'ഹരിത' ഭാരവാഹികൾ​ വനിത കമീഷനിൽ ഹാജരാകണമെന്ന്​ നിർദേശം

കോഴിക്കോട്​: എം.എസ്​.എഫ്​ നേതാക്കൾക്കെതിരെ പരാതി നൽകിയ 'ഹരിത' ഭാരവാഹികൾ വനിത കമീഷന്​ മുന്നിൽ ഹാജരാകണമെന്ന്​ നിർദേശം. സെപ്​റ്റംബർ ഏഴിന്​ മലപ്പുറത്ത്​ നടക്കുന്ന സിറ്റിങ്ങിൽ ഹാജരാകാനായിരുന്നു നിർദേശം.

Also Read:'ഹരിത'യുടെ പരാതി: ​െപാലീസ്​ അന്വേഷണ റിപ്പോർട്ട്‌ ഉടൻ

എന്നാൽ, മലപ്പുറത്ത്​ ഹാജരാകാൻ പ്രയാസമുണ്ടെന്നും കോഴിക്കോട്​ സിറ്റിങ്ങിൽ പ​ങ്കെടുക്കാമെന്നുമാണ്​ ഭാരവാഹികൾ അറിയിച്ചത്​. കമീഷന്​ ലഭിച്ച പരാതി പൊലീസിന്​ കൈമാറിയതിനെ തുടർന്ന്​ കോഴിക്കോട്​ വെള്ളയിൽ പൊലീസ്​ കേസെടുക്കുകയും ഭാരവാഹികളിൽനിന്ന്​ ​െമാഴിയെടുക്കുകയും ചെയ്​തു. അന്വേഷണ റിപ്പോർട്ട്​ ഉടൻ സിറ്റി പൊലീസ്​ മേധാവിക്ക്​ കൈമാറും.

Also Read:ഹരിത 'ഇഫക്​ട്​': കാലിക്കറ്റിലെ എം.എസ്​.എഫ്​ കമ്മിറ്റിയിൽ പെൺഭൂരിപക്ഷം

അതിനിടെ, ലീഗ്​ നേതൃത്വത്തി​‍െൻറ നിർദേശം അവഗണിച്ച്​ കമീഷനിൽ നൽകിയ പരാതിയിൽ ഹരിത ഭാരവാഹികൾ ഉറച്ചുനിൽക്കുന്ന സാഹചര്യത്തിൽ ഈ മാസം എട്ടിന്​ ചേരുന്ന ഉന്നതാധികാര സമിതി യോഗം തുടർനടപടി കൈക്കൊള്ളും.

Also Read:'മറുപടിയില്ലാതെ തല താഴ്ത്തി നടക്കേണ്ട അവസ്ഥ' -നേതാക്കൾക്കെതിരെ നടപടി ആവശ്യപ്പെട്ട് ലീഗിന് എം.എസ്.എഫ് യൂനിറ്റുകളുടെ കത്ത്