ഹജ്ജ്: 195 പേർക്കുകൂടി അവസരം

നെടുമ്പാശ്ശേരി: സംസ്ഥാന ഹജ്ജ് കമ്മിറ്റി വഴി ഈ വർഷത്തെ ഹജ്ജ് കർമത്തിൽ പങ്കെടുക്കാൻ വെയിറ്റിങ്​ ലിസ്​റ്റിലുള്ള 195 പേർക്കുകൂടി അവസരം. സംസ്ഥാന ഹജ്ജ് കമ്മിറ്റിയുടെ കീഴി​ലുള്ള കാത്തിരിപ്പുപട്ടികയിലെ 2043 മുതൽ 2378 വരെയുള്ളവർക്കാണ് ഇപ്പോൾ അവസരം ലഭിച്ചിരിക്കുന്നത്. വിവിധ സംസ്ഥാനങ്ങളിൽനിന്ന്​ ഒഴിവുവന്ന 1727 സീറ്റാണ് കേന്ദ്ര ഹജ്ജ് കമ്മിറ്റി കൂടുതൽ അപേക്ഷകരുള്ള സംസ്ഥാനങ്ങൾക്ക് വീതിച്ചുനൽകിയത്. 

വെയിറ്റിങ്​ ലിസ്​റ്റിൽനിന്ന്​ അവസരം ലഭിച്ചവർ യാത്രക്കുള്ള അഡ്വാൻസ് തുകയായ 81,000 രൂപ ഉടൻ കേന്ദ്ര ഹജ്ജ് കമ്മിറ്റിയുടെ അക്കൗണ്ടിൽ ബാങ്കിൽ നിക്ഷേപിക്കണം. യൂണിയൻ ബാങ്ക് ഓഫ് ഇന്ത്യയിലും സ്​റ്റേറ്റ് ബാങ്ക് ഓഫ് ഇന്ത്യയിലുമാണ് പണമടക്കാനുള്ള സൗകര്യമുള്ളത്. പണം അടച്ച രസീതും പാസ്പോർട്ട് ഉൾപ്പെടെയുള്ള യാത്രാരേഖകളും ജൂലൈ അഞ്ചിനുമുമ്പ്​ സംസ്ഥാന ഹജ്ജ് കമ്മിറ്റി ഓഫിസിൽ എത്തിക്കണമെന്നാണ് നിർദേശിച്ചിട്ടുള്ളത്.