ഞാന്‍ സര്‍ക്കാരിൻെറ മകളാണ്, അതിൻെറ എല്ലാ സംരക്ഷണവും എനിക്കുണ്ട്: ഹനാന്‍

തിരുവനന്തപുരം: താന്‍ സര്‍ക്കാറി​​​െൻറ മകളാണെന്നും അതി​​​െൻറ  എല്ലാ സംരക്ഷണവും തനിക്കുണ്ടെന്നും ജീവിക്കാനും പഠിക്കാനുമുള്ള പണം കണ്ടെത്തുന്നതിനായി മത്സ്യവിൽപനക്കിറങ്ങിയതിന്​ സൈബർ ആക്രമണത്തിന് ഇരയായ ഹനാൻ. തിരുവനന്തപുരത്ത്​ മുഖ്യമന്ത്രി പിണറായി വിജയനെ സന്ദർശിച്ച ശേഷമായിരുന്നു ഹനാ​​​െൻറ അഭിപ്രായ പ്രകടനം.

ബുധനാഴ്​ച മന്ത്രിസഭ യോഗം കഴിഞ്ഞതിനു ശേഷമായിരുന്നു ഹനാൻ മുഖ്യമന്ത്രിയെ ഒാഫിസിൽ സന്ദർശിച്ചത്​. സമൂഹമാധ്യമങ്ങളിലൂടെയുള്ള ആക്രമണത്തിന്​ ഇരയായപ്പോൾ, സർവ പിന്തുണയും നൽകിയതിന്​ മുഖ്യമന്ത്രിയെ നന്ദി അറിയിക്കാനാണ്​ ഹനാനെത്തിയത്​. വാത്സല്യ​ത്തോ​െട ചേർത്തുനിർത്തിയ മുഖ്യമന്ത്രി, സർക്കാറി​​​െൻറ എല്ലാ സംരക്ഷണവും ഉണ്ടാകുമെന്ന് ഉറപ്പുനൽകുകയും ചെയ്തു. ‘ഹനാ​​​െൻറ മുഖത്തെ ചിരി കണ്ടപ്പോള്‍ സന്തോഷം തോന്നി’യെന്ന് തുടർന്ന്​  മുഖ്യമന്ത്രി ഫേസ്ബുക്കിൽ കുറിച്ചു.

‘പഠിക്കാനും ജീവിക്കാനുമായി തൊഴിലെടുക്കുന്ന വാർത്തവന്നതി​​​െൻറ പേരിൽ കടുത്ത സൈബർ ആക്രമണം നേരിട്ട കുട്ടിയാണ് ഹനാൻ. അന്ന് സർക്കാർ ഹനാന് എല്ലാ സംരക്ഷണവും ഉറപ്പാക്കിയിരുന്നു. കുറ്റക്കാരെ അറസ്​റ്റ്​ ചെയ്യുകയും ചെയ്തു. അതിനു നന്ദി അറിയിക്കാനായിരുന്നു ഹനാൻ എത്തിയത്. നല്ല ധൈര്യത്തോടെതന്നെ മുന്നോട്ടു പോകാൻ ഹനാനോട് പറഞ്ഞു’- മുഖ്യമന്ത്രി പോസ്​റ്റിൽ കൂട്ടിച്ചേർത്ത​ു.

‘താൻ സർക്കാറി​​െൻറ മകളാണെന്നും; മകളാണെന്ന് പറയുമ്പോള്‍ ഒരു മകള്‍ക്ക് ലഭ്യമാക്കേണ്ട സംരക്ഷണവും വിദ്യാഭ്യാസവുമെല്ലാം നല്‍കും എന്നാണല്ലോ അര്‍ഥമാക്കേണ്ടതെന്നും’ തുടർന്ന്​ മാധ്യമങ്ങളോട്​ ഹനാൻ പ്രതികരിച്ചു. ഒരാള്‍ക്കു പോലും തന്നെ കൈവെക്കാന്‍ കഴിയില്ല. ഒരു വെടിയുണ്ട പോലും ത​​​െൻറ നെറ്റിയില്‍ പതിയില്ല എന്നൊരു വിശ്വാസം എനിക്കുണ്ട്.

തനിക്കെതിരെ മോശം പരാമർശങ്ങൾ പ്രചരിപ്പിച്ചവർക്ക്​ പടച്ചോൻ പൊറുത്തുകൊടുക്ക​െട്ട, ക്ഷമിക്കാനുള്ള മനസ്സ്​ തനിക്കും ദൈവം തര​െട്ടയും ഹനാൻ കൂട്ടിച്ചേർത്തു. തുടർന്ന്​ ഖാദി ബോർഡി​​​െൻറ പരിപാടിയിലും ഹനാൻ പ​​െങ്കടുത്തു.