കടകളടപ്പിച്ച്​ തിരിച്ചുവന്നപ്പോൾ ബി.ജെ.പി പ്രവർത്തക​െൻറ കടയില്ല

ആലപ്പുഴ: വെള്ളക്കിണർ ജങ്​ഷന്​ സമീപം ബി.ജെ.പി പ്രവർത്തക​​​െൻറ കട അടിച്ചുതകർത്തു. ആർ.എൻ. ബിജുവി​​​െൻറ കടയാണ്​ തല ്ലിത്തകർത്തത്​. ശബരിമല യുവതീപ്രവേശനത്തെ തുടർന്ന്​ ആഹ്വാനം ചെയ്​ത ഹർത്താലിൽ സംഘ്​പരിവാറി​​​െൻറ പ്രകടനത്തിൽ പ​െങ്കടുത്ത്​ മറ്റ്​ കടകൾ അടപ്പിക്കാൻ പോയ സംഘത്തിൽ ബിജുവും ഉണ്ടായിരുന്നു.

ബിജു അടക്കമുള്ള സംഘം തങ്ങളെ വന്ന്​ ഭീഷണിപ്പെടുത്തിയാണ്​ കട അടപ്പിച്ചതെന്ന്​ സമീപത്തെ കച്ചവടക്കാർ പറയുന്നു. ഇതിനുശേഷമാണ്​ ഒരുസംഘം ബിജുവി​​​െൻറ​ ബജിക്കട അടിച്ചുപൊളിച്ചത്​. വെള്ളക്കിണർ ലൈല ഭവനിൽ വാടകക്ക്​ താമസിക്കുന്ന ഇദ്ദേഹവും അമ്മ വനജയും ചേർന്ന്​ നടത്തുന്ന കടയുടെ പരിസരത്ത്​ ഹർത്താൽ അനുകൂലികളുടെ പ്രകടനം എത്തി അരമണിക്കൂറിന്​ ശേഷം ഉച്ചക്ക്​ 12ഒാടെയായിരുന്നു ആക്രമണം.​

റോഡരികിൽ ഷീറ്റ്​ ഇട്ട കടയിൽ ഗ്യാസ്​ അടുപ്പ്​, പലഹാര അലമാര, പാത്രങ്ങളും, കസേരകളും അടക്കം 25,000 രൂപയുടെ സാധനങ്ങൾ നശിപ്പിച്ചു​. ബൈക്കിലെത്തിയ യുവാക്കളുടെ സംഘമാണ്​ ഇരുമ്പ​ു​കമ്പി ഉപയോഗിച്ച്​ കട തല്ലിപ്പൊളിച്ചതെന്ന്​ നാട്ടുകാർ പറയുന്നു. ആലപ്പുഴ സൗത് ​പൊലീസ്​ സ്​റ്റേഷനിൽ പരാതി നൽകിയതായി ബിജു പറഞ്ഞു.