Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഗുരുവായൂർ ദേവസ്വം:...

ഗുരുവായൂർ ദേവസ്വം: രണ്ടു മാസത്തിനകം സ്ഥാനക്കയറ്റം നടപ്പാക്കണം -ഹൈകോടതി

text_fields
bookmark_border
kerala High court
cancel
Listen to this Article

കൊച്ചി: ഗുരുവായൂർ ദേവസ്വത്തിൽ മാനേജരടക്കം തസ്തികകളിലേക്ക്​ രണ്ടു മാസത്തിനകം സ്ഥാനക്കയറ്റം നടപ്പാക്കണമെന്ന്​ ഹൈകോടതി. ഇതിനുള്ള നടപടിക്രമങ്ങൾ ഡിപ്പാർട്​മെന്‍റൽ പ്രമോഷൻ കമ്മിറ്റി (ഡി.പി.സി) ഉടൻ പൂർത്തിയാക്കണമെന്നും ദേവസ്വം റിക്രൂട്ട്​മെന്‍റ്​ ബോർഡിനോട്​ ജസ്റ്റിസ് അലക്സാണ്ടർ തോമസ്​, ജസ്റ്റിസ് വിജു എബ്രഹാം എന്നിവരടങ്ങുന്ന ഡിവിഷൻ ബെഞ്ച്​ ഉത്തരവിട്ടു. കഴിഞ്ഞ വർഷം സെപ്​റ്റംബർ 26ന് നൽകിയ സ്ഥാനക്കയറ്റം താൽക്കാലികമാണെന്ന് വിലയിരുത്തിയാണ് ഉത്തരവ്.

മൂന്ന് അസി.മാനേജർമാരുടെ സ്ഥാനക്കയറ്റം സംബന്ധിച്ച്​ തീരുമാനമെടുക്കാൻ മാനേജിങ് കമ്മിറ്റിക്ക്​ നിർദേശം നൽകിയ സിംഗിൾ ബെഞ്ച്​ ഉത്തരവിനെതിരെ കേരള ദേവസ്വം റിക്രൂട്ട്​മെന്റ് ബോർഡ്​ ഫയൽ ചെയ്ത അപ്പീൽ ഹരജിയാണ്​ കോടതി പരിഗണിച്ചത്​. വാർഷിക രഹസ്യ റിപ്പോർട്ടിൽ പ്രതികൂല പരാമർശം ഉണ്ടായതിന്റെ പേരിൽ സ്ഥാനക്കയറ്റം തടഞ്ഞെന്നായിരുന്നു അസി. മാനേജർമാരായ കെ.എസ്. മായാദേവി, എം. രാധ, ബിന്ദുലത മേനോൻ തുടങ്ങിയവർ നൽകിയ ഹരജിയിലെ ആരോപണം. റിക്രൂട്ട്​മെന്റ് ബോർഡിന്റെ അപ്പീൽ ഡിവിഷൻബെഞ്ച്​ തീർപ്പാക്കുകയും ദേവസ്വം മാനേജിങ് കമ്മിറ്റി മുൻ അഡ്​മിനിസ്ട്രേറ്റർ നൽകിയ അപ്പീൽ തള്ളുകയും ചെയ്തു.

​യോഗ്യതയും കഴിവും കണക്കിലെടുത്ത്​ നിയമിക്കുന്ന സെലക്ഷൻ തസ്തികയിലേക്കുള്ള സ്ഥാനക്കയറ്റം റിക്രൂട്ട്​മെന്റ് ബോർഡ്​ വഴിയാണ് നടത്തേണ്ടതെങ്കിലും സീനിയോറിറ്റിയുടെ അടിസ്ഥാനത്തിലുള്ള സ്ഥാനക്കയറ്റത്തിൽ ദേവസ്വം മാനേജിങ് കമ്മിറ്റിക്കാണ് അധികാരമെന്ന്​ ഡിവിഷൻ ബെഞ്ച് പറഞ്ഞു. ഹരജിക്കാരുടെ കാര്യത്തിൽ പരാതി ഉയർന്ന വാർഷിക പ്രവർത്തന റിപ്പോർട്ട്​ കണക്കിലെടുക്കാതെ രണ്ടു മാസത്തിനകം പട്ടിക തയാറാക്കണമെന്നും നിർദേശിച്ചു.

Show Full Article
TAGS:Guruvayur Devaswom High Court 
News Summary - Guruvayur Devaswom: Promotion should be implemented within two months - High Court
Next Story