അങ്ങിനൊരു സർക്കുലർ ഞങ്ങൾ ഇറക്കിയിട്ടില്ല;  വിശദീകരണവുമായി സി.ബി.എസ്​.ഇ

10-12 ക്ലാസുകളിലെ പരീക്ഷ സംബന്ധിച്ച്​ പ്രചരിച്ച സർക്കുലർ വ്യാജമെന്ന വിശദീകരണവുമായി സി.ബി.എസ്​.ഇ 10-12ക്ലാസുകളിലെ ബോർഡ്​ എക്​സാം റിസൾട്ട്​ ഈ മാസം 11നും 13നും പുറത്തുവരുമെന്നായിരുന്നു വ്യാജ സർക്കുലറിൽ പറഞ്ഞിരുന്നത്​.

പരീക്ഷഫലം പുറത്തുവിടുന്നതുസംബന്ധിച്ച്​ തങ്ങൾ ഇനിയും തീരുമാനമെടുത്തിട്ടില്ലെന്നും സി.ബി.എസ്​.ഇ അറിയിച്ചു. എ.എൻ.ഐ ഉൾപ്പടെ വാർത്ത ഏജൻസികൾ സർക്കുലർ സംബന്ധിച്ച്​ വാർത്ത നൽകിയിരുന്നു.

ജൂലൈ മധ്യത്തോടെ പരീക്ഷഫലം പുറത്തുവിടുമെന്ന്​ ​േനരത്തെ സി.ബി.എസ്​.ഇ പ്രഖ്യാപിച്ചിരുന്നു. ഇതി​​െൻറ പശ്​ചാത്തലത്തിലാണ്​ വാജ സർക്കുലർ പ്രചരിച്ചത്​.