന്‍ സ​ര്‍ട്ടി​ഫി​ക്ക​റ്റ് ല​ഭി​ച്ച സ്ഥാ​പ​ന​ങ്ങ​ളു​ടെ വി​ശ​ദാം​ശ​ങ്ങ​ള്‍ ഭ​ക്ഷ്യ​സു​ര​ക്ഷ വ​കു​പ്പി​ന്റെ വെ​ബ് സൈ​റ്റി​ല്‍ ല​ഭ്യ​മാ​ണ്. ഭ​ക്ഷ്യ​സു​ര​ക്ഷ വ​കു​പ്പ് പു​റ​ത്തി​റ​ക്കു​ന്ന മൊ​ബൈ​ല്‍ ആ​പ്പി​ലൂ​ടെ​യും ഹൈ​ജീ​ന്‍ റേ​റ്റി​ങ്ങു​ള്ള ഹോ​ട്ട​ലു​ക​ളെ​കു​റി​ച്ച്​ അ​റി​യാ​നാ​കു​ം.

Show Full Article
TAGS:health card hotel workers 
News Summary - Health card is mandatory for hotel residents
Next Story