കോട്ടയത്ത് മധ്യവയസ്കൻ വെടിയേറ്റു മരിച്ചു

കോട്ടയം: പാലാ ഉഴവൂരിൽ മധ്യവയസ്കൻ വെടിയേറ്റു മരിച്ചു. ഉഴവൂർ കടപ്പനാൽ ഷാജു ഇസ്രയേൽ (55) ആണ് മരിച്ചത്. രാവിലെ 7.45ന് വീടിനുള്ളിൽ വെച്ചായിരുന്നു സംഭവം. തോക്ക് അബദ്ധത്തിൽ പൊട്ടിയതാണെന്ന് സംശയിക്കുന്നു. 30 വർഷമായി എസ്.ബി.ബി.എൽ-11711 സിംഗിൾ ബാരൽ തോക്ക് ഉപയോഗിക്കുന്നയാളാണ് ഷാജു. തോക്ക് ഇന്ന് തന്നെ കോടതിയിൽ ഹാജരാക്കുമെന്ന് പൊലീസ് പറഞ്ഞു.

ഭാര്യ ഷൈല. മൂന്ന് പെൺ മക്കളിൽ രണ്ടുപേർ വിദേശത്തും ഒരാൾ മണിപ്പാലിലുമാണ്.