ഗുരുവായൂരിൽ ഭണ്ഡാര വരവ് 5.04 കോടി

ഗുരുവായൂര്‍: ഗുരുവായൂർ ക്ഷേത്രത്തില്‍ കഴിഞ്ഞ മാസത്തെ ഭണ്ഡാര വരവായി 5,04,51,647 രൂപ ലഭിച്ചു. രണ്ട് കിലോ 689 ഗ്രാം 200 മില്ലിഗ്രാം സ്വര്‍ണവും 10 കിലോ 580 ഗ്രാം വെള്ളിയും ലഭിച്ചു. നിരോധിച്ച 1000 രൂപയുടെ എട്ട് കറന്‍സിയും അഞ്ഞൂറിന്റെ 49 കറന്‍സിയും ലഭിച്ചു. പഞ്ചാബ് നാഷനല്‍ ബാങ്കിനായിരുന്നു എണ്ണല്‍ ചുമതല. ക്ഷേത്രം കിഴക്കേ നടയിലെ എസ്.ബി.ഐയുടെ ഇ -ഭണ്ഡാരം വഴി 1,84,369 രൂപയും ലഭിച്ചു.