ഹജ്ജ്: അപേക്ഷകരില്ലാതെ സംസ്ഥാനങ്ങൾ; നേട്ടമായത് കേരളത്തിന്

മ​ല​പ്പു​റം: മു​സ്‍ലിം ജ​ന​സം​ഖ്യാ​ടി​സ്ഥാ​ന​ത്തി​ൽ അ​നു​വ​ദി​ച്ച ഹജ്ജ് ക്വോ​ട്ട​യി​ൽ​പോ​ലും അ​പേ​ക്ഷ​ക​രി​ല്ലാ​തെ സം​സ്ഥാ​ന​ങ്ങ​ൾ. ഈ ​സീ​റ്റു​ക​ൾ വീ​തം​വെ​ച്ച​​പ്പോ​ൾ നേ​ട്ട​മാ​യ​ത് കേ​ര​ളം ഉ​ൾ​പ്പെ​ടെ അ​പേ​ക്ഷ​ക​ർ കൂ​ടു​ത​ലു​ള്ള സം​സ്ഥാ​ന​ങ്ങ​ൾ​ക്ക്. അ​സം, ആ​ന്ധ്ര​പ്ര​ദേ​ശ്, ബി​ഹാ​ർ, ഹി​മാ​ച​ൽ​പ്ര​ദേ​ശ്, ജ​മ്മു-​ക​ശ്മീ​ർ, ഒ​ഡി​ഷ, പു​തു​ച്ചേ​രി, പ​ഞ്ചാ​ബ്, രാ​ജ​സ്ഥാ​ൻ, ​ത്രി​പു​ര, ഉ​ത്ത​ർ​പ്ര​ദേ​ശ് എ​ന്നി​വി​ട​ങ്ങ​ളി​ലാ​ണ് അ​പേ​ക്ഷ​ക​ർ കു​റ​വു​ള്ള​ത്.

ബി​ഹാ​ർ, ഉ​ത്ത​ർ​പ്ര​ദേ​ശ്, ബം​ഗാ​ൾ, അ​സം എ​ന്നി​വി​ട​ങ്ങ​ളി​ലാ​യി 40,854 സീ​റ്റു​ക​ളാ​ണ് ബാ​ക്കി​വ​ന്ന​ത്. ബി​ഹാ​റി​ന് അ​നു​വ​ദി​ച്ച ക്വോ​ട്ട 14,225 ആ​ണ്. അ​പേ​ക്ഷ​ക​ർ 3822 മാ​ത്രം. ബാ​ക്കി​യാ​യ​ത് 10,403 സീ​റ്റു​ക​ൾ. യു.​പി​യി​ൽ 31,180 ആ​ണ് ക്വോ​ട്ട. അ​പേ​ക്ഷ​ക​ർ 19,702. 11,478 സീ​റ്റി​ലേ​ക്ക് ആ​ളി​ല്ല.

ബം​ഗാ​ളി​ന്റെ ക്വോ​ട്ട 19,976 ആ​ണ്. അ​പേ​ക്ഷി​ച്ച​ത് 5938 പേ​ർ മാ​ത്രം. 14,038 സീ​റ്റ് ബാ​ക്കി. അ​സ​മി​ൽ അ​പേ​ക്ഷ​ക​ർ 3905 ആ​ണ്. ക്വോ​ട്ട 8840. ബാ​ക്കി​വ​ന്ന​ത് 4435 സീ​റ്റു​ക​ൾ. ജ​മ്മു-​ക​ശ്മീ​രി​ന് ​അ​ധി​ക സീ​റ്റു​ക​ൾ ഉ​ൾ​പ്പെ​​​ടെ 8838 ആ​ണ് ക്വോ​ട്ട. ഇ​വി​ടെ​യും 821 സീ​റ്റു​ക​ൾ ബാ​ക്കി​യാ​യി.

ഇ​ത്ത​ര​ത്തി​ൽ ബാ​ക്കി​വ​ന്ന 44,234 സീ​റ്റു​ക​ൾ വീ​തം​വെ​ച്ച​പ്പോ​ൾ കേ​ര​ള​ത്തി​നാ​ണ് കൂ​ടു​ത​ൽ ല​ഭി​ച്ച​ത് -9400. മ​ഹാ​രാ​ഷ്​​ട്ര​ക്ക് 8961ഉം ​ഗു​ജ​റാ​ത്തി​ന് 8405ഉം ​അ​ധി​ക ക്വോ​ട്ട​യി​ൽ ല​ഭി​ച്ചു. അ​ധി​കം വ​ന്ന അ​പേ​ക്ഷ​ക​ളു​ടെ അ​ടി​സ്ഥാ​ന​ത്തി​ലാ​ണ് ഈ ​സീ​റ്റു​ക​ൾ വീ​തം​വെ​ച്ച​ത്. ക​ശ്മീ​രി​ന് അ​നു​വ​ദി​ച്ച 2000 അ​ധി​ക സീ​റ്റു​ക​ളും സ​മാ​ന​മാ​യി മ​റ്റു​ള്ള​വ​ർ​ക്ക് ന​ൽ​കു​ക​യാ​യി​രു​ന്നു. ഇ​തി​ൽ കേ​ര​ള​ത്തി​ന് ല​ഭി​ച്ച​ത് 187 സീ​റ്റു​ക​ളാ​ണ്.