പാ​തി​വി​ല ത​ട്ടി​പ്പ്; കു​രു​ക്കു മു​റു​ക്കി ഇ.​ഡി​യും

പാ​തി​വി​ല​യ്ക്ക്​ ഇ​രു​ച​ക്ര​വാ​ഹ​ന​ങ്ങ​ളും ഗൃ​ഹോ​പ​ക​ര​ണ​ങ്ങ​ളും വാ​ഗ്ദാ​നം ചെ​യ്ത്​ കോ​ടി​ക​ൾ ത​ട്ടി​യെ​ടു​ത്ത കേ​സി​ൽ, സം​സ്ഥാ​ന വ്യാ​പ​ക​മാ​യി എ​ൻ​ഫോ​ഴ്​​സ്​​മെ​ന്‍റ്​ ഡ​യ​റ​ക്ട​റേ​റ്റ്​ (ഇ.​ഡി) ന​ട​ത്തി​യ പ​രി​ശോ​ധ​ന​യി​ൽ നി​ർ​ണാ​യ​ക രേ​ഖ​ക​ൾ ക​ണ്ടെ​ത്തി​യ​താ​യി സൂ​ച​ന. വി​വി​ധ സ്ഥ​ല​ങ്ങ​ളി​ൽ ക്രൈം​ബ്രാ​ഞ്ചും റെ​യ്ഡ് ന​ട​ത്തി.

തി​രു​വ​ന​ന്ത​പു​ര​ത്തും ഇ​ടു​ക്കി​യി​ലും എ​റ​ണാ​കു​ള​ത്തു​മാ​ണ് ഇ.​ഡിയും ക്രൈം​ബ്രാ​ഞ്ചും ചൊ​വ്വാ​ഴ്ച വി​ശ​ദ പ​രി​ശോ​ധ​ന ന​ട​ത്തി​യ​ത്. തി​രു​വ​ന​ന്ത​പു​ര​ത്ത് ശാ​സ്ത​മം​ഗ​ലം സാ​യി ഗ്രാ​മം സ​ഹ​ക​ര​ണ സം​ഘം ഓ​ഫി​സ്, സ​മീ​പ​ത്തെ ആ​ന​ന്ദ​കു​മാ​റി​ന്റെ വീ​ട്, തോ​ന്ന​യ്ക്ക​ലി​ലെ സാ​യി ഗ്രാ​മം ആ​സ്ഥാ​നം എ​ന്നി​വി​ട​ങ്ങ​ളി​ലാ​യി​രു​ന്നു ഇ.ഡി പ​രി​ശോ​ധ​ന. ത​ട്ടി​പ്പി​ൽ ആ​ന​ന്ദ​കു​മാ​റി​ന്‍റെ പ​ങ്ക്​ തെ​ളി​യി​ക്കാ​നാ​വ​ശ്യ​മാ​യ നി​ർ​ണാ​യ​ക രേ​ഖ​ക​ൾ ല​ഭ​ച്ചു​വെ​ന്നാ​ണ് സൂ​ച​ന. മു​ഖ്യ​പ്ര​തി അ​ന​ന്തു​കൃ​ഷ്ണ​നു​മാ​യി ബ​ന്ധ​പ്പെ​ട്ട ര​ണ്ട​ര​ക്കോ​ടി രൂ​പ ആ​ന​ന്ദ​കു​മാ​റി​ന്​ ല​ഭി​ച്ച​തി​ന്‍റെ ബാ​ങ്ക്​ അ​ക്കൗ​ണ്ട്​ രേ​ഖ​ക​ൾ ല​ഭി​ച്ച​താ​യാ​ണ്​ വി​വ​രം​.

കൊ​ച്ചി​യി​ൽ, കോ​ൺ​ഗ്ര​സ്​ നേ​താവ് അ​ഡ്വ.​ ലാ​ലി വി​ൻെ​സ​ന്‍റി​ന്‍റെ വീ​ട്ടി​ൽ ഇ.​ഡി​യും അ​ന​ന്തു കൃ​ഷ്ണ​ന്‍റെ സ്ഥാ​പ​ന​ത്തി​ൽ ക്രൈം​ബ്രാ​ഞ്ചു​മാ​ണ്​ പ​രി​ശോ​ധ​ന ന​ട​ത്തി​യ​ത്. അ​ന​ന്തു കൃ​ഷ്ണ​ന്‍റെ ഇ​ടു​ക്കി കോ​ള​പ്ര ഏ​ഴാം​മൈ​ലി​ലെ ഓ​ഫി​സി​ലും വീ​ട്ടി​ലും ഇ.​ഡി റെ​യ്ഡ് ന​ട​ത്തി രേ​ഖ​ക​ൾ പി​ടി​ച്ചെ​ടു​ത്തു. ഡെ​പ്യൂ​ട്ടി ഡ​യ​റ​ക്ട​ർ രാ​ധാ​കൃ​ഷ്ണ​ൻ, അ​സി. ഡ​യ​റ​ക്​​ട​ർ ശ്രീ​നി​വാ​സ്​ എ​ന്നി​വ​രു​ടെ നേ​തൃ​ത്വ​ത്തി​ൽ രാ​വി​ലെ ഏ​ഴ​ര​യോ​ടെ ലാ​ലി വി​ൻ​​സെ​ന്‍റി​ന്‍റെ ഫ്ലാ​റ്റി​ലെ​ത്തി​യ അ​ഞ്ചം​ഗ ഇ.​ഡി സം​ഘ​ത്തി​ന്‍റെ പ​രി​ശോ​ധ​ന മ​ണി​ക്കൂ​റു​ക​ൾ നീ​ണ്ടു. സ​മീ​പ​ത്തെ അ​ശോ​ക ഫ്ലാ​റ്റി​ൽ അ​ന​ന്തു കൃ​ഷ്ണ​ന്​ മൂ​ന്ന്​ ഫ്ലാ​റ്റു​ണ്ട്. ഇ​യാ​ളു​ടെ അ​ക്കൗ​ണ്ടി​ൽ​നി​ന്ന്​ ലാ​ലി​യു​ടെ അ​ക്കൗ​ണ്ടി​ലെ​ത്തി​യ 46 ല​ക്ഷ​ത്തെ​ക്കു​റി​ച്ചാ​ണ്​ അ​ന്വേ​ഷ​ണം. രാ​ഷ്ട്രീ​യ നേ​താ​ക്ക​ൾ​ക്ക്​ ന​ൽ​കി​യ പ​ണ​ത്തി​ന്‍റെ വി​ശ​ദാം​ശ​ങ്ങ​ളും ത​ട്ടി​പ്പി​ൽ ക​ള്ള​പ്പ​ണ ഇ​ട​പാ​ട്​ ന​ന്നി​ട്ടു​ണ്ടോ എ​ന്ന​ും ​ ഇ.​ഡി പ​രി​ശോ​ധി​ക്കു​ന്നുണ്ട്.

ക​ട​വ​ന്ത്ര​യി​ൽ അ​ന​ന്തു​വ​ി​ന്‍റെ സോ​ഷ്യ​ൽ ബി ​വെ​ഞ്ചേ​ഴ്​​സ്​ എ​ന്ന സ്ഥാ​പ​ന​ത്തി​ൽ ക്രൈം​ബ്രാ​ഞ്ച്​ എ​സ്.​പി എം.​ജെ. സോ​ജ​ന്‍റെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന. ദി​വ​സ​ങ്ങ​ളാ​യി ന​ട​ക്കു​ന്ന പ​രി​ശോ​ധ​ന​ക​ളു​ടെ തു​ട​ർ​ച്ച​യാ​ണി​തെ​ന്ന്​ എ​സ്.​പി പ​റ​ഞ്ഞു. സ്ഥാ​പ​ന​ത്തി​ന്‍റെ 11 അ​ക്കൗ​ണ്ടി​ലാ​യി എ​ത്തി​യ 548 കോ​ടി എ​ങ്ങ​​നെ ചെ​ല​വ​ഴി​ച്ചു എ​ന്നാ​ണ്​ പ​രി​ശോ​ധി​ക്കു​ന്ന​ത്. ഇ​തി​നി​ടെ, സോ​ഷ്യ​ൽ ബി ​വെ​ഞ്ചേ​ഴ്​​സ്​ ഉ​ൾ​പ്പെ​ടെ കൊ​ച്ചി​യി​ൽ നാ​ലി​ട​ത്ത്​ പ​രി​ശോ​ധ​ന​ക്കെ​ത്തി​യ ഇ.​ഡി സം​ഘ​ത്തെ ക്രൈം​ബ്രാ​ഞ്ച്​ മ​ട​ക്കി​യ​യ​ച്ചു. അ​ന്വേ​ഷ​ണ​ഭാ​ഗ​മാ​യി മു​ദ്ര​വെ​ച്ച സ്ഥ​ല​ങ്ങ​ളാ​യ​തി​നാ​ൽ പ​രി​​ശോ​ധ​ന അ​നു​വ​ദി​ക്കാ​നാ​വി​ല്ലെ​ന്നാ​യി​രു​ന്നു ക്രൈം​ബ്രാ​ഞ്ച്​ നി​ല​പാ​ട്.