Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightചാരം മൂടാതെ...

ചാരം മൂടാതെ ഗു​രു​വാ​യൂ​ർ തിരുവാഭരണ വിവാദം

text_fields
bookmark_border
guruvayoor thiruvabharanam
cancel
camera_alt

2014ൽ ​മ​ണി​ക്കി​ണ​ർ വ​റ്റി​ച്ച​പ്പോ​ൾ ല​ഭി​ച്ച മാല (ഫ​യ​ൽ ചി​ത്രം)

ഗു​രു​വാ​യൂ​ര്‍: അ​ന്ത​രി​ച്ച മു​ൻ മു​ഖ്യ​മ​ന്ത്രി കെ. ​ക​രു​ണാ​ക​ര​നെ 'തി​രു​വാ​ഭ​ര​ണ ക​ള്ള​ൻ' എ​ന്ന് പ്ര​തി​പ​ക്ഷം വി​ളി​ച്ച സം​ഭ​വ​ത്തി​െൻറ ചു​രു​ള​ഴി​യു​ന്ന​ത് ത​ട​ഞ്ഞ​ത് യു.​ഡി.​എ​ഫ് ഭ​ര​ണ​കാ​ല​ത്തെ ദേ​വ​സ്വം ഭ​ര​ണ​സ​മി​തി അം​ഗം. തി​രു​വാ​ഭ​ര​ണ വി​വാ​ദ​ത്തി​െൻറ സ​ത്യം പു​റ​ത്തു​വ​രു​മാ​യി​രു​ന്ന അ​ന്വേ​ഷ​ണം ത​ട​യുകയാ​യി​രു​ന്നു​വെ​ന്ന് ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​ൻ വെ​ളി​പ്പെ​ടു​ത്തി. 2014 ഏ​പ്രി​ല്‍ 25ന് ​ഗു​രു​വാ​യൂ​ർ ക്ഷേ​ത്ര​ത്തി​ലെ മ​ണി​ക്കി​ണ​ർ വ​റ്റി​ച്ച​പ്പോ​ൾ ല​ഭി​ച്ച ആ​ഭ​ര​ണ​ങ്ങ​ളെ​ക്കു​റി​ച്ച അ​ന്വേ​ഷ​ണവും ത​ട​ഞ്ഞ​ു. വി​വാ​ദ​ത്തി​നി​ല്ലെ​ന്ന ആ​മു​ഖ​ത്തോ​ടെ​യാ​ണ് കേ​സു​മാ​യി ബ​ന്ധ​പ്പെ​ട്ട ഓ​ർ​മ​ക​ൾ സ​മൂ​ഹ മാ​ധ്യ​മ​ത്തി​ൽ പ​ങ്കു​വെ​ച്ച​ത്. കി​ണ​റ്റി​ൽ​നി​ന്ന് ക​ണ്ടെ​ടു​ത്ത ആ​ഭ​ര​ണം കോ​ട​തി​യി​ലെ തൊ​ണ്ടി​യാ​ക്കി സൂ​ക്ഷി​ക്കാ​ൻ പൊ​ലീ​സ് ശ്ര​മിച്ചപ്പോ​ൾ ത​ട​ഞ്ഞ​ത് ദേ​വ​സ്വം ഭ​ര​ണ​സ​മി​തി അം​ഗ​ം. ഇ​ത് പു​ന​ര​ന്വേ​ഷ​ണ​ത്തെ ബാ​ധി​ച്ചു. ആ ആ​ഭ​ര​ണം ഇ​പ്പോ​ഴും ദേ​വ​സ്വം ലോ​ക്ക​റി​ലാ​ണ്. ദേശീയ ശ്ര​ദ്ധ നേ​ടി​യ വി​വാ​ദ​ത്തി​െൻറ ചു​രു​ള​ഴി​യാ​ൻ സ​ഹാ​യി​ക്കു​മാ​യി​രു​ന്ന തൊ​ണ്ടി​മു​ത​ലാ​ണ് അത്.

1985ലാ​ണ് വി​വാ​ദ​ത്തുട​ക്കം. 1985 മാ​ര്‍ച്ചി​ല്‍ മേ​ല്‍ശാ​ന്തി മാ​റി, അ​ടു​ത്ത​യാ​ള്‍ക്ക് ചു​മ​ത​ല ന​ല്‍കു​മ്പോ​ള്‍ ശ്രീ​കോ​വി​ലി​ല്‍ വി​ഗ്ര​ഹ​ത്തി​ന് ചാ​ര്‍ത്തി​യ 60 ഗ്രാം ​ വ​രു​ന്ന 24 നീ​ല​ക്ക​ല്ലു​ക​ളും അ​മൂ​ല്യ ര​ത്‌​ന​ങ്ങ​ളു​മ​ട​ങ്ങി​യ നാ​ഗ​പ​ട​ത്താ​ലി, 45 ഗ്രാം ​ മ​ഹാ​ല​ക്ഷ്മി മാ​ല, 90 ഗ്രാം ​ നീ​ല​ക്ക​ല്ലു​മാ​ല എ​ന്നി​വ കാ​ണാ​നി​ല്ലാ​യി​രു​ന്നു. വ​ഴി​പാ​ടാ​യി കിട്ടിയ​താ​യി​രു​ന്നു ഇവ. സം​ഭ​വം പു​റ​ത്ത​റി​ഞ്ഞ​തോ​ടെ വി​വാ​ദമായി. സ്ഥാ​ന​മൊ​ഴി​ഞ്ഞ മേ​ല്‍ശാ​ന്തി​യി​ലേ​ക്കു വ​രെ സം​ശ​യ​ം‍ നീ​ണ്ടു. 1993ല്‍ ​കോ​ട​തി നി​ര​പ​രാ​ധി​യെ​ന്ന് ക​ണ്ടെ​ത്തി. പ​ക്ഷേ, വി​ധി വ​രും​മു​മ്പ്​ അ​ദ്ദേ​ഹം മ​രി​ച്ചു. ചിലരെ ഡ​ല്‍ഹി​യി​ലാണ്​ നു​ണ പ​രി​ശോ​ധ​ന ന​ട​ത്തി​യത്​.

മു​ന്‍ എം.​എ​ല്‍.​എ പി.​ടി. മോ​ഹ​ന​കൃ​ഷ്ണ​നാ​യി​രു​ന്നു അക്കാല​ത്ത് ദേ​വ​സ്വം ചെ​യ​ര്‍മാ​ന്‍. ഇ​ദ്ദേ​ഹ​ത്തി​നും ക​രു​ണാ​ക​ര​നു​മെ​തി​രെ ആ​രോ​പ​ണ​ം പ്ര​ച​രി​ച്ചു. 1984ല്‍ '​ഗു​രു​വാ​യൂ​ര്‍ മാ​ഹാ​ത്മ്യം' സി​നി​മ​യു​ടെ ഷൂ​ട്ടി​ങ്ങി​ന്​ തി​രു​വാ​ഭ​ര​ണ​ങ്ങ​ള്‍ പു​റ​ത്തു​കൊ​ണ്ടു​പോ​യി തി​രി​ച്ചെ​ത്തി​ച്ചി​ല്ലെ​ന്ന്​ പ്ര​ചാ​ര​ണ​മു​ണ്ടാ​യി. '87ല്‍ ​അ​ധി​കാ​ര​ത്തി​ല്‍ വ​ന്ന നാ​യ​നാ​ര്‍ സ​ര്‍ക്കാ​റി​ലെ ദേ​വ​സ്വം മ​ന്ത്രി വി. ​വി​ശ്വ​നാ​ഥ മേ​നോ​നും ക​രു​ണാ​ക​ര​ന് അ​റി​വു​ണ്ടെ​ന്ന മ​ട്ടി​ല്‍ പ്ര​സ്താ​വ​ന​ ന​ട​ത്തി. എ​ങ്കി​ലും കേസി​ന്‍റെ ചു​രു​ള​ഴി​ക്കാ​ന്‍ ക​ഴി​ഞ്ഞി​ല്ല.

1985, 1990, 2007 വ​ര്‍ഷ​ങ്ങ​ളി​ല്‍ ദേ​വ​പ്ര​ശ്‌​നം ന​ട​ത്തി​യ​പ്പോ​ഴെ​ല്ലാം തി​രു​വാ​ഭ​ര​ണ​ങ്ങ​ള്‍ മ​ണി​ക്കി​ണ​റ്റി​ലു​ണ്ടെ​ന്ന് ദേ​വ​ജ്ഞ​ര്‍ പ​റ​ഞ്ഞി​രു​ന്നു. ആ​ഭ​ര​ണം കി​ണ​റ്റി​ലു​ണ്ടെ​ന്ന് ചൂ​ണ്ടി​ക്കാ​ട്ടി ചി​ല മാ​ധ്യ​മ​ങ്ങ​ളി​ലേ​ക്കും പൊ​ലീ​സ് സൂ​പ്ര​ണ്ടി​നും അ​ജ്ഞാ​ത ക​ത്തും ല​ഭി​ച്ചു. 1990ലും 2013​ലും മ​ണി​ക്കി​ണ​ര്‍ വ​റ്റി​ച്ച് പ​രി​ശോ​ധ​ന ന​ട​ത്തി​യെ​ങ്കി​ലും ഒ​ന്നും ല​ഭി​ച്ചി​ല്ല. 2014 ഏ​പ്രി​ല്‍ 25ന് ​വീ​ണ്ടും വ​റ്റി​ച്ച​പ്പോ​ള്‍ ചി​ല ആ​ഭ​ര​ണ​ങ്ങ​ള്‍ കി​ട്ടി. ഇ​വ തി​രു​വാ​ഭ​ര​ണ​ത്തി​െൻറ മാതൃകയിൽ ഉ​ള്ള​താ​യി​രു​ന്നു​വെ​ന്നാ​ണ് ഇ​പ്പോ​ഴ​ത്തെ വെ​ളി​പ്പെ​ടു​ത്ത​ൽ. കു​റ​ച്ചു ഭാ​ഗ​ങ്ങ​ൾ ന​ഷ്​​ട​പ്പെ​ട്ടി​രു​ന്നു​വെ​ങ്കി​ലും കേ​സ് ഫ​യ​ലി​ലു​ള്ള വി​വ​ര​ണ​ങ്ങ​ളു​മാ​യി ഒ​ത്തു​പോ​കു​ന്ന​താ​യി​രു​ന്നു കി​ണ​റ്റി​ൽ​നി​ന്ന് ല​ഭി​ച്ച ആ​ഭ​ര​ണ​ങ്ങ​ളും. ക്രി​മി​ന​ൽ കേ​സ് നി​ല​വി​ലു​ള്ള​തി​നാ​ൽ ഇ​ത്​ പൊ​ലീ​സ് തൊ​ണ്ടി​മു​ത​ലാ​യി എ​ടു​ക്കാ​ൻ ശ്ര​മി​ച്ച​പ്പോ​ഴാ​ണ് ദേ​വ​സ്വം ഭ​ര​ണ​സ​മി​തി അം​ഗം ത​ട​ഞ്ഞ​ത്. കെ. ​ക​രു​ണാ​ക​ര​നു മേ​ൽ ക​രി​നി​ഴ​ൽ വീ​ഴ്ത്തി​യ വി​വാ​ദ​ത്തി​െൻറ നി​ജ​സ്ഥി​തി പു​റ​ത്തു​വ​രാ​നു​ള്ള സാ​ധ്യ​ത അ​തോ​ടെ അ​ട​ഞ്ഞു.

ക​രു​ണാ​ക​ര​നും ദേ​വ​സ്വം ചെ​യ​ർ​മാ​നാ​യി​രു​ന്ന പി.​ടി. മോ​ഹ​ന​കൃ​ഷ്ണ​നും ആ​രോ​പ​ണ​വി​ധേ​യ​നാ​യ മേ​ൽ​ശാ​ന്തി​യും തി​രു​വാ​ഭ​ര​ണം വ​ഴി​പാ​ട് ന​ല്‍കി​യ കു​ഞ്ഞി​ല​ക്ഷ്മി​യ​മ്മ​യും കാ​ല​യ​വ​നി​ക​യി​ൽ മ​റ​ഞ്ഞു. എ​ന്നാ​ൽ, ലോ​ക​ത്തോ​ട് എ​ന്തൊ​ക്കെ​യോ സ​ത്യ​ങ്ങ​ൾ വി​ളി​ച്ചു​പ​റ​യാ​നെ​ന്ന​മ​ട്ടി​ൽ മ​ണി​ക്കി​ണ​റ്റി​ൽ​നി​ന്ന് ക​ണ്ടെ​ടു​ത്ത ആ​ഭ​ര​ണ​ങ്ങ​ൾ ഇ​പ്പോ​ഴും ദേ​വ​സ്വം നി​ല​വ​റ​യി​ലു​ണ്ട്. ക​രു​ണാ​ക​ര​െൻറ രാ​ജി​യി​ലെ​ത്തി​യ ചാ​ര​ക്കേ​സ്​ പു​ന​ര​ന്വേ​ഷ​ണ​ത്തി​ന് പി​ന്നാ​ലെ 1987ലെ ​തോ​ൽ​വി​ക്ക് കാ​ര​ണ​മാ​യ വി​വാ​ദ​ങ്ങ​ളി​ലൊ​ന്നാ​യ തി​രു​വാ​ഭ​ര​ണ കേ​സും വീ​ണ്ടും സ​ജീ​വ ച​ർ​ച്ച​യാ​വു​ക​യാ​ണ്. പ്രി​യ​ദ​ര്‍ശ​ന്‍ -ടി. ​ദാ​മോ​ദ​ര​ന്‍ -മോ​ഹ​ന്‍ലാ​ല്‍ കൂ​ട്ടു​കെ​ട്ടി​ല്‍ 1988ല്‍ ​പു​റ​ത്തി​റ​ങ്ങി​യ 'ആ​ര്യ​ൻ', ഇ​തേ കൂ​ട്ടു​കെ​ട്ടി​ൽ 1991ല്‍ ​പു​റ​ത്തി​റ​ങ്ങി​യ 'അ​ദ്വൈ​തം' സി​നി​മ​ക​ളി​ൽ തി​രു​വാ​ഭ​ര​ണ വി​വാ​ദം വി​ഷ​യ​മാ​യി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Guruvayur Thiruvabharana controversy
News Summary - Guruvayur Thiruvabharana controversy without covering the ashes
Next Story