അശ്ലീല വാട്​സ്​ആപ്​ സന്ദേശം; നഗരസഭ ജീവനക്കാരനെ സസ്​പെൻഡ്​​ ചെയ്​തു

കാഞ്ഞങ്ങാട്​: മുഖ്യമന്ത്രി, ഷൊർണൂർ എം.എൽ.എ പി.കെ. ശശി എന്നിവർക്കെതിരെ വാട്​സ്​ആപ്​ സന്ദേശമയച്ച നഗരസഭ ജീവനക്കാരനെ ​സസ്​പെൻഡ്​​ ചെയ്​തു. കാഞ്ഞങ്ങാട്​ നഗരസഭയിൽ ഒാഫിസ്​ അറ്റൻഡറായ പടന്നക്കാ​​െട്ട മുഹമ്മദ്​ റിയാസിനെതിരെയാണ്​ നടപടി. ഇയാൾ ഗ്രൂപ്​ അഡ്​മിനായ നഗരപാലികയെന്ന ഗ്രൂപ്പിലേക്കാണ്​ അശ്ലീലച്ചുവയുള്ള സന്ദേശം ഫോർവേഡ്​ ചെയ്​തത്​​.

പി.കെ. ശശിക്കെതിരെയുള്ള ലൈംഗികാരോപണവുമായി ബന്ധപ്പെടുത്തിയാണ്​ സന്ദേശം. കാഞ്ഞങ്ങാട്​, കാസർകോട്​, നീലേശ്വരം നഗരസഭകളിലെ ജീവനക്കാരടങ്ങിയതാണ്​ ഗ്രൂപ്​. ​നഗരസഭ ചെയർമാ​​​െൻറ പരാതിയിൽ നഗരകാര്യ സെക്രട്ടറിയാണ്​ നടപടിയെടുത്തത്​.