You are here

ശ്രീധരൻ പിള്ളയോട്​ നിയമോപദേശം: തന്ത്രിയോട്​ വിശദീകരണം തേടി

10:16 AM
06/11/2018
Padmakumar A-Kerala News

പത്തനംതിട്ട: ശബരിമലയിൽ നട അടച്ചിടുന്ന വിഷയവുമായി ബന്ധപ്പെട്ട്​  ബി.ജെ.പി സംസ്​ഥാന അധ്യക്ഷൻ പി.എസ്​ ശ്രീധരൻ പിള്ളയോട്​ നിയമോപദേശം തേടിയ സംഭവത്തിൽ തന്ത്രിയോട്​ ദേവസ്വം ബോർഡ്​ വിശദീകരണം തേടി. യുവതികൾ പ്രവേശിച്ചാൽ നട അടച്ചിടുമെന്ന്​ പ്രഖ്യാപിക്കും മുമ്പ്​ തന്ത്രി തന്നെ വിളിച്ച്​ നിയമോപദേശം തേടിയെന്ന്​ ബി.ജെ.പി സംസ്​ഥാന അധ്യക്ഷൻ പി.എസ്​ ശ്രീധരൻ പിള്ളയുടെ അവകാശപ്പെട്ടിരുന്നു. തുടർന്നാണ്​ തന്ത്രിയോട്​ വിശദീകരണം തേടിയതെന്ന്​ ദേവസ്വം ബോർഡ്​ അംഗം കെ.പി ശങ്കർ ദാസ്​ അറിയിച്ചു. 

ക്ഷേത്രാചാരങ്ങളിൽ തീരുമാനമെടുക്കുന്നത്​ ദേവസ്വം ബോർഡാണെന്നും ശബരിമലയിലെ ആചാരങ്ങളിൽ സർക്കാർ ഇടപെടുന്നില്ലെന്നും​ ദേവസ്വം ബോർഡ്​ പ്രസിഡൻറ്​ എ. പദ്മകുമാറും പറഞ്ഞു. ​ദർശന സമയത്തിന്​ നിയന്ത്രണം വെച്ചിട്ടില്ല. ഇന്ന്​ പുലർച്ചെ അഞ്ചുമണിക്ക്​ നട തുറന്നു​. ഇനി ഹരിവരാസനം പാടി നട അടക്കുംവരെ ദർശനം അനുവദിക്കുമെന്നും പദ്​മകുമാർ പറഞ്ഞു. ജനങ്ങളെ നിയന്ത്രിക്കുന്ന കാര്യത്തിൽ മാത്രമാണ്​ സർക്കാർ ഇടപെടുന്നതെന്നും അദ്ദേഹം കൂട്ടിച്ചേർത്തു. 

മുമ്പ്​ മാസ പൂജ ഉണ്ടായിരുന്നില്ല. പിന്നീട്​ അത്​ തുടങ്ങിയത്​ ദേവസ്വം ബോർഡി​​െൻറ തീരുമാന പ്രകാരമാണ്​. ദേവസ്വം ബോർഡാണ്​ ആചാരങ്ങൾ നടപ്പിലാക്കാൻ വേണ്ട ശ്രമങ്ങൾ നടത്തുന്നത്​. അതിൽ സർക്കാർ ഇടപെടുന്നില്ലെന്നും അദ്ദേഹം ആവർത്തിച്ചു.

ശബരിമലയയുമായി ബന്ധപ്പെട്ട്​ ദേവസ്വം ബോർഡി​​െൻറ ഭ​ര​ണ​കാ​ര്യ​ങ്ങ​ളി​ൽ ഇ​ട​പെ​ടാ​ൻ സ​ർ​ക്കാ​റി​ന്​ അ​ധി​കാ​ര​മി​ല്ലെന്ന്​ കഴിഞ്ഞ ദിവസം ഹൈകോടതി പറഞ്ഞിരുന്നു. ക്ര​മ​സ​മാ​ധാ​ന പാ​ല​നം സം​ബ​ന്ധി​ച്ച കാ​ര്യ​ങ്ങ​ളി​ല്‍ മാ​ത്ര​മേ ഇ​ട​പെ​ടാ​നാ​വൂവെന്നും ഡി​വി​ഷ​ന്‍ ബെ​ഞ്ച് വാ​ക്കാ​ല്‍ പ​റ​ഞ്ഞിരുന്നു.

Loading...
COMMENTS