ജലസംരക്ഷണത്തിനായി പ്രതിജ്ഞയെടുക്കണം –ഗവർണർ
text_fields
തിരുവനന്തപുരം: കേരളത്തിൽ ഒരോ മലയാളിയും ജലസംരക്ഷണത്തിനായി പ്രതിജ്ഞയെടുക്കണമെന്ന് ഗവർണർ പി.സദാശിവം തിരുവനന്തപുരത്ത് നടന്ന റിപ്പബ്ലിക് ദിന സേന്ദശത്തിലായിരുന്നു ഗവർണറുടെ ആഹ്വാനം. സംസ്ഥാനത്തെ ഹരിത കേരളം പദ്ധതി കൃഷിയുടെ പുനരുജ്ജീവനത്തിന് സഹായിക്കുമെന്നും അദ്ദേഹം പറഞ്ഞു.
സെൻട്രൽ സ്റ്റേഡിയത്തിൽ നടന്ന ചടങ്ങിൽ മേജർ അംബരീഷ് മഹന്ദെ നേതൃത്വം നൽകി. ആർമി, എയർ ഫോഴ്സ്, ബി.എസ്.എഫ് എന്നിവക്ക് പുറമെ കേരള പൊലീസിൻറെ വിവിധ യണിറ്റുകളും സ്റ്റുഡൻസ് കേഡറ്റ് പൊലീസ് എന്നിവരും മാർച്ചിൽ അണിനിരന്നു.
മറ്റ് ജില്ലാ ആസ്ഥാനങ്ങളിൽ മന്ത്രിമാരാണ് പതാക ഉയർത്തിയത്. കൊല്ലം ലാൽബഹദൂർ സ്റ്റേഡിയത്തിൽ മന്ത്രി പി. തിലോത്തമൻ പതാക ഉയർത്തി സല്യൂട്ട് സ്വീകരിച്ചു. പത്തനംതിട്ടയിൽ മന്ത്രി കടകംപള്ളി സുരേന്ദ്രനും ആലപ്പുഴയിൽ മാത്യു.ടി. തോമസും പതാക ഉയർത്തി. കോട്ടയത്ത് മന്ത്രി ജി. സുധാകരനും ഇടുക്കിയിൽ മന്ത്രി എം.എം മണിയും കൊച്ചിയിൽ തോമസ് െഎസക്കും സല്യൂട്ട് സ്വീകരിച്ചു.
