പാ​തി​വി​ല​ത്ത​ട്ടി​പ്പിലെ ഉന്നതബന്ധ​ത്തിൽ അന്വേഷണം; പണം മറിഞ്ഞ വഴിതേടി പൊലീസ്

തൊ​ടു​പു​ഴ: പാ​തി​വി​ല​ത്ത​ട്ടി​പ്പു​മാ​യി ബ​ന്ധ​​പ്പെ​ട്ട്​ അ​ന​ന്തു​കൃ​ഷ്ണ​ന്‍റെ ഉ​ന്ന​ത​ബ​ന്ധ​​ങ്ങ​ളെ​ക്കു​റി​ച്ച്​ പൊ​ലീ​സ്​ അ​ന്വേ​ഷ​ണം തു​ട​ങ്ങി. വി​വി​ധ രാ​ഷ്ട്രീ​യ പാ​ർ​ട്ടി നേ​താ​ക്ക​ൾ​ക്ക​ട​ക്കം​ പ​ണം ന​ൽ​കി​യെ​ന്ന വി​വ​രം പു​റ​ത്തു​വ​ന്ന സാ​ഹ​ച​ര്യ​ത്തി​ലാ​ണ്​ ഇ​ത്. മൂ​വാ​റ്റു​പു​ഴ പൊ​ലീ​സി​ന്‍റെ ക​സ്​​റ്റ​ഡി​യി​ലു​ള്ള അ​ന​ന്തു​കൃ​ഷ്ണ​നെ ഇ​ടു​ക്കി പൊ​ലീ​സ്​ ക​സ്റ്റ​ഡി​യി​ൽ ആ​വ​ശ്യ​പ്പെ​ട്ടി​ട്ടു​ണ്ട്.

പ്ര​മു​ഖ രാ​ഷ്ട്രീ​യ പാ​ർ​ട്ടി​ക​ൾ​ക്കും സാ​മൂ​ഹി​ക​പ്ര​വ​ർ​ത്ത​ക​ർ​ക്കും തെ​ര​ഞ്ഞെ​ടു​പ്പ്​ ഫ​ണ്ടാ​യും മ​റ്റാ​വ​ശ്യ​ങ്ങ​ൾ​ക്കാ​യും പ​ണം ന​ൽ​കി​യ​താ​യി അ​ന​ന്തു​കൃ​ഷ്ണ​ൻ മൊ​ഴി ന​ൽ​കി​യ​താ​യാ​ണ്​ വി​വ​രം. ഇ​യാ​ളെ ചോ​ദ്യം​ചെ​യ്താ​ൽ മാ​ത്ര​മേ കൂ​ടു​ത​ൽ വി​വ​ര​ങ്ങ​ൾ ല​ഭി​ക്കൂ. ത​ട്ടി​പ്പു​മാ​യി ബ​ന്ധ​പ്പെ​ട്ട്​ ജി​ല്ല​യി​ൽ ഇ​തു​വ​രെ 1,200 പ​രാ​തി​ക​ളാ​ണ് ല​ഭി​ച്ച​ത്. 50 കേ​സു​ക​ൾ എ​ടു​ത്തു. അ​ന​ന്തു​വി​നെ​തി​രെ കൂ​ടു​ത​ൽ കേ​സു​ക​ൾ ഇ​ടു​ക്കി​യി​ലാ​ണ്. കേ​സു​ക​ൾ അ​ഡീ​ഷ​ന​ൽ എ​സ്.​പി​യു​ടെ നേ​തൃ​ത്വ​ത്തി​ൽ വി​ല​യി​രു​ത്തു​ക​യാ​ണ്. അ​ഞ്ച്​ പൊ​ലീ​സ്​ സ​ബ്​ ഡി​വി​ഷ​നു​ക​ളി​ലെ ഡി​വൈ.​എ​സ്.​പി​മാ​രു​ടെ നേ​തൃ​ത്വ​ത്തി​ൽ പ്ര​ത്യേ​ക സം​ഘം കേ​സു​ക​ൾ അ​ന്വേ​ഷി​ക്കും.

20 ​കോ​ടി​യു​ടെ ത​ട്ടി​പ്പ്​ അ​ന​ന്തു​കൃ​ഷ്ണ​ൻ ന​ട​ത്തി​യ​താ​യാ​ണ്​ ല​ഭി​ക്കു​ന്ന പ്രാ​ഥ​മി​ക​വി​വ​രം. പ​രാ​തി​ക​ളി​ൽ പ​രി​ശോ​ധ​ന പൂ​ർ​ത്തി​യാ​യാ​ൽ മാ​ത്ര​മേ ത​ട്ടി​പ്പി​ന്‍റെ വ്യാ​പ്തി വ്യ​ക്ത​മാ​വൂ. അ​ന​ന്തു​വു​മാ​യി ന​ട​ത്തി​യ തെ​ളി​വെ​ടു​പ്പി​ൽ പ​ല​ർ​ക്കും പ​ണം ന​ൽ​കി​യ രേ​ഖ​ക​ൾ പൊ​ലീ​സി​ന്​ ല​ഭി​ച്ചി​ട്ടു​ണ്ട്. പ​ണം വാ​ങ്ങി​യ​വ​രെ​യ​ട​ക്കം ചോ​ദ്യം​ചെ​യ്യാ​നു​ള്ള നീ​ക്ക​ത്തി​ലാ​ണ്​ പൊ​ലീ​സ്. അ​ന​ന്തു​കൃ​ഷ്ണ​ൻ ത​ട്ടി​പ്പി​നാ​യി സം​സ്ഥാ​ന​മൊ​ട്ടാ​കെ വ​ലി​യ ശൃം​ഖ​ല ഒ​രു​ക്കി​യ​താ​യാ​ണ്​​ അ​ന്വേ​ഷ​ണ ഉ​ദ്യോ​ഗ​സ്ഥ​ർ പ​റ​യു​ന്ന​ത്​. ​പ്ര​മു​ഖ ഉ​ദ്യോ​ഗ​സ്ഥ​ർ, ജ​ന​പ്ര​തി​നി​ധി​ക​ൾ, മു​ൻ ജ​ന​പ്ര​തി​നി​ധി​ക​ൾ, മ​റ്റു പ്ര​മു​ഖ​ർ എ​ന്നി​വ​രെ​യെ​ല്ലാം ​ വ​ല​യി​ലാ​ക്കി ഇ​വ​രി​ലൂ​ടെ ജ​ന​ങ്ങ​ളു​ടെ വി​ശ്വാ​സം നേ​ടി​യാ​ണ്​ ത​ട്ടി​പ്പ്​ വ്യാ​പി​പ്പി​ച്ച​ത്​. അ​ന​ന്തു​കൃ​ഷ്ണ​ന്​ ത​നി​ച്ച്​ ഇ​ത്ര വ​ലി​യ ത​ട്ടി​പ്പ്​ ന​ട​ത്താ​ൻ ക​ഴി​യു​മോ​യെ​ന്നും പൊ​ലീ​സ്​ അ​ന്വേ​ഷി​ക്കു​ന്നു​ണ്ട്​. കൂ​ട്ടു​പ്ര​തി​ക​ളാ​യി രാ​ഷ്​​ട്രീ​യ​ബ​ന്ധ​മു​ള്ള പ​ല​രും ഉ​ൾ​പ്പെ​ട്ട​താ​യി വ​രു​ന്ന വി​വ​ര​ങ്ങ​ള​ട​ക്കം പൊ​ലീ​സ്​ അ​ന്വേ​ഷി​ച്ചു​വ​രു​ക​യാ​ണ്​. ഇ​തു​കൂ​ടാ​തെ കേ​ര​ള​ത്തി​ന്​ പു​റ​ത്തും അ​ന​ന്തു​കൃ​ഷ്ണ​ൻ ത​ട്ടി​പ്പ്​ ന​ട​ത്തി​യി​ട്ടു​ണ്ടെ​ന്ന വി​വ​ര​ങ്ങ​ളു​മു​ണ്ട്. ഇ​തും അ​ന്വേ​ഷ​ണ​പ​രി​ധി​യി​ലാ​ണ്.

പണം മറിഞ്ഞ വഴിതേടി പൊലീസ്

കൊ​ച്ചി: പാ​തി​വി​ല​യ്​​ക്ക്​ ഇ​രു​ച​ക്ര വാ​ഹ​ന​ങ്ങ​ളും ഗൃ​ഹോ​പ​ക​ര​ണ​ങ്ങ​ളും വാ​ഗ്ദാ​നം ചെ​യ്ത്​ സം​സ്ഥാ​ന​ത്തു​ട​നീ​ളം ന​ട​ന്ന ത​ട്ടി​പ്പി​ൽ പ​ണം മ​റി​ഞ്ഞ വ​ഴി​ക​ൾ വി​ശ​ദ​മാ​യി പ​രി​ശോ​ധി​ക്കു​ക​യാ​ണ് അ​ന്വേ​ഷ​ണ സം​ഘം. ത​ട്ടി​പ്പി​ലൂ​ടെ​യെ​ത്തി​യ കോ​ടി​ക​ൾ സ്വ​ന്തം പേ​രി​ൽ സ്ഥാ​പ​ന​ങ്ങ​ളു​ണ്ടാ​ക്കി പ്ര​തി അ​ന​ന്തു​കൃ​ഷ്ണ​ൻ മ​റി​ച്ചെ​ന്ന് പൊ​ലീ​സ് സം​ശ​യി​ക്കു​ന്നു​ണ്ട്. ഇ​തി​ന്‍റെ അ​ടി​സ്ഥാ​ന​ത്തി​ൽ കൊ​ച്ചി ആ​സ്ഥാ​ന​മാ​യി ര​ജി​സ്റ്റ​ർ ചെ​യ്ത സ്ഥാ​പ​നം കേ​ന്ദ്രീ​ക​രി​ച്ച് ഉ​ൾ​പ്പെ​ടെ അ​ന്വേ​ഷ​ണം പു​രോ​ഗ​മി​ക്കു​ക​യാ​ണ്. അ​ന​ന്തു വ്യാ​പ​ക​മാ​യി സ്വ​ന്തം അ​ക്കൗ​ണ്ടി​ലൂ​ടെ​യും അ​ല്ലാ​തെ​യും പ​ണം ചെ​ല​വ​ഴി​ച്ചി​ട്ടു​ണ്ട്. ഇ​ത് എ​വി​ടെ​യൊ​ക്കെ​യാ​ണ് എ​ത്തി​യ​തെ​ന്ന​റി​യാ​ൻ അ​ക്കൗ​ണ്ട് വി​വ​ര​ങ്ങ​ൾ പ​രി​ശോ​ധി​ക്കു​ന്നു​ണ്ട്. വ​ൻ തു​ക കൈ​പ്പ​റ്റി​യ​വ​രെ ചോ​ദ്യം ചെ​യ്യാ​ൻ വി​ളി​പ്പി​ച്ചേ​ക്കും. ത​ട്ടി​പ്പി​ലൂ​ടെ സ​മ്പാ​ദി​ച്ച ആ​കെ തു​ക, പ്ര​തി​യു​ടെ ആ​സ്തി എ​ന്നി​വ സം​ബ​ന്ധി​ച്ച് വി​ശ​ദ​മാ​യ പ​രി​ശോ​ധ​ന ന​ട​ക്കും. സ്വ​ത്ത്​ ക​ണ്ടു​കെ​ട്ടു​ന്ന​ത​ട​ക്കം ന​ട​പ​ടി​യു​ണ്ടാ​കും. രാ​ഷ്ട്രീ​യ നേ​താ​ക്ക​ൾ​ക്ക് പ​ണം ന​ൽ​കി​യി​ട്ടു​ണ്ടെ​ന്ന് അ​ന​ന്തു വെ​ളി​പ്പെ​ടു​ത്തി​യി​ട്ടു​ണ്ട്. ഇ​വ​ർ​ക്ക് എ​ന്തി​നാ​ണ് പ​ണം ന​ൽ​കി​യ​തെ​ന്നും മ​റ്റെ​വി​ടെ​യൊ​ക്കെ നി​ക്ഷേ​പി​ച്ചെ​ന്നും ക​ണ്ടെ​ത്തേ​ണ്ട​തു​ണ്ട്.

പണം വാങ്ങിയെന്ന്​ സി.പി.എം ഇടുക്കി ജില്ല സെക്രട്ടറി

ഇ​ടു​ക്കി: അ​ന​ന്തു​കൃ​ഷ്ണ​നി​ൽ​നി​ന്ന് സി.​പി.​എം ജി​ല്ല ക​മ്മി​റ്റി പ​ണം വാങ്ങിയിട്ടുണ്ടെ​ന്ന്​ പാ​ർ​ട്ടി ഇ​ടു​ക്കി ജി​ല്ല സെ​ക്ര​ട്ട​റി സി.​വി. വ​ർ​ഗീ​സ്. ലോ​ക്സ​ഭ തെ​ര​ഞ്ഞെ​ടു​പ്പി​നു​വേ​ണ്ടി​യാ​ണ് ര​ണ്ട​ര​ല​ക്ഷം രൂ​പ ന​ൽ​കി​യ​ത്. ഏ​പ്രി​ൽ 14ന് ​ര​ണ്ട​ര​ല​ക്ഷം രൂ​പ സി.​പി.​എ​മ്മി​ന്‍റെ അ​ക്കൗ​ണ്ടി​ലേ​ക്ക് മൂ​ല​മ​റ്റം ഏ​രി​യ ക​മ്മി​റ്റി​യു​ടെ ഭാ​ഗ​മാ​യി വ​ന്നി​ട്ടു​ണ്ട്. ആ ​പ​ണ​ത്തി​ന്‍റെ സ്രോ​ത​സ്സ്​ അ​ന്വേ​ഷി​ച്ച​പ്പോ​ൾ അ​ന​ന്തു​കൃ​ഷ്ണ​ൻ എ​ന്നാ​ണ് പ​റ​ഞ്ഞ​ത്. അ​ന​ന്തു​കൃ​ഷ്ണ​ന്‍റെ ഒ​രു​പ​രി​പാ​ടി​യി​ൽ പ​ങ്കെ​ടു​ത്തി​ട്ടു​ണ്ട്. ഇതാ​ണ് സി.​പി.​എ​മ്മി​ന് ഇ​യാ​ളു​മാ​യുള്ള ബ​ന്ധം. -അ​ദ്ദേ​ഹം പ​റ​ഞ്ഞു.