ഗവർണമാർ റബർ സ്റ്റാമ്പുകളാകരുത് -തമിഴ്നാട് ഗവർണർ

ചെന്നൈ: ഗവർണമാർ റബർ സ്റ്റാമ്പുകളാകരുതെന്നും ലോകായുക്ത പോലുള്ള സംവിധാനം തകരാതിരിക്കാൻ ഗവർണർ ഇടപെടുമെന്നും തമിഴ്നാട് ഗവർണർ ആർ.എൻ. രവി. തിരുവനന്തപുരത്ത് ലോകായുക്ത ദിനത്തിൽ കേരള ലോകായുക്ത സംഘടിപ്പിച്ച പരിപാടിയിൽ മുഖ്യാതിഥിയായി പങ്കെടുത്ത് സംസാരിക്കുകയായിരുന്നു അദ്ദേഹം.

എല്ലാ കാര്യങ്ങളും തര്‍ക്കമാവുന്ന കാലമാണിത്. ഗവർണർ സ്ഥാനത്തിനും അതിന്‍റേതായ പ്രാധാന്യമുണ്ട്. ഗവർണമാർ റബർ സ്റ്റാമ്പുകളാകരുത്. തീരുമാനങ്ങൾ എടുക്കൻ ഗവർണർക്കാവും. ലോകായുക്ത പോലുള്ള സംവിധാനം തകരാതിരിക്കാൻ ഗവർണർ ഇടപെടും -ആർ.എൻ. രവി പറഞ്ഞു.

തമിഴ്നാട്ടിൽ ഡി.എം.കെ സർക്കാറുമായുള്ള കടുത്ത അഭിപ്രായ ഭിന്നതകൾക്കിടെയാണ് ആർ.എൻ. രവി കേരളത്തിൽ എത്തിയത്.