മഹ്​റം ​ക്വോട്ട: അപേക്ഷ ക്ഷണിച്ചു

കൊണ്ടോട്ടി: മഹ്​റം ക്വോട്ടയിലേക്ക്​ കേന്ദ്ര ഹജ്ജ്​ കമ്മിറ്റി അപേക്ഷ ക്ഷണിച്ചു. കഴിഞ്ഞ വർഷം 200 സീറ്റുകളായിരുന്നത്​ ഇക്കുറി 500 ആയി ഉയർത്തിയിട്ടുണ്ട്​. അപേക്ഷ നൽകുന്ന സ്​ത്രീകൾ അപേക്ഷക്കൊപ്പം മതിയായ രേഖകളും മഹ്‌റത്തിന് ലഭിച്ച 2018ലെ കവര്‍ നമ്പര്‍ ഉൾപ്പെടെ ഇംഗ്ലീഷില്‍ തയാറാക്കിയ സത്യപ്രസ്താവനയും സഹിതം മാർച്ച്​ 20നകം സംസ്ഥാന ഹജ്ജ് കമ്മിറ്റിക്ക് നേരിട്ട് സമര്‍പ്പിക്കണം. പൂരിപ്പിച്ച ഹജ്ജ് അപേക്ഷ ഫോറവും ബന്ധപ്പെട്ട രേഖകളും ഹാജരാക്കണം. ഇൗ വർഷത്തെ അപേക്ഷ സമർപ്പിക്കുന്ന സമയത്ത്​ എന്തുകൊണ്ട്​ തെരഞ്ഞെടുക്കപ്പെട്ടയാൾക്കൊപ്പം ഹജ്ജിന്​ അപേക്ഷിച്ചില്ല എന്നതി​​​െൻറ കാരണം, മഹ്​റമായി പോകുന്ന ആളുമായുള്ള ബന്ധം തെളിയിക്കുന്ന രേഖ, ഇപ്പോള്‍ മഹ്​റമായി പോകാനുദ്ദേശിക്കുന്ന ആളുടെ കൂടെതന്നെ 2018 ഹജ്ജിന് അപേക്ഷിക്കാനുള്ള കാരണം എന്നിവ അറിക്കണം. വിവരങ്ങൾക്ക്​: 04832710717.