സർക്കാർ ഒാഫീസുകൾ ശനിയാഴ്​ചയും തുറക്കും, പഞ്ചിങ്​ വ്യാഴാഴ്​ച മുതൽ; കോവിഡ്​കാല ക്രമീകരണങ്ങൾ ഒഴിവാക്കി

തിരുവനന്തപുരം: കോവിഡ്​ കാല നിയന്ത്രണങ്ങൾ ഒഴിവാക്കുന്നതിന്‍റെ ഭാഗമായി ശനിയാഴ്​ച പ്രവൃത്തിദിനമാക്കിയും സർക്കാർ ഒാഫിസുകളിൽ പഞ്ചിങ്​ നിർബന്ധനമാക്കിയും ഉത്തരവിറങ്ങി. സർക്കാർ-അർധസർക്കാർ-പൊതുമേഖല സ്​ഥാപനങ്ങൾ, കമ്പനികൾ, സ്വയംഭരണ സ്​ഥാപനങ്ങൾ, കമീഷനുകൾ എന്നിവക്കെല്ലാം ശനി പ്രവൃത്തിദിനം ബാധകമാണെന്ന്​ ചീഫ്​ സെക്രട്ടറിയുടെ ഉത്തരവിൽ പറയുന്നു.

കോവിഡ്​ വ്യാപന പശ്ചാത്തലത്തിൽ ഏർപ്പെടുത്തിയ നിയന്ത്രണങ്ങൾ ഒഴിവാക്കുന്നതിന്‍റെ ഭാഗമായാണ്​ ശനിയാഴ്​ച പ്രവൃത്തിദിനം പുന:സ്​ഥാപിച്ചത്​. നേരത്തെ തിങ്കൾ മുതൽ വെള്ളി വരെ അഞ്ച്​ ദിവസമായി പ്രവൃത്തിദിനം ​ക്രമീകരിച്ചിരുന്നു. ഈ ക്രമീകരണങ്ങളാണ്​ മാറ്റുന്നത്​.

ഉത്തരവി​െൻറ അടിസ്​ഥാനത്തിൽ ഈ മാസം 18 മുതൽ ശനി പ്രവൃത്തിദിനമാകും. സെക്ര​േട്ടറിയറ്റ്​ ഉൾപ്പെടെ സർക്കാർ, അർധ സർക്കാർ, പൊതുമേഖല സ്​ഥാപനങ്ങളിൽ വ്യാഴാഴ്​ച (16ാം തിയ്യതി) മുതൽ ജീവനക്കാർക്ക്​ പഞ്ചിങ്​ നിർബന്ധമാകും. തിരിച്ചറിയൽ കാർഡ്​ ഉപയോഗിച്ചാകും പഞ്ചിങ്​.