മുഖ്യമന്ത്രി പിണറായി വിജയനെ അഭിനന്ദിച്ച്​ ഗവർണർ ആരിഫ്​ മുഹമ്മദ്​ ഖാൻ

തിരുവനന്തപുരം: മുഖ്യമന്ത്രി പിണറായി വിജയനെ അഭിനന്ദിച്ച്​ ഗവർണർ ആരിഫ്​ മുഹമ്മദ്​ ഖാൻ. നീതി ആയോഗ്​ ആരോഗ്യ സൂചികയിൽ കേരളം മുന്നിലെത്തിയതിനാണ്​ മുഖ്യമന്ത്രിക്ക്​ ഗവർണറുടെ അഭിനന്ദനം. രാജ്യത്തെ വാക്​സിനേഷനിലും കേരളമാണ്​ മുന്നിലാണെന്ന്​ ​ ഗവർണർ പറഞ്ഞു. റിപബ്ലിക്​ ദിനത്തോട്​ അനുബന്ധിച്ച്​ നടത്തിയ പരിപാടിയിൽ പ​ങ്കെടുത്ത്​ സംസാരിക്കു​േമ്പാഴാണ്​ മുഖ്യമന്ത്രിയെ ഗവർണർ അഭിനന്ദിച്ചത്​.

നേര​ത്തെ സംസ്ഥാന സർക്കാറും ഗവർണറും തമ്മിലുള്ള ബന്ധം വഷളായിരുന്നു. കാലടി സംസ്​കൃത സർവകലാശാലയിലെ വി.സി നിയമനവുമായി ബന്ധപ്പെട്ടായിരുന്നു പ്രശ്​നങ്ങൾ ഉടലെടുത്തത്​. വി.സി നിയമനത്തിൽ ത​െൻറ അധികാരങ്ങൾ സംസ്ഥാന സർക്കാർ അട്ടിമറിക്കുന്നുവെന്നായിരുന്നു ഗവർണറുടെ പരാതി. തുടർന്ന്​ കണ്ണൂർ വി.സി നിയമനത്തിൽ കാലടിക്ക്​ സമാനമായി സംസ്ഥാന സർക്കാർ ഇടപ്പെട്ടുവെന്നും ഗവർണർ വെളിപ്പെടുത്തി.

പിന്നീട്​ യൂനിവേഴ്​സിറ്റുകളുടെ ചാൻസിലർ പദവി ഒഴിയാൻ തയാറാണെന്നും അതിനുള്ള ഓർഡിനൻസ്​ കൊണ്ടുവന്നാൽ ഒപ്പിടുമെന്നും ഗവർണർ അറിയിച്ചു. ഇതിനിടെ യൂനിവേഴ്​സിറ്റികളുടെ പ്രവർത്തനത്തിൽ ഗവർണർ നിസ്സഹകരണം തുടരുകയും ചെയ്​തിരുന്നു. പിന്നീട്​ മുഖ്യമന്ത്രിയുടെ ഇടപെടലിനൊടുവിലാണ്​ ഗവർണർ കടുത്ത നിലപാടിൽ നിന്നും അയഞ്ഞത്​.