വെബ്സൈറ്റ് ഹാക്ക് ചെയ്ത് സർട്ടിഫിക്കറ്റ് നിർമാണം:സൂത്രധാരൻ അറസ്റ്റിൽ

മ​ല​പ്പു​റം: ജി​ല്ല​യി​ലെ പ്ര​മു​ഖ മെ​ഡി​ക്ക​ൽ സ്ഥാ​പ​ന​ത്തി​ന്റെ വെ​ബ്സൈ​റ്റ് ഹാ​ക്ക് ചെ​യ്ത് വ്യാ​ജ മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് നി​ർ​മി​ച്ചു​ന​ല്‍കി ല​ക്ഷ​ങ്ങ​ള്‍ ത​ട്ടി​യ സൂ​ത്ര​ധാ​ര​ൻ നി​സാ​ർ സാം​ജെ​യെ (50) മ​ല​പ്പു​റം സൈ​ബ​ർ പൊ​ലീ​സ് മും​ബൈ​യി​ല്‍ അ​റ​സ്റ്റ് ചെ​യ്തു.

ഗ​ൾ​ഫ് നാ​ടു​ക​ളി​ലേ​ക്ക് പോ​കു​ന്ന​വ​ർ​ക്ക് മെ​ഡി​ക്ക​ൽ ചെ​ക്ക​പ്പി​ന്റെ രേ​ഖ​ക​ൾ പ്ര​മു​ഖ സ്ഥാ​പ​ന​ത്തി​ന്റെ പേ​രി​ലു​ണ്ടാ​ക്കി ന​ൽ​കി​യ കേ​സി​ലെ പ്ര​ധാ​നി​യാ​ണി​യാ​ൾ. മെ​ഡി​ക്ക​ല്‍ സെ​ന്റ​റി​ന് അ​നു​വ​ദി​ച്ച വാ​ഫി​ദ്, മോ​സ വെ​ബ്സൈ​റ്റു​ക​ളു​ടെ യൂ​സ​ർ നെ​യിം, പാ​സ്​​വേ​ഡ് എ​ന്നി​വ ഹാ​ക്ക് ചെ​യ്ത് ‘മെ​ഡി​ക്ക​ല്‍ ഫി​റ്റ്’ ആ​കാ​ത്ത​വ​ർ​ക്ക് വി​ദേ​ശ ജോ​ലി​ക്ക് പോ​കാ​ൻ വ്യാ​ജ മെ​ഡി​ക്ക​ൽ സ​ർ​ട്ടി​ഫി​ക്ക​റ്റ് ഉ​ണ്ടാ​ക്കി​യ​താ​ണ് കേ​സ്. ല​ക്ഷ​ക്ക​ണ​ക്കി​ന് രൂ​പ​യാ​ണ് പ്ര​തി​ക​ൾ ത​ട്ടി​യെ​ടു​ത്ത​തെ​ന്ന് പൊ​ലീ​സ് അ​ന്വേ​ഷ​ണ​ത്തി​ൽ ക​ണ്ടെ​ത്തി. 11 പേ​ർ നേ​ര​ത്തേ അ​റ​സ്റ്റി​ലാ​യി​രു​ന്നു.

ജി​ല്ല പൊ​ലീ​സ് മേ​ധാ​വി ആ​ര്‍. വി​ശ്വ​നാ​ഥി​ന്റെ നി​ർ​ദേ​ശ​പ്ര​കാ​രം മ​ല​പ്പു​റം ഡി.​സി.​ആ​ര്‍ ബി ​ഡി​വൈ.​എ​സ്.​പി സാ​ജു കെ. ​എ​ബ്ര​ഹാ​മി​ന്റെ മേ​ല്‍നോ​ട്ട​ത്തി​ല്‍, സൈ​ബ​ർ ക്രൈം ​സ്റ്റേ​ഷ​ൻ ഇ​ൻ​സ്പെ​ക്ട​ർ ഐ.​സി. ചി​ത്ത​ര​ഞ്ജ​ന്റെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം.