ഗ്രീഷ്മയെ വീട്ടിലെത്തിച്ച് തെളിവെടുത്തു; ലഭിച്ചത് നിര്‍ണായക വിവരങ്ങൾ

പാ​റ​ശ്ശാ​ല: ഷാ​രോ​ണ്‍ കൊ​ല​ക്കേ​സി​ൽ മു​ഖ്യ​പ്ര​തി ഗ്രീ​ഷ്മ​യെ കാ​ര​ക്കോ​ണം രാ​മ​വ​ര്‍മ​ന്‍ചി​റ​യി​ലെ വീ​ട്ടി​ലെ​ത്തി​ച്ച് ക്രൈബ്രാഞ്ച് തെ​ളി​വെ​ടു​പ്പ്​ ന​ട​ത്തി. ഞാ​യ​റാ​ഴ്ച രാ​വി​ലെ 9.30നാ​ണ്​ ഗ്രീ​ഷ്മ​യു​മാ​യി അ​ന്വേ​ഷ​ണ​സം​ഘം വീ​ട്ടി​ലെ​ത്തി​യ​ത്.

റ​വ​ന്യൂ അ​ധി​കൃ​ത​രു​ടെ മേ​ല്‍നോ​ട്ട​ത്തി​ല്‍ സീ​ല്‍ ചെ​യ്തി​രു​ന്ന വീ​ടി​ന്‍റെ പൂ​ട്ടു​പൊ​ളി​ച്ച് ശ​നി​യാ​ഴ്ച രാ​ത്രി ആ​രോ ക​യ​റി​യ​താ​യി സം​ശ​യി​ക്കു​ന്ന​തി​നാ​ല്‍ വി​ര​ല​ട​യാ​ള വി​ദ​ഗ്​​ധ​ർ എ​ത്തു​ന്ന​തു​വ​രെ അ​ന്വേ​ഷ​ണ​സം​ഘം ഗ്രീ​ഷ്മ​യു​മാ​യി പു​റ​ത്തു​നി​ന്നു. ഉ​ന്ന​ത ഉ​ദ്യോ​ഗ​സ്ഥ​ര്‍ കൂ​ടി​യാ​ലോ​ചി​ച്ച​തി​നു​ശേ​ഷം വീ​ടി​ന്​ പി​റ​കി​ലൂ​ടെ പ്ര​വേ​ശി​പ്പി​ക്കു​ക​യാ​യി​രു​ന്നു.

തെ​ളി​വെ​ടുപ്പ് എട്ടുമണിക്കൂറിലധികം നീണ്ടു. സം​ഭ​വ​ദി​വ​സം ഷാ​രോ​ണി​നെ വി​ളി​ച്ചു​വ​രു​ത്തി ലി​വി​ങ് റൂ​മി​ല്‍ കു​റ​ച്ചു​സ​മ​യം സം​സാ​രി​ച്ച​ശേ​ഷം തെ​ക്കേ മു​റി​യി​ലേ​ക്ക്​ പോ​വു​ക​യും വി​ഷം ചേ​ര്‍ത്ത ക​ഷാ​യം കു​ടി​പ്പി​ക്കു​ക​യു​മാ​യി​രു​ന്നു​വെ​ന്ന് ഗ്രീ​ഷ്മ സ​മ്മ​തി​ച്ചു.

ഷാ​രോ​ണി​ന്‍റെ വീ​ട്ടി​ല്‍വെ​ച്ച് ഗ്രീ​ഷ്മ​യെ അ​ണി​യി​ച്ച​താ​യി ക​രു​തു​ന്ന താ​ലി​യും ച​ര​ടും മു​റി​യി​ലെ അ​ല​മാ​ര​യി​ല്‍നി​ന്ന്​ ക​ണ്ടെ​ടു​ത്തു. ഷാ​രോ​ണ്‍ സ​മ്മാ​ന​മാ​യി ന​ൽ​കി​യ ലോ​ഹ​വ​ള​യും ക​ണ്ടെ​ത്തി. വീ​ടി​ന്‍റെ പു​റ​ത്തു​ള്ള വ​ര്‍ക്ക് ഏ​രി​യ​യി​ല്‍ നി​ന്ന്​ ക​ഷാ​യം ഉ​ണ്ടാ​ക്കാ​ന്‍ ഉ​പ​യോ​ഗി​ച്ച പാ​ത്ര​വും ന​ൽ​കാ​ന്‍ ഉ​പ​യോ​ഗി​ച്ച ഗ്ലാ​സും ക​ഷാ​യ​പ്പൊ​ടി​യു​ടെ ശേ​ഷി​ച്ച ഭാ​ഗ​വും ക​ണ്ടെ​ടു​ത്തു.