ഗി​ല്ല​ൻ ബാ​രി സി​ൻ​ഡ്രോം മരണം: റിപ്പോർട്ട് തേടി

മൂ​വാ​റ്റു​പു​ഴ: ആ​വോ​ലി പ​ഞ്ചാ​യ​ത്തി​ലെ കാ​വ​ന​യി​ൽ അ​പൂ​ർ​വ​രോ​ഗം ബാ​ധി​ച്ച് ഒ​രാ​ൾ മ​രി​ച്ച സം​ഭ​വ​ത്തി​ൽ റി​പ്പോ​ർ​ട്ട് ന​ൽ​കാ​ൻ ആ​വോ​ലി പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​ന്​ ഡി.​എം.​ഒ നി​ർ​ദേ​ശം ന​ൽ​കി. ഗി​ല്ല​ൻ​ബാ​രി സി​ൻ​ഡ്രോം രോ​ഗ​ത്തെ​ക്കു​റി​ച്ച് ജ​ന​ങ്ങ​ളി​ൽ വ്യ​ക്ത​ത വ​രു​ത്താ​ൻ ബോ​ധ​വ​ത്ക​ര​ണ ക്ലാ​സു​ക​ൾ സം​ഘ​ടി​പ്പി​ക്കാ​നും നി​ർ​ദേ​ശി​ച്ചു.

കാ​വ​ന ത​ട​ത്തി​ൽ ജോ​യി ഐ​പ് (58) ആ​ണ് ഗി​ല്ല​ൻ ബാ​രി സി​ൻ​ഡ്രോം ബാ​ധി​ച്ച് തി​ങ്ക​ളാ​ഴ്ച മ​രി​ച്ച​ത്. കോ​ട്ട​യം മെ​ഡി​ക്ക​ൽ കോ​ള​ജി​ൽ അ​തി​തീ​വ്ര പ​രി​ച​ര​ണ വി​ഭാ​ഗ​ത്തി​ൽ ചി​കി​ത്സ​യി​ലാ​യി​രു​ന്നു. ശ​രീ​ര​ത്തി​ന്റെ രോ​ഗ​പ്ര​തി​രോ​ധ സം​വി​ധാ​ന​ത്തി​ന്റെ പ്ര​വ​ർ​ത്ത​നം ത​ക​രാ​റി​ലാ​ക്കു​ന്ന നാ​ഡീ​സം​ബ​ന്ധ​മാ​യ അ​വ​സ്ഥ​യാ​ണ്​ ഗി​ല്ല​ൻ​ബാ​രി സി​ൻ​ഡ്രോം. ല​ക്ഷ​ത്തി​ൽ ഒ​ന്നോ​ര​ണ്ടോ പേ​ർ​ക്ക്​ മാ​ത്രം ബാ​ധി​ക്കു​ന്ന രോ​ഗ​മാ​ണി​ത്.

കൈ​കാ​ലു​ക​ളി​ൽ ത​രി​പ്പ്, മ​ര​വി​പ്പ്, ശ​ക്തി​ക്ഷ​യം തു​ട​ങ്ങി​യ​വ​യാ​ണ് ല​ക്ഷ​ണ​ങ്ങ​ൾ. രോ​ഗം മൂ​ർ​ച്ഛി​ച്ച്​ പ​ക്ഷാ​ഘാ​ത​മോ മ​ര​ണ​മോ സം​ഭ​വി​ക്കാം. രോ​ഗ​ത്തി​ന്റെ കൃ​ത്യ​മാ​യ കാ​ര​ണം വ്യ​ക്ത​മ​ല്ലെ​ങ്കി​ലും ആ​മാ​ശ​യ​ത്തി​ലോ കു​ട​ലി​ലോ ശ്വാ​സ​കോ​ശ​ത്തി​ലോ ഉ​ണ്ടാ​കു​ന്ന അ​ണു​ബാ​ധ​മൂ​ലം അ​സു​ഖം ഉ​ണ്ടാ​കാം. 15 വ​യ​സ്സി​നു താ​ഴെ​യു​ള്ള കു​ട്ടി​ക​ളി​ൽ രോ​ഗ​ബാ​ധ ഉ​ണ്ടാ​യാ​ൽ ഗു​രു​ത​ര പ്ര​ത്യാ​ഘാ​തം ഉ​ണ്ടാ​കും. രാ​ജ്യ​ത്തൊ​ട്ടാ​കെ 32 മ​ര​ണ​ങ്ങ​ൾ രോ​ഗ​ബാ​ധ​മൂ​ലം ഉ​ണ്ടാ​യി​ട്ടു​ണ്ടെ​ന്നാ​ണ് ക​ണ​ക്ക്.