ലീഗ്​ വിരുദ്ധർക്കെതിരെ വിമർശനമുയർത്തി ഹക്കീം ഫൈസി

കോ​ഴി​ക്കോ​ട്​: സ​മു​ദാ​യ രാ​ഷ്ട്രീ​യ ശ​ക്തി​യാ​യ മു​സ്​​ലിം ലീ​ഗി​നെ സം​ര​ക്ഷി​ക്കു​ന്ന​തി​നു​പ​ക​രം അ​തി​നെ​തി​രെ വെ​റു​പ്പ് പ്ര​ച​രി​പ്പി​ക്കാ​നു​ള്ള സ​മ​സ്ത​യി​ലെ ചി​ല​രു​ടെ ശ്ര​മം സ​മ​സ്ത വി​രു​ദ്ധ​മാ​ണെ​ന്നും സം​ഘ​ട​ന പാ​ര​മ്പ​ര്യ​ങ്ങ​ളു​ടെ ലം​ഘ​ന​മാ​ണെ​ന്നും കോ​ഓ​ഡി​നേ​ഷ​ൻ ഓ​ഫ്​ ഇ​സ്​​ലാ​മി​ക്​ കോ​ള​ജ​സ്​ (സി.​ഐ.​സി) മു​ൻ ജ​ന.​ സെ​ക്ര​ട്ട​റി​യും പ​ണ്ഡി​ത​നു​മാ​യ അ​ബ്ദു​ൽ ഹ​ക്കീം ഫൈ​സി ആ​ദൃ​ശ്ശേ​രി. ഫേ​സ്​​ബു​ക്ക്​ പോ​സ്​​റ്റി​ലൂ​ടെ​യാ​ണ്​ സ​മ​സ്ത​യി​ലെ ലീ​ഗ്​ വി​രു​ദ്ധ​ർ​ക്കെ​തി​രെ ഹ​ക്കീം ഫൈ​സി ആ​ഞ്ഞ​ടി​ച്ച​ത്.

ബാ​ഫ​ഖി ത​ങ്ങ​ളും പൂ​ക്കോ​യ ത​ങ്ങ​ളും സ​മ​സ്ത പ്ര​വ​ർ​ത്ത​ക​ർ കൂ​ടി​യാ​യി​രു​ന്നു. അ​വ​ർ​ക്ക് ര​ണ്ടി​ട​ങ്ങ​ളി​ലും (ലീ​ഗി​ലും സ​മ​സ്ത​യി​ലും) സ്വ​സ്ഥ​മാ​യി തു​ട​രാ​ൻ ക​ഴി​ഞ്ഞു. കു​റ​ച്ചു​കാ​ല​മാ​യി ഈ ​ര​ണ്ടു പ്ര​വ​ർ​ത്ത​ന മ​ണ്ഡ​ല​ങ്ങ​ളും അ​നാ​രോ​ഗ്യ​ക​ര​മാ​യ പാ​ര​സ്പ​ര്യ ഭീ​ഷ​ണി​യി​ലാ​ണ്. സ​മ​സ്ത അ​തി​ന്‍റെ ഭ​ര​ണ​ഘ​ട​ന വി​ഭാ​വ​നം ചെ​യ്യു​ന്ന ബ​ഹു​മു​ഖ ല​ക്ഷ്യ​ങ്ങ​ളി​ൽ വി​ശ്വാ​സ രം​ഗ​ത്തു​ണ്ടാ​കു​ന്ന അ​സ്വീ​കാ​ര്യ​മാ​യ ഉ​ൽ​പ​തി​ഷ്ണു​ത്വ​ത്തെ പ്ര​തി​രോ​ധി​ക്കു​ക, ക​ർ​മ​ശാ​സ്ത്ര വി​ധി​ക​ൾ പ​റ​യു​ക എ​ന്നി​വ​യി​ൽ പ​രി​മി​ത​പ്പെ​ടു​ത്തി പ്ര​വ​ർ​ത്തി​ക്കു​ന്ന​തേ ഇ​തു​വ​രെ ക​ണ്ടി​ട്ടു​ള്ളൂ. ഈ ​പ​തി​വ് തെ​റ്റി​ച്ച്​ നേ​രേ രാ​ഷ്ട്രീ​യ കാ​ര്യ​ങ്ങ​ളി​ൽ ത​ല​യി​ടു​ക​യും രാ​ഷ്ട്രീ​യം കൈ​കാ​ര്യം ചെ​യ്യു​ന്ന ലീ​ഗി​നെ അ​തീ​വ സ​മ്മ​ർ​ദ​ത്തി​ലാ​ക്കു​ക​യും ചെ​യ്യു​ന്ന പാ​ര​മ്പ​ര്യ​വി​രു​ദ്ധ നീ​ക്കം ചി​ല​രി​ൽ നി​ന്നു​ണ്ടാ​കു​ന്നു. സ​മ​സ്ത ഉ​ൾ​പ്പെ​ടെ​യു​ള്ള മ​ത​സം​ഘ​ട​ന​ക​ളോ​ട് ജ​നാ​ധി​പ​ത്യ സ​മ​ദൂ​രം പാ​ലി​ക്കാ​നേ ലീ​ഗി​നു ബാ​ധ്യ​ത​യു​ള്ളൂ​വെ​ന്നും ഹ​ക്കീം ഫൈ​സി കൂ​ട്ടി​ച്ചേ​ർ​ത്തു.

സ​മ​സ്ത​യും സി.​ഐ.​സി​യും ത​മ്മി​ലെ അ​ഭി​പ്രാ​യ ഭി​ന്ന​ത​ക​ളെ​ത്തു​ട​ർ​ന്ന്​ സ​മ​സ്ത​യു​ടെ ആ​വ​ശ്യ​പ്ര​കാ​രം സി.​ഐ.​സി ജ​ന. സെ​ക്ര​ട്ട​റി സ്ഥാ​ന​ത്തു​നി​ന്ന്​ ഹ​ക്കീം ഫൈ​സി​യെ നീ​ക്കി​യി​രു​ന്നു. പ​ക്ഷേ, സി.​ഐ.​സി​യും സ​മ​സ്ത​യും ത​മ്മി​ലെ പ്ര​ശ്ന​ങ്ങ​ൾ​ക്ക്​ ഇ​നി​യും പ​രി​ഹാ​ര​മാ​യി​ട്ടി​ല്ല. സ​മ​സ്ത​ക്ക്​ പൂ​ർ​ണ​മാ​യി വി​ധേ​യ​പ്പെ​ട​ണ​മെ​ന്ന നി​ബ​ന്ധ​ന അം​ഗീ​ക​രി​ക്കാ​ൻ സി.​ഐ.​സി ത​യാ​റാ​യി​ട്ടി​ല്ല.