ഹരിവരാസന പുരസ്കാരം കൈതപ്രത്തിന് സമ്മാനിച്ചു

ശ​ബ​രി​മ​ല: സ​ന്നി​ധാ​ന​ത്ത് ന​ട​ന്ന ച​ട​ങ്ങി​ൽ 2025ലെ ​ഹ​രി​വ​രാ​സ​നം പു​ര​സ്‌​കാ​രം ക​വി​യും ഗാ​ന​ര​ച​യി​താ​വും സം​ഗീ​ത സം​വി​ധാ​യ​ക​നു​മാ​യ കൈ​ത​പ്രം ദാ​മോ​ദ​ര​ൻ ന​മ്പൂ​തി​രി ഏ​റ്റു​വാ​ങ്ങി. സ​ന്നി​ധാ​നം ധ​ർ​മ​ശാ​സ്താ ഓ​ഡി​റ്റോ​റി​യ​ത്തി​ൽ ചൊ​വ്വാ​ഴ്ച രാ​വി​ലെ ന​ട​ന്ന ച​ട​ങ്ങി​ൽ ദേ​വ​സ്വം മ​ന്ത്രി വി.​എ​ൻ. വാ​സ​വ​ൻ പു​ര​സ്കാ​രം സ​മ്മാ​നി​ച്ചു.

കൈ​ത​പ്രം ദാ​മോ​ദ​ര​ൻ ന​മ്പൂ​തി​രി​യു​ടെ സൃ​ഷ്ടി​ക​ൾ കാ​ല​ത്തി​ന് അ​തീ​ത​മാ​ണെ​ന്ന് ഉ​ദ്ഘാ​ട​ന പ്ര​സം​ഗ​ത്തി​ൽ മ​ന്ത്രി പ​റ​ഞ്ഞു. ത​മി​ഴ്നാ​ട് ഹി​ന്ദു​മ​ത ധ​ർ​മ​സ്ഥാ​പ​ന വ​കു​പ്പ് മ​ന്ത്രി പി.​കെ. ശേ​ഖ​ർ ബാ​ബു മു​ഖ്യാ​തി​ഥി​യാ​യി. പ്ര​മോ​ദ് നാ​രാ​യ​ൺ എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. കെ.​യു. ജ​നീ​ഷ് കു​മാ​ർ എം.​എ​ൽ.​എ, ദേ​വ​സ്വം ബോ​ർ​ഡ് പ്ര​സി​ഡ​ന്‍റ്​ പി.​എ​സ്. പ്ര​ശാ​ന്ത്, പ​ത്ത​നം​തി​ട്ട ജി​ല്ല ക​ല​ക്ട​ർ എ​സ്. പ്രേം​കൃ​ഷ്ണ​ൻ, റാ​ന്നി-​പെ​രു​നാ​ട് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ്​ പി.​എ​സ്. മോ​ഹ​ന​ൻ, ശ​ബ​രി​മ​ല എ.​ഡി.​എം അ​രു​ൺ എ​സ്. നാ​യ​ർ, പ​ത്ത​നം​തി​ട്ട സ​ബ് ക​ല​ക്ട​ർ സു​മി​ത് കു​മാ​ർ, ദേ​വ​സ്വം ബോ​ർ​ഡ് അം​ഗ​ങ്ങ​ളാ​യ അ​ഡ്വ. എ. ​അ​ജി​കു​മാ​ർ, ജി. ​സു​ന്ദ​രേ​ശ​ൻ, ദേ​വ​സ്വം ക​മീ​ഷ​ണ​ർ സി.​വി. പ്ര​കാ​ശ് തു​ട​ങ്ങി​യ​വ​ർ പ​ങ്കെ​ടു​ത്തു.

സം​സ്ഥാ​ന സ​ർ​ക്കാ​റും തി​രു​വി​താം​കൂ​ർ ദേ​വ​സ്വം ബോ​ർ​ഡും ചേ​ർ​ന്നാ​ണ്​ ഹ​രി​വ​രാ​സ​നം പു​ര​സ്കാ​രം ഏ​ർ​പ്പെ​ടു​ത്തി​യി​രി​ക്കു​ന്ന​ത്. സ​ന്നി​ധാ​ന​ത്തും പ​രി​സ​ര​ത്തും അ​യ്യ​പ്പ​ന്‍റെ ചി​ത്ര​ങ്ങ​ൾ വ​ര​ച്ച ഭി​ന്ന​ശേ​ഷി​ക്കാ​ര​നാ​യ പ​ത്ത​നാ​പു​രം സ്വ​ദേ​ശി മ​നോ​ജ് കു​മാ​റി​ന്​ ഒ​രു ല​ക്ഷം രൂ​പ ന​ൽ​കി വേ​ദി​യി​ൽ ആ​ദ​രി​ച്ചു. 2022 ലെ ഹരിവരാസനം പുരസ്‌കാരം ഗാനരചയിതാവും സംഗീത സംവിധായകനുമായ ആലപ്പി രംഗനാഥിനാണ് നല്‍കിയത്. 2023ലെ പുരസ്‌കാരം ലഭിച്ചത് ഗാനരചയിതാവും സംവിധായകനും നോവലിസ്റ്റുമായ ശ്രീകുമാരന്‍ തമ്പിക്കായിരുന്നു.

നിരവധി അയ്യപ്പ ഭക്തിഗാനങ്ങൾ കൈതപ്രത്തിന്റെതായുണ്ട്. ഇവയിൽ ‘ഹരിഹരാത്മജ’, ‘പൊന്നൊടുക്കുകൊട്ടി പാടുന്നു’, ‘സദ് ഗുരോ ഗരണം’ , ‘ഒരു വട്ടം മലയേറുമ്പോൾ’ എന്നിവ ഏറെ ശ്രദ്ധപിടിച്ചു പറ്റിവയാണ്.

‘ദേവദുന്ദുഭീ സാന്ദ്രലയ’മാണ് കൈതപ്രം ആദ്യമെഴുതിയ ചലച്ചിത്രഗാനം. അതാകട്ടെ 1986ൽ ഫാസിലിന്റെ സംവിധാനത്തിൽ പുറത്തിറങ്ങിയ ‘എന്നെന്നും കണ്ണേട്ടന്റെ’ എന്ന ചിത്രത്തിനുവേണ്ടിയാണ്. ജെറി അമൽദേവിന്റെ ഈണത്തിൽ പിറന്ന ആ ഗാനത്തിലൂടെയാണ് മലയാളത്തിന്‍റെ കൈതപ്രം തീർത്ത വസന്തകാലം തുടങ്ങുന്നത്. 350ൽ അധികം സിനിമകൾക്കായി പാട്ടെഴുതി. നിരവധി സംഗീതസംവിധായകരുടെ ഉള്ളറിഞ്ഞ ഗാനരചയിതാവായി. കൈതപ്രം – ജോൺസൺ കൂട്ടുകെട്ടിലാണ് നാം ഹൃദയപൂർവം സ്വീകരിച്ച ഗാനങ്ങൾ ഏറെയും പിറന്നത്.

‘ഹിസ് ഹൈനസ് അബ്ദുല്ല’യിലെ ‘ദേവസഭാതലം’ എന്ന ഗാനരംഗത്തിലെ സംഗീതജ്ഞനെപ്പോലെ, മനസ്സിൽ തങ്ങിനിൽക്കുന്ന വേഷങ്ങളുമായി 10ലേറെ സിനിമകളിൽ കൈതപ്രം നടനായി. സംവിധായകൻ ജയരാജിന്റെ ആദ്യസിനിമയായ ‘വിദ്യാരംഭം’ മുതൽ കൈതപ്രവും കൂടെയുണ്ട്. ‘കുടുംബസമേത’വും ‘പൈതൃക’വുമൊക്കെയായി അനേകം സിനിമകൾ.

ജയരാജിന്റെ ‘സോപാനം’ എന്ന ചിത്രത്തിനു കഥയും തിരക്കഥയുമെഴുതാൻ തീരുമാനിച്ചത് 1993ൽ ഒരു മൂകാംബിക യാത്രയ്ക്കിടെയാണ്. ജയരാജിന്റെ തന്നെ ‘ദേശാടന’ത്തിനാണ് ആദ്യമായി സംഗീത സംവിധാനം നിർവഹിച്ചത്. ആ ചിത്രത്തിലെ ‘നവാമുകുന്ദ ഹരേ’ എന്ന ഗാനത്തിലൂടെ കൈതപ്രത്തിന്റെ മകൻ ദീപാങ്കുരൻ പിന്നണി ഗായകനായെത്തി.