ഹാരിസൺ ഭൂമി തിരിച്ചു പിടിക്കാനുള്ള നടപടി ഹൈകോടതി റദ്ദാക്കി

കൊച്ചി: ഹാരിസണ്‍ മലയാളം അടക്കം വിവിധ പ്ലാ​േൻറഷനുകള്‍ക്ക്​ കീഴിലെ 38,000 ഏക്കറോളം ഭൂമി ഏറ്റെടുക്കാനുള്ള സ്​പെഷൽ ഒാഫിസർ എം.ജി രാജമാണിക്യത്തി​​​െൻറ നടപടികൾ ഹൈകോടതി റദ്ദാക്കി. കേരള ഭൂ സംരക്ഷണ നിയമപ്രകാരം​ സർക്കാർ, പുറ​േമ്പാക്ക്​ ഭൂമികൾ തിരിച്ചു പിടിക്കാൻ ചുമതലപ്പെടുത്തിയ ഉദ്യോഗസ്​ഥന്​ ഭൂമിയുടെ ഉടമസ്ഥാവകാശം ഏകപക്ഷീയമായി നിർണയിച്ച്​ തുടർ നടപടിയെടുക്കാൻ അധികാരമില്ലെന്ന്​ വ്യക്​തമാക്കിയാണ്​ ഭൂമി ഒഴിപ്പിക്കാൻ രാജമാണിക്യം നൽകിയ ഉത്തരവുകളും നോട്ടീസുകളും ഡിവിഷന്‍ ബെഞ്ച് റദ്ദാക്കിയത്. 

ഹാരിസൺ കമ്പനിക്ക്​ ഉടമസ്​ഥാവകാശമില്ലെന്ന്​ തോന്നുന്നുണ്ടെങ്കിൽ അത്​ സ്​ഥാപിക്കാൻ സർക്കാറിന്​ സിവിൽ കോടതിയെ സമീപിക്കാമെന്നും ​ ഉടമസ്​ഥാവകാശം സംബന്ധിച്ച്​ തീരുമാനമെടുക്കുന്നില്ലെന്നും ഡിവിഷൻ ബെഞ്ച്​ വ്യക്​തമാക്കി. ഹാരിസണ്‍ മലയാളം കൈമാറ്റം ചെയ്ത ഭൂമിയുടെ കാര്യത്തിലും ഇടപെടുന്നില്ലെന്നും സിവിൽ കോടതി തന്നെ ഇക്കാര്യത്തിലും തീരുമാനമെടുക്ക​െട്ടയെന്നും കോടതി പറഞ്ഞു. നിയമം പരിഗണിക്കാതെ ജനതാൽപര്യത്തി​​​െൻറ പേരിലുള്ള സർക്കാർ ഇടപെടലുകളെ 192 പേജ്​ വിധിന്യായത്തിൽ കോടതി വിമർശിച്ചു​. 1849 മുതല്‍ പ്രവര്‍ത്തിക്കുന്ന കമ്പനി 1948ല്‍ ഹാരിസണ്‍ മലയാളമായി മാറിയെന്നും നൂറ്റാണ്ടായി കൈവശമുള്ള ഭൂമിക്ക്​ കൃത്യമായി നികുതി അടക്കുന്നുണ്ടെന്നതടക്കം ചൂണ്ടിക്കാട്ടിയാണ്​ ഹാരിസൺ കമ്പനിയടക്കം ഹരജി നൽകിയത്​. 

എല്ലാ നിയമങ്ങളും ലംഘിച്ചാണ്​ ഹാരിസൺ ഭൂമി കൈയടക്കിയിരിക്കുന്നതെന്നും സർക്കാർ ഭൂമിയാണെന്ന്​ രേഖാമൂലം കണ്ടെത്തിയതിനാലാണ്​ തിരിച്ചുപിടിക്കലി​​​െൻറ ഭാഗമായി സ്​​െപഷൽ ഒാഫിസർ നടപടിയാരംഭിച്ചതെന്നുമായിരുന്നു​ സർക്കാർ വാദം. എന്നാൽ, സർക്കാർ ഭൂമിയിൽനിന്ന്​ അനധികൃത കൈയേറ്റക്കാരെ ഒഴിപ്പിക്കാൻ അധികാരപ്പെടുത്തിയ ഉദ്യോഗസ്​ഥന്​ വ്യാജ രേഖയുടെയും തട്ടിപ്പി​​​​െൻറയും ഒത്തുകളിയുടെയും പേരു പറഞ്ഞ്​ കമ്പനിയുടെ​ ഉടമസ്​ഥാവകാശം നിഷേധിക്കാനാവില്ലെന്നും സ്വയം തീരുമാനമെടുത്ത്​ ഏകപക്ഷീയമായി ഭൂമി ഒഴിപ്പിക്കാൻ അധികാരമില്ലെന്നും കോടതി വ്യക്​തമാക്കി.