വിദ്വേഷ മുദ്രാവാക്യം: കടുത്ത സംഘടനാ പരിശോധനക്ക് യൂത്ത് ലീഗ്

കാ​സ​ർ​കോ​ട്: മ​ണി​പ്പൂ​ർ ജ​ന​ത​ക്ക് ഐ​ക്യ​ദാ​ർ​ഢ്യം പ്ര​ഖ്യാ​പി​ച്ച് മു​സ്‍ലിം യൂ​ത്ത് ലീ​ഗ് കാ​ഞ്ഞ​ങ്ങാ​ട്ട് സം​ഘ​ടി​പ്പി​ച്ച പ​രി​പാ​ടി​ക്കി​ട​യി​ൽ വി​ദ്വേ​ഷ പ​രാ​മ​ർ​ശ​മ​ട​ങ്ങി​യ മു​ദ്രാ​വാ​ക്യം മു​ഴ​ക്കി​യ സം​ഭ​വ​ത്തി​ൽ ക​ടു​ത്ത സം​ഘ​ട​ന​ത​ല പ​രി​ശോ​ധ​ന​ക്ക് മു​സ്‍ലിം യൂ​ത്ത് ലീ​ഗ് സം​സ്ഥാ​ന ക​മ്മി​റ്റി. സം​ഭ​വ​ത്തി​ൽ ബാ​ഹ്യ ഇ​ട​പെ​ട​ലും സം​ഘ​ട​ന സം​ശ​യി​ക്കു​ന്നു​ണ്ട്.

വി​ഷ​യം പ​രി​ശോ​ധി​ക്കാ​ൻ ര​ണ്ടം​ഗ സം​സ്ഥാ​ന ഭാ​ര​വാ​ഹി​ക​ളെ ക​മീ​ഷ​നാ​യി നി​യ​മി​ച്ച് കാ​സ​ർ​കോ​ട്ടേ​ക്ക​യ​ച്ചു. യൂ​ത്ത് ലീ​ഗ് സം​സ്ഥാ​ന വൈ​സ് പ്ര​സി​ഡ​ന്റ് കെ.​എ. മാ​ഹി​ൻ (കോ​ട്ട​യം), സം​സ്ഥാ​ന സെ​ക്ര​ട്ട​റി സി.​കെ. മു​ഹ​മ്മ​ദ​ലി (ക​ണ്ണൂ​ർ) എ​ന്നി​വ​ർ ശ​നി​യാ​ഴ്ച തെ​ളി​വെ​ടു​പ്പ് ന​ട​ത്തി റി​പ്പോ​ർ​ട്ട് ത​യാ​റാ​ക്കി സം​സ്ഥാ​ന നേ​തൃ​ത്വ​ത്തി​ന് കൈ​മാ​റും. പി​ന്നാ​ലെ കൂ​ടു​ത​ൽ​പേ​ർ​ക്ക​തി​രെ ന​ട​പ​ടി​യു​ണ്ടാ​കും.

മ​ണി​പ്പൂ​ർ ജ​ന​ത​ക്ക് ഐ​ക്യ​ദാ​ർ​ഢ്യ സ​ദ​സ്സ് സം​ഘ​ടി​പ്പി​ച്ച​പ്പോ​ൾ ഏ​റെ ക​രു​ത​ലോ​ടെ​യാ​ണ് പ​രി​പാ​ടി ഒ​രു​ക്കി​യ​ത്. ‘സെ​ൻ​സി​റ്റി​വ്’ വി​ഷ​യ​മാ​യ​തി​നാ​ൽ വി​ളി​ക്കേ​ണ്ട മു​ദ്രാ​വാ​ക്യം അ​ച്ച​ടി​ച്ച് ലാ​മി​നേ​ഷ​ൻ ന​ട​ത്തി​യാ​ണ് ന​ൽ​കി​യ​ത്. എ​ന്നാ​ൽ, ഇ​തി​ൽ ഒ​ന്നാം പ്ര​തി വേ​റെ മു​ദ്രാ​വാ​ക്യം എ​ഴു​തി​ത്ത​യാ​റാ​ക്കി​യ​ത് ബോ​ധ​പൂ​ർ​വ​വും ബാ​ഹ്യ ഇ​ട​പെ​ട​ലോ​ടു​കൂ​ടി​യു​മാ​ണെ​ന്ന് സം​ശ​യ​മു​ണ്ട്. മു​ദ്രാ​വാ​ക്യം വി​ളി​ക്കു​ന്ന​തും അ​തു​മാ​ത്രം വി​ഡി​യോ​യി​ൽ പ​ക​ർ​ത്തി​യ​തും അ​പ്പോ​ൾ​ത്ത​ന്നെ സം​ഘ​ട​ന​ക്ക് പു​റ​ത്തു​ള്ള ഗ്രൂ​പ്പു​ക​ളി​ലേ​ക്ക് പ​ട​ർ​ന്ന​തും സം​ശ​യം ബ​ല​പ്പെ​ടു​ത്തു​ന്നു.

ചു​രു​ക്കം സ​മ​യം മാ​ത്ര​മാ​ണ് മു​ദ്രാ​വാ​ക്യം വി​ളി​ച്ചു​കൊ​ടു​ത്ത​ത്. വി​ഡി​യോ എ​ടു​ക്കു​ന്ന​തി​ന് ആ​സൂ​ത്രി​ത ശ്ര​മം ന​ട​ന്നി​ട്ടു​ണ്ടെ​ന്ന് നേ​തൃ​ത്വം ക​രു​തു​ന്നു. വി​ഷ​യം ​ശ്ര​ദ്ധ​യി​ൽ​പെ​ട്ട​യു​ട​ൻ ഉ​ത്ത​ര​വാ​ദി​ക​ളെ പു​റ​ത്താ​ക്കി​യ ന​ട​പ​ടി​യി​ൽ യൂ​ത്ത് ലീ​ഗ് പ്ര​ശം​സ പി​ടി​ച്ചു​പ​റ്റി​യി​ട്ടു​ണ്ട്. അ​തേ​സ​മ​യം മു​ദ്രാ​വാ​ക്യം അ​ട​ങ്ങി​യ വി​ഡി​യോ​യി​ൽ കാ​ണു​ന്ന​വ​രെ​യെ​ല്ലാം പ്ര​തി​ചേ​ർ​ത്ത് അ​റ​സ്റ്റ് ചെ​യ്യു​ന്ന​ത് പൊ​ലീ​സ് ഉ​ദ്ദേ​ശി​ക്കു​ന്ന ഫ​ലം ചെ​യ്യു​മോ​യെ​ന്ന ആ​ശ​ങ്ക​യും സം​ഘ​ട​ന​ക്കു​ണ്ട്.

പൊ​ലീ​സ് അ​ന്വേ​ഷ​ണ​ത്തി​ന് എ​ല്ലാ​വി​ധ പി​ന്തു​ണ​യും യൂ​ത്ത് ലീ​ഗ് ജി​ല്ല പൊ​ലീ​സ് മേ​ധാ​വി​ക്ക് വാ​ഗ്ദാ​നം ചെ​യ്തി​ട്ടു​ണ്ടെ​ന്ന് നേ​തൃ​ത്വം അ​റി​യി​ച്ചു. ഇ​തു​വ​രെ ഒ​മ്പ​തു​പേ​രെ​യാ​ണ് അ​റ​സ്റ്റ്ചെ​യ്ത​ത്. ഇ​തി​ൽ ഏ​റെ​പ്പേ​രും ഒ​രേ പ്ര​ദേ​ശ​ത്തു​നി​ന്ന് ത​ന്നെ​യാ​യ​തും യൂ​ത്ത് ലീ​ഗും പൊ​ലീ​സും പ്ര​ത്യേ​കം ശ്ര​ദ്ധി​ക്കു​ന്നു​ണ്ട്. മു​സ്‍ലിം യൂ​ത്ത് ലീ​ഗ് അ​ഖി​ലേ​ന്ത്യ ജ​ന​റ​ൽ സെ​ക്ര​ട്ട​റി​യെ ഉ​ൾ​പ്പെ​ടെ കേ​സി​ൽ പ്ര​തി​ചേ​ർ​ത്തി​ട്ടു​ണ്ട്.