ഹരിതക്ക് പുതിയ സംസ്ഥാന കമ്മിറ്റി; പി.എച്ച് ആയിശ ബാനു പ്രസിഡൻറ്, റുമൈസ റഫീഖ് സെക്രട്ടറി

കോഴിക്കോട്: എം.എസ്.എഫ് നേതാക്കൾക്കെതിരെ വനിതാ കമ്മീഷനിൽ പരാതി നൽകിയതിന് പിരിച്ചുവിട്ട 'ഹരിത' സംസ്ഥാന കമ്മിറ്റിക്ക് പുതിയ നേതൃത്വത്തെ പ്രഖ്യാപിച്ചു. പി.എച്ച് ആയിശ ബാനുവിനെ (മലപ്പുറം) സംസ്ഥാന പ്രസിഡൻറായും, റുമൈസ റഫീഖിനെ (കണ്ണൂർ) ജനറൽ സെക്രട്ടറിയായും പ്രഖ്യാപിച്ചതായി മു​സ്​​ലിം ലീഗ് സംസ്ഥാന കമ്മിറ്റി അറിയിച്ചു.

Also Read:'ഇവരിൽ നിന്ന് നീതി പ്രതീക്ഷിച്ചിരുന്നോ നിഷ്കളങ്കരേ' മുസ്ലിം ലീഗിനെ രൂക്ഷമായി വിമർശിച്ച് ഹരിത മുൻനേതാവ് ഹഫ്സമോൾ

പിരിച്ചുവിട്ട 10 അംഗ കമ്മിറ്റിക്ക് പകരം ഒമ്പത് അംഗ കമ്മിറ്റിയെ ആണ് ഇപ്പോൾ പ്രഖ്യാപിച്ചിരിക്കുന്നത്. നേരത്തെയുണ്ടായിരുന്ന കമ്മിറ്റിയിലെ ട്രഷററായിരുന്നു ആയിശ ബാനു.

നയന സുരേഷ് (മലപ്പുറം) ട്രഷററാണ്. നജ് വ ഹനീന (മലപ്പുറം), ഷാഹിദ റാശിദ് (കാസർകോട്), അയ്ഷ മറിയം (പാലക്കാട്) എന്നിവരാണ് വൈസ് പ്രസിഡൻറുമാർ. സെക്രട്ടറിമാർ: അഫ്ഷില (കോഴിക്കോട്), ഫായിസ എസ്. (തിരുവനന്തപുരം), അഖീല ഫർസാന (എറണാകുളം).

Also Read:അച്ചടക്ക വാളിൽ 'ഹരിത'ക്ക്​ ദയാ വധം; സ​ന്ന​ദ്ധ സം​ഘ​ട​നക്കാ​യി ച​ർ​ച്ച

എം.​എ​സ്.​എ​ഫ്​ സം​സ്ഥാ​ന ക​മ്മി​റ്റി ഓ​ഫി​സി​ലെ യോ​ഗ​ത്തി​നി​െ​ട പോ​ഷ​ക​സം​ഘ​ട​ന​യാ​യ 'ഹരിത'​യി​െ​ല നേ​താ​ക്ക​​ളോ​ട്​ എം.​എ​സ്‌.​എ​ഫ്‌ സം​സ്ഥാ​ന പ്ര​സി​ഡ​ൻ​റ്​ പി.​െ​ക. ന​വാ​സ്​ ലൈം​ഗി​ക പ​രാ​മ​ർ​ശം ന​ട​ത്തി​യെ​ന്ന്​ കാ​ട്ടി പ​ത്തോ​ളം വ​നി​ത​ക​ൾ​ വ​നി​ത ക​മീ​ഷ​ന്‌ പ​രാ​തി ന​ൽ​കു​ക​യാ​യി​രു​ന്നു. ഫോ​ണി​ലൂ​ടെ അ​സ​ഭ്യ​വാ​ക്കു​ക​ൾ പ​റ​ഞ്ഞ​താ​യി എം.​എ​സ്.​എ​ഫ്​ മ​ല​പ്പു​റം ജി​ല്ല ജ​ന​റ​ൽ സെ​ക്ര​ട്ട​റി അ​ബ്​​ദു​ൽ വ​ഹാ​ബി​നെ​തി​രെ​യും പ​രാ​തി​യു​ണ്ട്.

Also Read:ഞങ്ങൾ പൊരുതും; 'ഹ​രി​ത' പകർന്ന കരുത്തോടെ

എം.​എ​സ്.​എ​ഫി​ൻെറ​യും 'ഹരിത'​യു​ടെ​യും ഭാ​ര​വാ​ഹി​ക​ളെ വി​ളി​ച്ചു​വ​രു​ത്തി മു​സ്​​ലിം ലീ​ഗ്​ നേ​തൃ​ത്വം ച​ർ​ച്ച ന​ട​ത്തു​ക​യും ഖേ​ദം പ്ര​ക​ടി​പ്പി​ക്കാ​ൻ എം.​എ​സ്.​എ​ഫി​നും വ​നി​ത ക​മീ​ഷ​നി​ലെ പ​രാ​തി പി​ൻ​വ​ലി​ക്കാ​ൻ 'ഹരിത' ഭാ​ര​വാ​ഹി​ക​ൾ​ക്കും നി​ർ​​ദേ​ശം ന​ൽ​കി. എ​ന്നാ​ൽ 'ഹരിത' പ​രാ​തി പി​ൻ​വ​ലി​ച്ചി​ല്ല. തുടർന്ന്, ക​ടു​ത്ത അ​ച്ച​ട​ക്ക ലം​ഘ​ന​ത്തിൻെറ പേ​രി​ൽ എന്ന് വ്യക്തമാക്കി 'ഹരിത' സം​സ്ഥാ​ന ക​മ്മി​റ്റി മു​സ്​​ലിം ലീ​ഗ് നേ​തൃ​ത്വം പി​രി​ച്ചു​വി​ട്ടു.

Also Read:എം.എസ്​.എഫ്​ സംസ്ഥാന പ്രസിഡന്‍റ് പി​.കെ.നവാസ്​ അറസ്റ്റിൽ

മു​ഫീ​ദ ത​സ്നി പ്ര​സി​ഡ​ൻ​റും ന​ജ്മ ത​ബ്ഷീ​റ ജ​ന​റ​ൽ സെ​ക്ര​ട്ട​റി​യു​മാ​യ സം​സ്ഥാ​ന ക​മ്മി​റ്റി​യാ​ണ് പി​രി​ച്ചു​വി​ട്ട​ത്. സം​ഘ​ട​ന​യു​ടെ പ്ര​ഥ​മ ജ​ന​റ​ൽ സെ​ക്ര​ട്ട​റി​യും നി​ല​വി​ൽ എം.​എ​സ്.​എ​ഫ് ദേ​ശീ​യ വൈ​സ് പ്ര​സി​ഡ​ൻ​റു​മാ​യ ഫാ​ത്തി​മ ത​ഹ്​​ലി​യ, 'ഹരിത'​ക്ക് നീ​തി ല​ഭി​ച്ചി​ല്ലെ​ന്ന് പ​ല​ത​വ​ണ മാ​ധ്യ​മ​ങ്ങ​ളോ​ട് പ​റ​ഞ്ഞി​രു​ന്നു. ഇതിനിടെ കഴിഞ്ഞ ദിവസം ന​വാ​സി​നെ പൊലീസ് അ​റ​സ്​​റ്റു ചെ​യ്യുകയും ചോ​ദ്യം ചെ​യ്​​ത ശേ​ഷ​ം ജാ​മ്യ​ത്തി​ൽ വി​ടുകയും ചെയ്തിരുന്നു.

Also Read:'മറുപടിയില്ലാതെ തല താഴ്ത്തി നടക്കേണ്ട അവസ്ഥ' -നേതാക്കൾക്കെതിരെ നടപടി ആവശ്യപ്പെട്ട് ലീഗിന് എം.എസ്.എഫ് യൂനിറ്റുകളുടെ കത്ത്