10​ കോടിയുടെ ഹഷീഷുമായി യുവാവ് അറസ്​റ്റില്‍

തിരുവനന്തപുരം: അന്തരാഷ്​ട്ര വിപണിയില്‍ 10 കോടിയോളം രൂപ വിലമതിക്കുന്ന 30 കിലോ ഹഷീഷുമായി യുവാവ്​ പിടിയിൽ. ഇടുക്കി മുനിയറ പണിക്കംകുടിയില്‍ കൂനംമാക്കല്‍ അജിയെയാണ് (35) നാര്‍​കോട്ടിക്​ സെല്ലി​​​​െൻറ സഹായത്തോടെ പൊലീസ് അറസ്​റ്റ്​ ചെയ്തത്. ഒക്​ടോബറിൽ സിറ്റി പൊലീസ് പിടികൂടിയ 10 കിലോ ഹഷീഷ്​ ഓയിലി​​​​െൻറ കേസ്​ അന്വേഷണത്തി​​​​െൻറ ഭാഗമായി ഉറവിടം തേടി നടത്തിയ അന്വേഷണത്തിലാണ് അജിയെ അറസ്​റ്റ്​ ചെയ്തത്.

കേരളത്തില്‍ ഹഷീഷ് ഓയില്‍ എത്തിച്ച് കച്ചവടം നടത്തുന്ന സംഘത്തിലെ പ്രധാനിയാണ് ഇയാളെന്ന്​ ​െപാലീസ്​ പറയുന്നു. ആന്ധ്രപ്രദേശിലെ ശീലേരുവില്‍നിന്നാണ് ഇയാള്‍ കേരളത്തിലേക്ക്​ ഹഷീഷ് ഓയില്‍ കടത്തുന്നതെന്ന്​ പൊലീസ് കണ്ടെത്തി. ഇയാള്‍ക്കെതിരെ കഞ്ചാവ് കേസുകളും നിലവിലുണ്ടെന്ന്​ പൊലീസ്​ പറഞ്ഞു.

ട്രെയിന്‍ മാർഗമാണ് ആന്ധ്രപ്രദേശില്‍നിന്ന്​ കഞ്ചാവും ഹഷീഷ് ഓയിലും കടത്തിയിരുന്നത്​. ട്രെയിൻമാർഗം പാലക്കാട് മയക്കുമരുന്ന്​ എത്തിച്ച് രഹസ്യ സങ്കേതത്തിലേക്ക്​ മാറ്റും. പിന്നീട് ഇടനിലക്കാരെ വിളിച്ച് വില്‍പന നടത്തുകയായിരുന്നു പതിവ്​. വിദേശത്തേക്കും മയക്കുമരുന്ന്​ കടത്തിയതായി ഇയാള്‍ സമ്മതിച്ചു.

സിറ്റി പൊലീസ് കമീഷണർ പി. പ്രകാശി​​​​െൻറയും, ഡി.സി.പി ആദിത്യയുടെയും നിർദേശാനുസരണം നാർകോട്ടിക് സെല്‍ അസി. കമീഷണര്‍ ഷീന്‍ തറയില്‍, പേട്ട എസ്​.​െഎ ജി.പി. സജുകുമാര്‍, എസ്​.​െഎ മാരായ പ്രതാപചന്ദ്രന്‍, വിനോദ് വിക്രമാദിത്യന്‍ നാർകോട്ടിക് സെല്ലിലെ എ.എസ്​.​െഎ അശോകന്‍, സേവ്യര്‍, സന്തോഷ്, ബാബു എന്നിവര്‍ ചേര്‍ന്നാണ് അജിയെ പിടികൂടിയത്. ശനിയാഴ്​ച കോടതിയില്‍ ഹാജരാക്കും.