'സ്വർണക്കടത്ത്​ കേസ്​ സർക്കാർ അട്ടിമറിക്കുന്നു​'; ശിവശങ്കറിന്‍റെ ജാമ്യം റദ്ദാക്കണമെന്നാവശ്യപ്പെട്ട്​​ ഇ.ഡി​ സുപ്രീംകോടതിയിൽ

ന്യൂ​ഡ​ൽ​ഹി: സ്വ​ര്‍ണ ക​ള്ള​ക്ക​ട​ത്ത് കേ​സി​ല്‍ പ്ര​തി​യാ​യ, മു​ഖ്യ​മ​ന്ത്രി​യു​ടെ മു​ൻ പ്രി​ൻ​സി​പ്പ​ൽ സെ​ക്ര​ട്ട​റി എം. ​ശി​വ​ശ​ങ്ക​റി​െൻറ ജാ​മ്യം റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് എ​ന്‍ഫോ​ഴ്സ്മെൻറ്​ ഡ​യ​റ​ക്ട​റേ​റ്റ് പു​തി​യ അ​േ​പ​ക്ഷ​യു​മാ​യി സു​പ്രീം​കോ​ട​തി​യി​ല്‍. സ്വ​ര്‍ണ​ക്ക​ട​ത്ത് കേ​സ് അ​ന്വേ​ഷി​ക്കു​ന്ന ഇ.​ഡി ഉ​ദ്യോ​ഗ​സ്ഥ​ര്‍ക്കെ​തി​രെ സം​സ്ഥാ​ന സ​ര്‍ക്കാ​ര്‍ കേ​സ് ര​ജി​സ്​​റ്റ​ർ ചെ​യ്ത​തി​നി​ട​യി​ലാ​ണ്​ ഇ.​ഡി അ​പേ​ക്ഷ ന​ൽ​കി​യ​ത്. ശി​വ​ശ​ങ്ക​റി​ന് ജാ​മ്യം അ​നു​വ​ദി​ച്ച ഹൈ​കോ​ട​തി ഉ​ത്ത​ര​വി​നെ​തി​രെ ന​ല്‍കി​യ ഹ​ര​ജി സു​പ്രീം​കോ​ട​തി​യു​ടെ പ​രി​ഗ​ണ​ന​യി​ലി​രി​ക്കെ​യാ​ണ്​ പു​തി​യ അ​പേ​ക്ഷ.

ജാ​മ്യ​ത്തി​ലി​റ​ങ്ങി​യ ശി​വ​ശ​ങ്ക​ർ അ​ന്വേ​ഷ​ണം അ​ട്ടി​മ​റി​ക്കാ​ന്‍ ശ്ര​മി​ക്കു​ന്നു​വെ​ന്ന് ആ​രോ​പി​ച്ചാ​ണ് ഇ.​ഡി ആ​സ്ഥാ​ന​ത്തെ ഡെ​പ്യൂ​ട്ടി ഡ​യ​റ​ക്ട​ര്‍ ജി​തേ​ന്ദ്ര​കു​മാ​ര്‍ ഗോ​ഗി​യ കോ​ട​തി​യി​ല്‍ അ​പേ​ക്ഷ ന​ല്‍കി​യ​ത്. ജാ​മ്യ​ത്തി​ല്‍ ഇ​റ​ങ്ങി​യ​ശേ​ഷം സ​ര്‍ക്കാ​ര്‍ സം​വി​ധാ​നം ഉ​പ​യോ​ഗി​ച്ച് അ​ന്വേ​ഷ​ണം അ​ട്ടി​മ​റി​ക്കാ​ന്‍ ശ്ര​മി​ക്കു​ന്നു​വെ​ന്ന്​ ഇ.​ഡി അ​പേ​ക്ഷ​യി​ൽ ബോ​ധി​പ്പി​ച്ചു. അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ക്കെ​തി​രെ കേ​സെടുക്കുന്ന സം​സ്ഥാ​ന നി​ല​പാ​ട്​ നി​യ​മ​വാ​ഴ്ചക്ക്​ ബു​ദ്ധി​മു​ട്ടു​ണ്ടാ​ക്കു​ന്നു. ഉ​ദ്യോ​ഗ​സ്ഥ​ര്‍ക്കെ​തി​രെ വ്യാ​ജ തെ​ളി​വു​ക​ള്‍ ഉ​ണ്ടാ​ക്കാ​ന്‍ ശി​വ​ശ​ങ്ക​ര്‍ ശ്ര​മി​ക്കു​ക​യാ​ണെ​ന്നും ഇ.​ഡി ആ​രോ​പി​ച്ചു.