ഹജ്ജ്​: 18നും 65നും ഇടയിലുള്ളവർ അപേക്ഷിച്ചാൽ മതി

ക​രി​പ്പൂ​ർ: കോ​വി​ഡ്​ പ​ശ്ചാ​ത്ത​ല​ത്തി​ൽ ക​ർ​ശ​ന മാ​ന​ദ​ണ്ഡ​ങ്ങ​ൾ ഉ​ൾ​പ്പെ​ടു​ത്തി 2021​ലെ ​ഹ​ജ്ജി​ന്​ അ​പേ​ക്ഷ സ്വീ​ക​രി​ക്കാ​നു​ള്ള ന​ട​പ​ടി​ക​ൾ ആ​രം​ഭി​ച്ചു. ഹ​ജ്ജു​മാ​യി ബ​ന്ധ​പ്പെ​ട്ട്​ സൗ​ദി അ​റേ​ബ്യ മാ​ർ​ഗ​നി​ർ​ദേ​ശ​ങ്ങ​ൾ ഇ​തു​വ​രെ പു​റ​പ്പെ​ടു​വി​ച്ചി​ട്ടി​ല്ല. ഇ​തു​കൂ​ടി പ​രി​ഗ​ണി​ച്ചാ​കും അ​ന്തി​മ​ന​ട​പ​ടി​ക​ൾ. 18നും 65 ​വ​യ​സ്സി​നും ഇ​ട​യി​ലു​ള്ള​വ​ർ മാ​ത്ര​മാ​ണ്​ അ​പേ​ക്ഷ സ​മ​ർ​പ്പി​ക്കേ​ണ്ട​ത്.

ക​​ു​ട്ടി​ക​ളെ അ​നു​വ​ദി​ക്കി​ല്ല.​ 45 വ​യ​സ്സി​ന്​ മു​ക​ളി​ലു​ള്ള സ്​​ത്രീ​ക​ളു​ടെ വി​ഭാ​ഗ​ത്തി​ലും 65 വ​യ​സ്സാ​ണ്​ പ്രാ​യ​പ​രി​ധി. ഒ​രു​ക​വ​റി​ൽ പ​ര​മാ​വ​ധി മൂ​ന്ന്​ പേ​ർ​ക്ക്​ മാ​ത്ര​മേ അ​പേ​ക്ഷി​ക്കാ​ൻ പാ​ടു​ള്ളൂ. പൂ​ര്‍ണ​മാ​യും ഓ​ൺ​ലൈ​ൻ വ​ഴി അ​പേ​ക്ഷി​ക്ക​ണം. കേ​ന്ദ്ര ഹ​ജ്ജ് ക​മ്മി​റ്റി​യു​ടെ www.hajcommittee.gov.in വെ​ബ്സൈ​റ്റി​ലും സം​സ്ഥാ​ന ഹ​ജ്ജ് ക​മ്മി​റ്റി​യു​ടെ www.keralahajcommittee.org വെ​ബ്സൈ​റ്റി​ലും അ​പേ​ക്ഷ​സൗ​ക​ര്യം ല​ഭ്യ​മാ​ണ്. ​

ഡി​സം​ബ​ർ പ​ത്തു​വ​രെ​യാ​ണ്​ സ​മ​ർ​പ്പി​ക്കാ​നു​ള്ള സ​മ​യം. തെ​ര​ഞ്ഞെ​ടു​ക്ക​പ്പെ​ട്ട അ​പേ​ക്ഷ​ക​ര്‍ അ​പേ​ക്ഷ​യും ഒ​റി​ജി​ന​ല്‍ പാ​സ്പോ​ര്‍ട്ടും അ​ഡ്വാ​ന്‍സ് തു​ക​യ​ട​ച്ച ര​ശീ​തി, മെ​ഡി​ക്ക​ല്‍ ഫി​റ്റ്ന​സ് സ​ര്‍ട്ടി​ഫി​ക്ക​റ്റ് എ​ന്നി​വ​യും സം​സ്ഥാ​ന ഹ​ജ്ജ് ക​മ്മി​റ്റി​ക്ക് ര​ണ്ടാം ഘ​ട്ട​ത്തി​ല്‍ സ​മ​ര്‍പ്പി​ക്ക​ണം. എ​ൻ.​ആ​ർ.​ഐ അ​പേ​ക്ഷ​ക​ർ​ക്ക്​ പ്ര​ത്യേ​ക പ​രി​ഗ​ണ​ന​യു​ണ്ടാ​കി​ല്ല. അ​പേ​ക്ഷ​ക​ര്‍ക്ക് 10-01-2022 വ​രെ കാ​ലാ​വ​ധി​യു​ള്ള​തും 10-12-2020നു​ള്ളി​ല്‍ ഇ​ഷ്യൂ ചെ​യ്ത​തു​മാ​യ മെ​ഷീ​ന്‍ റീ​ഡ​ബി​ള്‍ പാ​സ്പോ​ര്‍ട്ട് ഉ​ണ്ടാ​ക​ണ​മെ​ന്നും ഹ​ജ്ജ്​ ക​മ്മി​റ്റി അ​റി​യി​ച്ചു.

കേ​ര​ള​ത്തി​നും ത​മി​ഴ്​​നാ​ടി​നും പു​റ​പ്പെ​ട​ൽ കേ​ന്ദ്രം കൊ​ച്ചി

ഹ​ജ്ജ്​ തീ​ർ​ഥാ​ട​ക​രു​ടെ എ​ണ്ണം കു​റ​യു​ന്ന​തി​നാ​ൽ അ​ടു​ത്ത​ത​വ​ണ ഹ​ജ്ജ്​ പു​റ​പ്പെ​ട​ൽ കേ​ന്ദ്ര​ങ്ങ​ളും കേ​ന്ദ്രം കു​റ​ച്ചി​ട്ടു​ണ്ട്. 21ന്​ ​പ​ക​രം പ​ത്ത്​ പു​റ​പ്പെ​ട​ൽ കേ​ന്ദ്ര​മാ​ണ്​ അ​ടു​ത്ത ത​വ​ണ​യു​ള്ള​ത്. കേ​ര​ളം, ത​മി​ഴ്​​നാ​ട്​, ല​ക്ഷ​ദ്വീ​പ്​, മാ​ഹി, അ​ന്ത​മാ​ൻ നി​ക്കോ​ബാ​ർ എ​ന്നി​വി​ട​ങ്ങ​ളി​ൽ നി​ന്നു​ള്ള​വ​ർ​ക്ക്​ കൊ​ച്ചി​യാ​ണ്​ പു​റ​പ്പെ​ട​ൽ കേ​ന്ദ്രം.

ഡ​ൽ​ഹി, ബം​ഗ​ളൂ​രു, അ​ഹ​മ്മ​ദാ​ബാ​ദ്​, ല​ഖ്​​നൗ, കൊ​ൽ​ക്ക​ത്ത, ഗു​വാ​ഹ​ത്തി, ഹൈ​ദ​രാ​ബാ​ദ്​, മും​ബൈ, ശ്രീ​ന​ഗ​ർ എ​ന്നി​വ​യാ​ണ്​ മ​റ്റ്​ പു​റ​പ്പെ​ട​ൽ കേ​ന്ദ്ര​ങ്ങ​ൾ. ബം​ഗ​ളൂ​രു, അ​ഹ​മ്മ​ദാ​ബാ​ദ്​ എ​ന്നി​വി​ട​ങ്ങ​ളി​ൽ നി​ന്നും മാ​ത്ര​മാ​ണ്​ അ​ത​ത്​ സം​സ്ഥാ​ന​ത്തു​ള്ള​വ​ർ പു​റ​പ്പെ​ടു​ക. ബാ​ക്കി​യു​ള്ള കേ​ന്ദ്ര​ങ്ങ​ളി​ൽ നി​ന്നെ​ല്ലാം ഒ​ന്നി​ല​ധി​കം സം​സ്ഥാ​ന​ങ്ങ​ളി​ൽ​നി​ന്നു​ള്ള തീ​ർ​ഥാ​ട​ക​രു​ണ്ടാ​കും.

അ​തേ​സ​മ​യം, കേ​ര​ള​ത്തി​ലെ പു​റ​പ്പെ​ട​ൽ കേ​ന്ദ്രം കൊ​ച്ചി​ക്ക്​ പ​ക​രം കോ​ഴി​ക്കോ​ട്​ വി​മാ​ന​ത്താ​വ​ള​ത്തെ പ​രി​ഗ​ണി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. ക​രി​പ്പൂ​രി​ലാ​ണ്​ നി​ല​വി​ൽ ഹ​ജ്ജ്​ ഹൗ​സ്​ അ​ട​ക്ക​മു​ള്ള എ​ല്ലാ സൗ​ക​ര്യ​മു​ള്ള​ത്. കൂ​ടാ​തെ, കൂ​ടു​ത​ൽ തീ​ർ​ഥാ​ട​ക​രും മ​ല​ബാ​ർ മേ​ഖ​ല​യി​ലാ​ണ്. ഇ​ക്കാ​ര്യ​മെ​ല്ലാം പ​രി​ഗ​ണി​ച്ച്​ ക​രി​പ്പൂ​രി​ലേ​ക്ക്​ മാ​റ്റ​ണ​മെ​ന്നാ​ണ്​ ആ​വ​ശ്യം.

ഇ​ക്കു​റി ചെ​ല​വേ​റും

കോ​വി​ഡ്​ പ​ശ്ചാ​ത്ത​ല​ത്തി​ൽ ക​ർ​ശ​ന മാ​ന​ദ​ണ്ഡ​ങ്ങ​ൾ ഏ​ർ​പ്പെ​ടു​ത്തു​ന്ന​തോ​ടെ ഹ​ജ്ജി​ന്​ ചെ​ല​വേ​റും. 3.70 ല​ക്ഷം മു​ത​ൽ 5.25 ല​ക്ഷം വ​രെ​യാ​ണ്​ പ്ര​തീ​ക്ഷി​ക്കു​ന്ന ചെ​ല​വാ​യി മാ​ർ​ഗ​നി​ർ​ദേ​ശ​ങ്ങ​ളി​ൽ കേ​ന്ദ്ര ഹ​ജ്ജ്​ ക​മ്മി​റ്റി രേ​ഖ​പ്പെ​ടു​ത്തി​യി​രി​ക്കു​ന്ന​ത്. ​െത​ര​ഞ്ഞെ​ടു​ക്കു​ന്ന ഹാ​ജി​മാ​രു​ടെ ഒ​ന്നാം ഗ​ഡു അ​ട​ക്കേ​ണ്ട സം​ഖ്യ 1,50,000 ആ​യി​രി​ക്കും.

മു​മ്പ്​ 81,000 ആ​യി​രു​ന്നു. 2020ൽ ​യാ​ത്ര​ചെ​ല​വ്​ ര​ണ്ട​ര മു​ത​ൽ മൂ​ന്ന​ര ല​ക്ഷം വ​രെ​യാ​യി​രു​ന്നു. 2019ൽ 2.48 ​മു​ത​ൽ 3.22 ല​ക്ഷം വ​രെ​യും. സാ​മൂ​ഹി​ക അ​ക​ലം ഉ​ൾ​പ്പെ​ടെ ക​ർ​ശ​ന​മാ​യി പാ​ലി​ക്കേ​ണ്ടി വ​രു​ന്ന​തി​നാ​ലാ​ണ്​ ചെ​ല​വ്​ വ​ർ​ധി​ക്കു​ന്ന​ത്. താ​മ​സ​നി​ര​ക്കി​ൽ 2.25 മ​ട​ങ്ങും സൗ​ദി​യി​ലെ യാ​ത്ര​നി​ര​ക്കി​ൽ മൂ​ന്ന്​ മ​ട​ങ്ങു​മാ​ണ്​ വ​ർ​ധ​ന. ഒ​രു ബ​സി​ൽ നേ​ര​ത്തേ 45 പേ​ർ സ​ഞ്ച​രി​ച്ചി​രു​ന്ന​ത്​ 15 ആ​യി ചു​രു​ക്കി. വാ​റ്റ്​ അ​ഞ്ച്​ ശ​ത​മാ​ന​ത്തി​ൽ​നി​ന്ന്​ 15 ആ​യും സൗ​ദി വ​ർ​ധി​പ്പി​ച്ചി​ട്ടു​ണ്ട്. വി​സ​നി​ര​ക്ക്​ എ​ന്ന ഇ​ന​ത്തി​ൽ 300 റി​യാ​ലും ഈ​ടാ​ക്കും. നേ​ര​ത്തേ, വി​സ​നി​ര​ക്ക്​ ഉ​ണ്ടാ​യി​രു​ന്നി​ല്ല.

യാ​ത്ര​ക്കു​മു​മ്പ്​ കോ​വി​ഡ്​ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റ്​ വേ​ണം

ഹ​ജ്ജ്​ യാ​ത്ര പു​റ​പ്പെ​ടു​ന്ന​തി​ന്​ മു​മ്പും ഇ​ന്ത്യ​യി​ലേ​ക്ക്​ മ​ട​ങ്ങു​േ​മ്പാ​ഴും ആ​ർ.​ടി.​പി.​സി.​ആ​ർ പ​രി​ശോ​ധ​ന​യു​ടെ കോ​വി​ഡ്​ നെ​ഗ​റ്റി​വ്​ സ​ർ​ട്ടി​ഫി​ക്ക​റ്റു​ള്ള​വ​ർ​ക്ക്​ മാ​ത്ര​മേ യാ​ത്ര അ​നു​മ​തി ല​ഭി​ക്കു​ക​യു​ള്ളൂ.

ഇ​ന്ത്യ, സൗ​ദി അ​റേ​ബ്യ​ൻ ഭ​ര​ണ​കൂ​ട​ങ്ങ​ളു​ടെ ക്വാ​റ​ൻ​റീ​ൻ മാ​ന​ദ​ണ്ഡ​ങ്ങ​ൾ പാ​ലി​ക്ക​ണം. ഇ​ത്ത​വ​ണ ഹ​ജ്ജ്​ യാ​ത്ര​യു​ടെ ദി​വ​സ​ങ്ങ​ളു​ം കു​റ​ച്ചി​ട്ടു​ണ്ട്. 30 മു​ത​ൽ 35 ദി​വ​സം വ​രെ​യാ​യാ​ണ്​ പ​രി​മി​ത​പ്പെ​ടു​ത്തി​യ​ത്.