ഒടുവിൽ നടപടി; എം.ആർ. അജിത് കുമാറിനെ ക്രമസമാധാന ചുമതലയിൽനിന്ന് നീക്കി

തിരുവനന്തപുരം: ആർ.എസ്.എസ് നേതാക്കളുമായി കൂടിക്കാഴ്ച നടത്തിയ എ.ഡി.ജി.പി എം.ആർ. അജിത് കുമാറിനെതിരെ ഒടുവിൽ നടപടിയുമായി സർക്കാർ. എം.ആർ. അജിത് കുമാറിനെ ക്രമസമാധാന ചുമതലയിൽനിന്ന് നീക്കി. ഇന്‍റലിജൻസ് എ.ഡി.ജി.പി മനോജ് എബ്രഹാമിനെ ക്രമസമാധാന ചുമതലയുള്ള എ.ഡി.ജി.പിയായി മാറ്റി നിയമിച്ചു. എന്നാൽ, ബറ്റാലിയൻ എ.ഡി.ജി.പിയായി അജിത് കുമാർ തുടരും.

എം.ആർ. അജിത്കുമാറിന്‍റെ വീഴ്ചകൾ നിരത്തിയ റിപ്പോർട്ട് ഇന്നലെയാണ് ഡി.ജി.പി ഷേക്ക് ദർവേശ് സാഹിബ് സർക്കാറിന് നൽകിയത്. അജിത്കുമാർ ആർ.എസ്.എസ് നേതാക്കളുമായി നടത്തിയ കൂടിക്കാഴ്ചയിലെ പാളിച്ചകൾ ചൂണ്ടിക്കാട്ടിയിട്ടുണ്ട്. രണ്ട്​ പ്രമുഖ ആർ.എസ്.എസ് നേതാക്കളുമായി എ.ഡി.ജി.പി രഹസ്യ കൂടിക്കാഴ്ച നടത്തിയത് ഗുരുതര വീഴ്ചയാണെന്ന നിരീക്ഷണത്തോടെയാണ്​ പൊലീസ് മേധാവിയുടെ അന്വേഷണ റിപ്പോർട്ട്. രാഷ്ട്രീയ ചർച്ചകൾക്കും നേതാക്കളുമായുള്ള കൂടിക്കാഴ്ചക്കും ഐ.പി.എസുകാർക്കുള്ള വിലക്ക് ലംഘിച്ചതായും ഔദ്യോഗിക പദവിയിലിരിക്കുന്നവർ അധികാര സ്ഥാനങ്ങളില്ലാത്ത നേതാക്കളെ കാണേണ്ടതില്ലെന്നുമാണ് റിപ്പോർട്ടിൽ ചൂണ്ടിക്കാട്ടുന്നത്​.

വെള്ളിയാഴ്ച രാത്രി എട്ട്​ മണിക്കൂർ നീണ്ട മാരത്തൺ യോഗത്തിന്‍റെ തുടർച്ചയായി ശനിയാഴ്ചയും മണിക്കൂറുകൾ നീണ്ട ചർച്ചക്കൊടുവിലാണ്​ റിപ്പോർട്ടിന്​ അന്തിമരൂപമായത്​. റിപ്പോർട്ട് സർക്കാറിന് സമർപ്പിച്ചതിന് പിന്നാലെ ഇന്നലെ ശബരിമല അവലോകനയോഗത്തിൽനിന്ന് എ.ഡി.ജി.പിയെ മാറ്റിനിർത്തിയിരുന്നു.

തീരുമാനം നിയമസഭാ സമ്മേളനം പുനരാരംഭിക്കാനിരിക്കെ

നിയമസഭാ സമ്മേളനം നാളെ പുനരാരംഭിക്കാനിരിക്കെയാണ് സർക്കാർ തീരുമാനമെടുത്തിരിക്കുന്നത്. എം.ആർ. അജിത് കുമാറിനെ ക്രമസമാധാന പാലന ചുമതലയിൽ നിന്ന് ഒഴിവാക്കിയേക്കുമെന്ന വിവരം നേരത്തെ തന്നെ പുറത്തുവന്നിരുന്നു. ഇതിനപ്പുറത്തേക്കുള്ള എന്തെങ്കിലും നടപടികൾ മുഖ്യമന്ത്രി കൈക്കൊള്ളുമോയെന്നായിരുന്നു രാഷ്ട്രീയ കേന്ദ്രങ്ങൾ ഉറ്റുനോക്കിയിരുന്നത്.

ക്ലിഫ്​ ഹൗസ്​ കൂടിക്കാഴ്ചകളിൽ അഭ്യൂഹം പരന്നു; നിഷേധക്കുറിപ്പിറക്കി മുഖ്യമന്ത്രിയുടെ ഓഫിസ്​

തി​രു​വ​ന​ന്ത​പു​രം: എ.​ഡി.​ജി.​പി എം.​ആ​ർ. അ​ജി​ത്​​കു​മാ​റി​നെ​തി​രെ ഡി.​ജി.​പി​യു​ടെ അ​ന്വേ​ഷ​ണ റി​പ്പോ​ർ​ട്ട്​ ശ​നി​യാ​ഴ്ച രാ​ത്രി സ​മ​ർ​പ്പി​ച്ച​തോ​ടെ ഞാ​യ​റാ​ഴ്ച രാ​വി​ലെ മു​ത​ൽ മു​ഖ്യ​മ​ന്ത്രി​യു​ടെ ഔ​ദ്യോ​ഗി​ക വ​സ​തി​യാ​യ ക്ലി​ഫ്​ ഹൗ​സ്​ കേ​ന്ദ്രീ​ക​രി​ച്ചു​യ​ർ​ന്ന​ത്​ അ​ഭ്യൂ​ഹ​ങ്ങ​ളു​ടെ പ​ര​മ്പ​ര. റി​പ്പോ​ർ​ട്ടി​ൻ​​മേ​ൽ ന​ട​പ​ടി​യെ​ടു​ക്കു​ന്ന​തി​ന് മു​ന്നോ​ടി​യാ​യി മു​ഖ്യ​മ​ന്ത്രി പ്രൈ​വ​റ്റ്​ സെ​ക്ര​ട്ട​റി, പൊ​ളി​റ്റി​ക്ക​ൽ സെ​ക്ര​ട്ട​റി എ​ന്നി​വ​ർ ഉ​ൾ​പ്പെ​ടെ​യു​ള്ള​വ​രെ ക്ലി​ഫ്​ ഹൗ​സി​ലേ​ക്ക്​ വി​ളി​പ്പി​ച്ചെ​ന്നും അ​ജി​ത്​​കു​മാ​റി​നെ​തി​രെ ഉ​ട​ൻ ന​ട​പ​ടി വ​രു​മെ​ന്നു​മാ​യി​രു​ന്നു വാ​ർ​ത്ത​ക​ൾ.

പ്രൈ​വ​റ്റ്​ സെ​ക്ര​ട്ട​റി കെ.​കെ. രാ​ഗേ​ഷ്, പൊ​ളി​റ്റി​ക്ക​ൽ സെ​ക്ര​ട്ട​റി പി. ​ശ​ശി, അ​ഡീ​ഷ​ന​ൽ പ്രൈ​വ​റ്റ്​ സെ​ക്ര​ട്ട​റി സി.​എ​ൻ. ര​വീ​ന്ദ്ര​ൻ എ​ന്നി​വ​ർ രാ​വി​ലെ പ​ത്തോ​ടെ ക്ലി​ഫ്​ ഹൗ​സി​ൽ എ​ത്തി​യ​തോ​ടെ​യാ​ണ്​ അ​ഭ്യൂ​ഹ​ങ്ങ​ൾ ശ​ക്തി​പ്പെ​ട്ട​ത്. ദൃ​ശ്യ​മാ​ധ്യ​മ​ങ്ങ​ളും പി​ന്നാ​ലെ ക്ലി​ഫ്​ ഹൗ​സി​ന്​ മു​ന്നി​ലെ​ത്തി. ഡി.​ജി.​പി ഷെ​യ്​​ഖ്​ ദ​ർ​വേ​ശ്​ സാ​ഹി​ബും ഉ​ട​ൻ ക്ലി​ഫ്​ ഹൗ​സി​ൽ എ​ത്തു​മെ​ന്നും ഉ​ച്ച​ക്ക്​ മു​മ്പേ ന​ട​പ​ടി വ​രു​മെ​ന്നും വാ​ർ​ത്ത​ക​ൾ പ്ര​ച​രി​ച്ചു. മാ​ധ്യ​മ വാ​ർ​ത്ത​ക​ൾ വ്യാ​പ​ക​മാ​യ​തോ​ടെ പ്ര​ചാ​ര​ണ​ങ്ങ​ൾ നി​ഷേ​ധി​ച്ചു​കൊ​ണ്ട് ഉ​ച്ച​ക്ക്​ പ​ന്ത്ര​​ണ്ടേ​കാ​ലോ​ടെ​ മു​ഖ്യ​മ​ന്ത്രി​യു​ടെ ഓ​ഫി​സ്​ വാ​ർ​ത്ത​കു​റി​പ്പി​റ​ക്കി. മു​ഖ്യ​മ​ന്ത്രി​യു​ടെ വ​സ​തി​യി​ൽ എ​ന്തോ പ്ര​ത്യേ​ക കാ​ര്യം ച​ർ​ച്ച ചെ​യ്യാ​ൻ സ്റ്റാ​ഫി​ലെ ചി​ല​രെ​ത്തി​യെ​ന്ന നി​ല​യി​ൽ വാ​ർ​ത്ത സൃ​ഷ്ടി​ക്കു​ന്ന​ത് മാ​ധ്യ​മ ധാ​ർ​മി​ക​ത​ക്കോ മ​ര്യാ​ദ​ക്കോ നി​ര​ക്കു​ന്ന​ത​ല്ലെ​ന്നും മു​ഖ്യ​മ​ന്ത്രി​യു​ടെ ഓ​ഫി​സ് വാ​ർ​ത്ത​കു​റി​പ്പി​ൽ പ​റ​ഞ്ഞു.

പ​ത്തോ​ടെ ക്ലി​ഫ്​ ഹൗ​സി​ലെ​ത്തി​യ പ്രൈ​വ​റ്റ്​ സെ​ക്ര​ട്ട​റി കെ.​കെ. രാ​ഗേ​ഷ്​ പ​തി​നൊ​ന്നേ​കാ​ലോ​ടെ മ​ട​ങ്ങു​ക​യും ചെ​യ്തു. പി​ന്നാ​ലെ വാ​ർ​ത്ത​കു​റി​പ്പി​റ​ങ്ങി​യ​തോ​ടെ​യാ​ണ്​​ ഇ​തു​സം​ബ​ന്ധി​ച്ച അ​ഭ്യൂ​ഹ​ങ്ങ​ൾ നീ​ങ്ങി​യ​ത്. ​