ഹാരിസൺസ്​: കരം സ്വീകരിക്കുന്നത്​ തീരുമാനിച്ചിട്ടില്ല -മന്ത്രി ചന്ദ്രശേഖരൻ

തിരുവനന്തപുരം: ഹാരിസൺസ്​ ഭൂമിയുടെ കരം സ്വീകരിക്കുന്ന കാര്യത്തിൽ തീരുമാനമെടുത്തിട്ടില്ലെന്ന്​ മന്ത്രി. ഇ. ചന്ദ്രശേഖരൻ നിയമസഭയിൽ പറഞ്ഞു. തർക്കം സിവിൽ കോടതി തീർപ്പാക്കണമെന്ന സുപ്രീംകോടതി വിധിയുടെ അടിസ്ഥാനത്തിൽ ഇതിനുള്ള സാധ്യത ആലോചിക്കുമെന്നും പ്രതിപക്ഷ ​േനതാവ്​ രമേശ്​ ചെന്നിത്തലയുടെ സബ്​മിഷന്​ മറുപടി നൽകി. ഹൈകോടതി വിധിയിലാണ്​ കരം സ്വീകരിക്കണമെന്ന്​ നിർദേശിച്ചിട്ടുള്ളത്​. ഇൗ സാഹചര്യത്തിൽ സംസ്ഥാന താൽപര്യം സംരക്ഷിച്ച്​ തുടർനടപടി പരിശോധിച്ചു വരുകയാണ്.

ഹാരിസൺസ്​ മലയാളം പ്ലാേൻറഷനും സമാന കമ്പനികളും കൈവശം ​െവച്ചിരിക്കുന്ന ഭൂമി പരിശോധിച്ച് നടപടിക്ക്​ നിയോഗിച്ചിരുന്ന സ്​പെഷൽ ഓഫിസർ എം.ജി.രാജമാണിക്യം കൊല്ലം, പത്തനംതിട്ട, കോട്ടയം, ഇടുക്കി ജില്ലകളിൽ 38,000 ഏക്കർ ഭൂമി ഏറ്റെടുത്ത്​ ഉത്തരവിട്ടിരുന്നു. ഇത്​ ചോദ്യം ചെയ്ത്​ ഭൂമി കൈവശം ​െവച്ചവർ ഹൈകോടതിയിൽ ഫയൽ ചെയ്ത കേസിൽ, സ്​പെഷൽ ഓഫിസറുടെ ഉത്തരവ്​ റദ്ദാക്കുകയായിരുന്നു. കമ്പനികൾക്കും ഭൂമി കൈവശം ​െവച്ചിരുന്ന മറ്റുള്ളവർക്കും അനുകൂലമായ കണ്ടെത്തലുകളും ഡിവിഷൻ ​െബഞ്ച് നടത്തി.

ഇൗ വിധിക്കെതിരെ സുപ്രീംകോടതിയിൽ ഫയൽ ചെയ്​ത ഹരജി തള്ളി. ഇൗ സാഹചര്യത്തിലാണ്​ കരം അടച്ചുകിട്ടണമെന്ന് ആവശ്യപ്പെട്ട് കമ്പനികൾ കോടതിയെ സമീപിച്ചത്. ഡിവിഷൻ ​െബഞ്ച്​ വിധി പുനഃപരിശോധിക്കാനുള്ള സാധ്യത ആരാ​െഞ്ഞങ്കിലും സാധ്യതയില്ലായെന്നാണ് നിയമ വകുപ്പ് അറിയിച്ചതെന്നും മന്ത്രി പറഞ്ഞു.

ഹാരിസൺസ്​ അടക്കമുള്ള ഭൂമി കേസുകൾ നന്നായി കൈകാര്യം ചെയ്​തിരുന്ന അഡ്വ. സുശീല ഭട്ടിനെ ഒഴിവാക്കിയപ്പോൾതന്നെ വീഴ്ച പ്രതിപക്ഷം ചൂണ്ടിക്കാട്ടിയതാണെന്ന്​ രമേശ്​ ചെന്നിത്തല പറഞ്ഞു. കേസ്​ നടത്തുന്നതിൽ വീഴ്​ച പറ്റി. സുപ്രീംകോടതി നിർദേശമനുസരിച്ച്​ സിവിൽ തർക്കമാണിതെന്നും അതിനുള്ള നടപടി ആരംഭിക്കണമെന്നും അദ്ദേഹം ആവശ്യപ്പെട്ടു.