Begin typing your search above and press return to search.
proflie-avatar
Login
exit_to_app
exit_to_app
kt jaleel
cancel
Homechevron_rightNewschevron_rightKeralachevron_rightമദ്​റസാധ്യാപകർക്ക്​...

മദ്​റസാധ്യാപകർക്ക്​ സർക്കാർ ശമ്പളം: കള്ള പ്രചാരണമെന്ന്​ മുൻ മന്ത്രി കെ.ടി. ജലീൽ

text_fields
bookmark_border

മലപ്പുറം: മദ്​റസാധ്യാപകർക്ക്​ സർക്കാർ ശമ്പളം നൽകുന്നുവെന്ന രീതിയിൽ നടക്കുന്ന പ്രചാരണങ്ങൾ സൗഹൃദത്തിലും സ്നേഹത്തിലും ജീവിക്കുന്ന ജനവിഭാഗങ്ങളെ തമ്മിൽ തല്ലിക്കാൻ വേണ്ടിയാണെന്ന്​ മുൻ മന്ത്രി കെ.ടി. ജലീൽ. മുസ്​ലിംകൾ അനർഹമായി പലതും നേടിയെടുക്കുന്നുവെന്ന രീതിയിൽ സംഘ്​പരിവാർ അനുകൂലികളിൽനിന്നും ക്രൈസ്​തവ വിഭാഗങ്ങളിൽനിന്നും വരുന്ന വ്യാജ ആരോപണങ്ങൾ അടിസ്​ഥാനരഹിതമാണെന്ന് കഴിഞ്ഞ സർക്കാറിൽ​ ന്യൂനപക്ഷ വകുപ്പ്​ കൈകാര്യം ചെയ്​തിരുന്ന കെ.ടി. ജലീൽ ഫേസ്​ബുക്ക്​​ പോസ്​റ്റിൽ വ്യക്​തമാക്കി.

കുറിപ്പി​െൻറ പ്രസക്​​ത ഭാഗം: മദ്​റസാധ്യാപക ക്ഷേമനിധി പാലോളി മുഹമ്മദ്​ കുട്ടിയുടെ കാലത്ത്​ രൂപവത്​കരിച്ചിരുന്നെങ്കിലും ബോർഡ് നിലവിലുണ്ടായിരുന്നില്ല. ആ കുറവ് നികത്താൻ മറ്റെല്ലാ ക്ഷേമനിധികളെയും പോലെ ഭരണ നിർവഹണ ബോർഡ് നിയമം വഴി രൂപവത്​കരിച്ചു.

അംഗങ്ങളിൽനിന്നും മദ്​റസ മാനേജ്മെൻറുകളിൽനിന്നും സ്വരൂപിക്കുന്ന വിഹിതം ഉപയോഗിച്ച് മാത്രമാണ് ഈ ആനുകൂല്യം നൽകുന്നത്. 25 കോടിയോളം രൂപ സർക്കാർ ട്രഷറിയിൽ നിക്ഷേപിച്ചതിന് പലിശക്ക് പകരമായി സർക്കാർ​ നൽകുന്ന ഇൻസെൻറീവല്ലാത്ത ഒരു ചില്ലിപ്പൈസ പോലും പൊതുഖജനാവിൽ നിന്ന് മദ്​റസാധ്യാപകർക്ക് ആനുകൂല്യമായി നൽകുന്നില്ല. ഞാൻ നിയമസഭയിൽ പറഞ്ഞു എന്ന വ്യാജേന ഒരു വാറോല വ്യാപകമായി തൽപര കക്ഷികൾ പ്രചരിപ്പിക്കുന്നുണ്ട്.

കേരളത്തിലെ മുസ്​ലിം പിന്നാക്കാവസ്ഥ പരിഹരിക്കാൻ പാലോളി കമ്മിറ്റി സമർപ്പിച്ച റിപ്പോർട്ടിലെ ശിപാർശകളുടെ അടിസ്ഥാനത്തിൽ നടപ്പാക്കിയ പദ്ധതികളിൽ സ്വീകരിച്ച മുസ്​ലിം-​ക്രിസ്ത്യൻ ഗുണഭോക്തൃ അനുപാതം 80:20 ആണ്​. എന്നാൽ, ന്യൂനപക്ഷങ്ങൾ എന്ന നിലയിൽ പൊതുവിൽ നൽകപ്പെടുന്ന സ്വയം തൊഴിൽ പദ്ധതികൾക്കുള്ള സംസ്ഥാന ന്യൂനപക്ഷ ധനകാര്യ കോർപറേഷ​െൻറ സ്കീമുകളും ന്യൂനപക്ഷ വിഭാഗങ്ങളിലെ അപേക്ഷകരിലെ യോഗ്യതക്കനുസരിച്ചാണ് നൽകുന്നത്.

കേരളത്തിലെ ക്രൈസ്തവ ജനവിഭാഗത്തി​െൻറ വർത്തമാന സാമൂഹിക, സാമ്പത്തിക സ്ഥിതി സംബന്ധിച്ച് സമഗ്രമായി പഠിക്കാൻ സച്ചാർ കമ്മിറ്റിക്കും പാലോളി കമ്മിറ്റിക്കും സമാനമായി റിട്ട. ജസ്​റ്റിസ് കോശിയുടെ നേതൃത്വത്തിൽ ഒരു കമ്മിറ്റിയെ ഒന്നാം പിണറായി സർക്കാറി​െൻറ അവസാന കാലത്ത് നിയമിച്ചിട്ടുണ്ട്​. പ്രസ്തുത കമ്മിറ്റി സമർപ്പിക്കുന്ന റിപ്പോർട്ടിലെ ശിപാർശകളുടെ അടിസ്ഥാനത്തിൽ പുതിയ പദ്ധതികൾ സർക്കാർ ആവിഷ്കരിച്ച് നടപ്പാക്കും. അതി​െൻറ അനുപാതവും 80:20 തന്നെയാകും. 80 ശതമാനം ക്രൈസ്തവരും 20 ശതമാനം മറ്റു ന്യൂനപക്ഷങ്ങളുമായിരിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:madrassakt jaleel
News Summary - Government pay for madrassa teachers: Former minister KT Jaleel says its fake
Next Story