You are here

പിഞ്ചുകുഞ്ഞിനെതിരെ വർഗീയ പോസ്​റ്റ്​: ആർ.എസ്.എസുകാരൻ അറസ്​റ്റിൽ

10:08 AM
19/04/2019
ഹൃദയ ശസ്​ത്രക്രിയക്കായി മംഗലാപുരത്തുനിന്ന്​ കൊച്ചിയിലേക്ക്​ ആംബുലൻസിൽ എത്തിച്ച നവജാതശി​ശുവിനെ വർഗീയമായി അപമാനിച്ച കേസിൽ അറസ്​റ്റിലായ ആർ.എസ്​.എസ്​ പ്രവർത്തകൻ ബിനിൽ സോമസുന്ദരത്തിനെ മജിസ്​ട്രേറ്റിന്​ മുന്നിൽ ഹാജരാക്കാൻ കൊണ്ടുപോകുന്നു.

കൊച്ചി: ഹൃദയ ശസ്ത്രക്രിയക്ക്​  മംഗാലപുരത്തുനിന്ന്​ കൊച്ചിയിലെത്തിച്ച നവജാത ശിശുവിനെ വര്‍ഗീയമായി അപമാനിച്ച് ഫേസ്ബുക്ക് പോസ്​റ്റിട്ട ആര്‍.എസ്.എസ് പ്രവര്‍ത്തകനെ പൊലീസ് അറസ്​റ്റ്​ ചെയ്തു. കോതമംഗലം പൈങ്ങോട്ടൂര്‍ കോനാമ്പറത്ത് വീട്ടില്‍ ബിനില്‍ സോമസുന്ദരത്തിനെയാണ് എറണാകുളം സെന്‍ട്രല്‍ പൊലീസ് നെടുങ്കണ്ടത്തുനിന്ന് അറസ്​റ്റ്​ ചെയ്തത്. സംഭവത്തിൽ കേസെടുത്തതിനെത്തുടർന്ന്  ഇയാള്‍ ഒളിവിലായിരുന്നു. ബിനിലിനെതിരെ 153 എ, 505, 295 തുടങ്ങിയ വകുപ്പുകൾ ചുമത്തിയിട്ടുണ്ട്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്യും. പ്രതിക്കെതിരെ കൂടുതല്‍ അന്വേഷണം നടത്താനും പൊലീസ് തീരുമാനിച്ചു. 
 

communal-post-binil-somasundaram


ചൊവ്വാഴ്ച വൈകീട്ടാണ് നാടൊന്നാകെ വഴിയൊരുക്കി ആംബുലന്‍സിൽ കൊച്ചിയിലെത്തിച്ച ദിവസങ്ങൾമാത്രം പ്രായമുള്ള ആൺകുഞ്ഞിെനക്കുറിച്ച് ബിനില്‍ ഫേസ്ബുക്കിൽ കുറിപ്പിട്ടത്. ആംബുലന്‍സിലുള്ളത് ന്യൂനപക്ഷ ജിഹാദിയുടെ വിത്തെന്നായിരുന്നു പരാമര്‍ശം. വ്യാപക പ്രതിഷേധമുയര്‍ന്നതോടെ കുറിപ്പ് പിന്‍വലിക്കുകയും അക്കൗണ്ട് ആരോ ഹാക്ക് ചെയ്തുവെന്ന വിശദീകരണക്കുറിപ്പിടുകയും ചെയ്തു. എന്നാൽ, ട്വിറ്ററിലും സമാന പോസ്​റ്റിട്ടത് നുണപ്രചാരണം പൊളിച്ചു. ബിനിലി​െൻറ  വിഷംചീറ്റുന്ന പോസ്​റ്റിനെതിരെ ഡി.ജി.പിക്ക് പലരും പരാതി നല്‍കിയിരുന്നു. ഹിന്ദു രാഷ്​ട്രസേവകനെന്നാണ് ഇയാള്‍ ഫേസ്ബുക്കില്‍ സ്വയം പരിചയപ്പെടുത്തുന്നത്. 

Loading...
COMMENTS