Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമുഖാമുഖം കാണാതെ...

മുഖാമുഖം കാണാതെ ഹാദിയയും ശഫിനും

text_fields
bookmark_border
മുഖാമുഖം കാണാതെ ഹാദിയയും ശഫിനും
cancel

ന്യൂഡൽഹി: തനിക്കുമേൽ ഇത്രയും ആരോപണങ്ങൾ രണ്ട്​ അഭിഭാഷകർ നടത്തിയിട്ടും ത​​േന്നാടൊപ്പം ജീവിക്കണമെന്ന നിലപാട്​ കൈക്കൊണ്ട ഹാദിയയുമായി മുഖാമുഖം കാണാനുള്ള അവസരം ശഫിൻ ജഹാന്​ ലഭിച്ചില്ല. ശഫിൻ ഹാദിയയെ കണ്ടതുപോലെ തിരിച്ച്​ ശഫിനെ കാണാൻ ഒ​േര കോടതിയിലായിട്ടും ഹാദിയക്ക്​ കഴിഞ്ഞില്ല. അ​േതസമയം, വിധിയിൽ പിതാവ്​ അശോകനും ഭർത്താവ്​ ശഫിനും ഒരുപോലെ സന്തുഷ്​ടി പ്രകടിപ്പിക്കുകയും ചെയ്​തു.

മൂന്നു​ മണിക്ക്​ തൊട്ടുമുമ്പ്​ വനിത പൊലീസുകാർക്കും മാതാപിതാക്കൾക്കുമൊപ്പം ഒന്നാം നമ്പർ കോടതിമുറിയുടെ വാതിൽ ഹാദിയ കടക്കു​േമ്പാൾ ശഫിൻ ജഹാൻ വലതുഭാഗത്തെ സന്ദർശക ഗാലറിയിലുണ്ട്​. എന്നാൽ, ഇരുവശത്തേക്കും ഒന്നു തിരിഞ്ഞുനോക്കിയ ശേഷം ഹാദിയ നേരെ മുൻഭാഗത്തേക്ക്​ നീങ്ങി. ഉദ്വേഗത്തി​​െൻറ രണ്ടു​ മണിക്കൂറിലും അക്ഷമ പ്രകടിപ്പിക്കാതെ അവരങ്ങനെ നിന്നു. ഭർത്താവിനൊപ്പം ജീവിക്കണമെന്നും ഭർത്താവ്​ ചെലവിന്​ നൽകിയാൽ മതിയെന്നും ​ഭർത്താവ്​ തന്നെ രക്ഷിതാവായാൽ മതിയെന്നും ഹാദിയ സുപ്രീംകോടതിക്ക്​ മുമ്പാകെ ആവർത്തിച്ച്​ ആവശ്യപ്പെടുന്നത്​ സന്ദർശക ഗാലറിയുടെ കൈവരി പിടിച്ച്​ ശഫിൻ കാണുന്നുണ്ടായിരുന്നു. പക്ഷേ, ഹാദിയ അത്​ കണ്ടില്ല.  

വാദം കഴിഞ്ഞ്​ തിരിച്ചുകൊണ്ടുപോകു​േമ്പാഴും ഇരുവരും നേരിട്ടു കാണാനുള്ള അവസരം പൊലീസുകാർ നൽകിയില്ല. പത്തോളം പൊലീസുകാരുടെ അകമ്പടിയിൽ കോടതിമുറിക്കകത്തേക്ക്​ ഹാദിയയെ കൊണ്ടുവന്നത്​ കണ്ട്​ ഇൗ സ്​ത്രീ കുറ്റവാളിയാണോ എന്ന്​ കപിൽ സിബൽ ചീഫ്​ ജസ്​റ്റിസിനോട്​ രോഷത്തോടെ ചോദിച്ചു.
കോടതിമുറിക്കകത്തുനിന്ന്​ പുറത്തുവന്ന ശഫിൻ ജഹാൻ വിധിയിൽ അങ്ങേയറ്റം സന്തോഷമുണ്ടെന്നും അല്ലാഹുവിനെ സ്​തുതിക്കുകയാണെന്നും പ്രതികരിച്ചു. ഹാദിയ സ്വതന്ത്രയായെന്നും അവർക്ക്​ പറയാനുള്ളതെല്ലാം കോടതിയിൽ പറഞ്ഞുവെന്നും അതിൽ വളരെയേറെ സംതൃപ്​​തിയുണ്ടെന്നും ശഫിൻ കൂട്ടിച്ചേർത്തു. ഹാദിയയെ പഠിക്കാൻ വിടാനുള്ള സുപ്രീംകോടതി തീരുമാനത്തിലാണ്​ പിതാവ്​​ അശോകൻ സന്തുഷ്​ടി പ്രകടിപ്പിച്ചത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newshadiya casemalayalam news
News Summary - Hadiya Appear SC -Kerala News
Next Story