ഓണക്കിറ്റിലെ ശർക്കരയിൽ 'ഹാൻസ്' പാക്കറ്റ്​

നടുവണ്ണൂർ (കോഴിക്കോട്​): ഓണക്കിറ്റിലെ ശർക്കരയിൽ ലഹരി വസ്തുവായ 'ഹാൻസ്' പാക്കറ്റ്​. നടുവണ്ണൂർ സൗത്ത് പൊതുവിതരണ കേന്ദ്രത്തിൽ നിന്ന് വിതരണം ചെയ്ത ഓണക്കിറ്റിലെ ശർക്കരയിലാണ് ഹാൻസ് പാക്കറ്റ് കണ്ടെത്തിയത്. നടുവണ്ണൂർ പുത്തലത്ത് ആലിയുടെ കുടുംബത്തിന് ലഭിച്ച ഓണക്കിറ്റിലെ ശർക്കര ചൊവ്വാഴ്ച രാവിലെ പലഹാരമുണ്ടാക്കുന്നതിനായി ഉരുക്കിയപ്പോഴാണ് ഹാൻസ് പാക്കറ്റ്​ ലഭിച്ചത്. പാക്കറ്റിൽ ലഹരി വസ്തുവായ ഹാൻസ് പൊടിയുമുണ്ട്. നടുവണ്ണൂർ ഹെൽത്ത് ഇൻസ്പക്ടർ ബീന കുര്യൻ ഫുഡ് സേഫ്റ്റി ഓഫീസർക്ക് തുടർ നടപടിക്കായി വിവരങ്ങൾ കൈമാറിയിട്ടുണ്ട്​.