പെരിന്തൽമണ്ണയിൽ ഒരുകോടി പത്ത് ലക്ഷം രൂപയുടെ കുഴൽപ്പണം പിടികൂടി

പെരിന്തൽമണ്ണ: പെരിന്തൽമണ്ണയിൽ ഒരുകോടി പത്ത് ലക്ഷം രൂപയുടെ കുഴൽപ്പണവുമായി യുവാവ് ടൗൺ ഷാഡോ പൊലീസി​​െൻറ പിടിയിലായി. കൊപ്പം കൈപ്പുറം സ്വദേശി പാറമ്മൽ സൈനുദ്ദീനെയാണ്​ (37) ഡിവൈ.എസ്.പി എം.പി. മോഹനചന്ദ്ര​​െൻറ കീഴിലുള്ള അന്വേഷണസംഘം പിടികൂടിയത്. ആഡംബര കാറും പിടിച്ചെടുത്തു. ഡിവൈ.എസ്.പിയുടെയും സി.ഐ ടി.എസ്. ബിനുവി​​െൻറയും നേതൃത്വത്തിൽ നടത്തിയ നീക്കത്തിലാണ് തമിഴ്‌നാട്ടിൽനിന്ന്​ കടത്തിക്കൊണ്ടുവന്ന പണം പിടികൂടിയത്. കഴിഞ്ഞ രണ്ട് വർഷത്തിനിടെ ഇത്തരം സംഘങ്ങളിൽനിന്നായി ഏതാണ്ട് 33 കോടിയോളം രൂപ പല കേസുകളിലായി പിടിച്ചെടുത്തിട്ടുണ്ട്​.