നഗരസഭ പരിധിയിലെ സർക്കാർ ഓഫിസുകൾ വൈകീട്ട് 5.15 വരെ

തിരുവനന്തപുരം: സംസ്ഥാനത്തെ എല്ലാ നഗരസഭ പരിധിയിലെയും സർക്കാർ ഓഫിസുകളുടെ പ്രവൃത്തിസമയം രാവിലെ 10.15 മുതൽ വൈകീട്ട് 5.15 വരെയാക്കാൻ സർക്കാർ തീരുമാനിച്ചു.

സെക്രട്ടേറിയറ്റിലും തിരുവനന്തപുരം, കോട്ടയം, എറണാകുളം, തൃശൂർ, കോഴിക്കോട് നഗരപരിധിയിലുമുള്ള സർക്കാർ ഓഫിസുകളിലുമാണ് നിലവിൽ ഈ സമയക്രമം ഉണ്ടായിരുന്നത്.

ഇത് എല്ലാ നഗരസഭകൾക്കും ബാധകമാക്കി. ഭാവിയിൽ ഏതെങ്കിലും നഗരസഭകൾ രൂപവത്കരിച്ചാൽ അവക്കും ഇത് ബാധകമായിരിക്കും. ഉദ്യോഗസ്ഥ ഭരണപരിഷ്കാര വകുപ്പാണ് ഉത്തരവിറക്കിയത്.