അജിത്തിന്‍റെ കണ്ണീരിനൊടുവിൽ സർക്കാർ നൽകി, 10 ലക്ഷം

തി​രു​വ​ന​ന്ത​പു​രം: ട്രാ​ക്കി​ൽ വീ​ണ അ​ജി​ത്തി​ന്‍റെ ക​ണ്ണീ​രി​ന് ഒ​ടു​വി​ൽ സ​ർ​ക്കാ​ർ വി​ല​യി​ട്ടു. മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ൽ സ്ഥ​ലം വാ​ങ്ങി വീ​ടു​വെ​ക്കു​ന്ന​തി​ന് 10 ല​ക്ഷം. ഇ​നി പ്ര​ള​യം ത​ക​ർ​ത്ത ഭൂ​മി‍യി​ൽ, അ​ച്ഛ​ന്‍റെ ചി​ത ഉ​പേ​ക്ഷി​ച്ച്, രോ​ഗി​യാ​യ മാ​താ​വി​ന്‍റെ​യും പ​റ​ക്ക​മു​റ്റാ​ത്ത കൂ​ട​പ്പി​റ​പ്പു​ക​ളു​ടെ​യും കൈ​പി​ടി​ച്ച് അ​ജി​ത്തി​ന് പ​ടി​യി​റ​ങ്ങാം. മ​ല​പ്പു​റം ക​ട​ക​ശേ​രി ഐ​ഡി​യ​ൽ ഇം​ഗ്ലീ​ഷ് എ​ച്ച്.​എ​സ്.​എ​സ്​ പ്ല​സ് വ​ൺ വി​ദ്യാ​ർ​ഥി​യാ​യ അ​ജി​ത്തി​ന്‍റെ മാ​താ​പി​താ​ക്ക​ളാ​യ രാ​മ​ച​ന്ദ്ര​നും ശാ​ന്ത​യും ആ​റു​വ​ർ​ഷം മു​മ്പാ​ണ് 11 ല​ക്ഷം രൂ​പ​ക്ക് ഏ​റ​നാ​ട് കീ​ഴു​പ​റ​മ്പ് തൃ​ക്ക​ള​യൂ​രി​ൽ ചെ​റി​യൊ​രു വീ​ട് പ​ണി​ത​ത്. ഇ​ന്നും അ​തി​ന്‍റെ ക​ടം ബാ​ക്കി. പ​ണി പ​കു​തി​യാ​യ​പ്പോ​ഴാ​ണ് 2018ലെ ​പ്ര​ള​യം വീ​ടി​ന്‍റ അ​ടി​ത്ത​റ ഇ​ള​ക്കി​യ​ത്. മു​ൻ​ഭാ​ഗം പൂ​ർ​ണ​മാ​യി ഇ​ടി​ഞ്ഞു. ചു​മ​രു​ക​ൾ വി​ണ്ടു​കീ​റി ഏ​ത് നി​മി​ഷ​വും നി​ലം​പൊ​ത്താ​വു​ന്ന അ​വ​സ്ഥ. വീ​ട് ന​ഷ്ട​പ്പെ​ട്ട​വ​ർ​ക്ക് സ​ർ​ക്കാ​ർ ധ​ന​സ​ഹാ​യം പ്ര​ഖ്യാ​പി​ച്ചെ​ങ്കി​ലും ഒ​ന്നും ല​ഭി​ച്ചി​ല്ല. സ​ഹാ​യ​ത്തി​ന്​ സ​ർ​ക്കാ​ർ ഓ​ഫി​സു​ക​ൾ ക​യ​റി​യി​റ​ങ്ങു​ന്ന​തി​നി​ട​യി​ലാ​ണ് കൂ​ലി​പ്പ​ണി​ക്കാ​രാ​യ രാ​മ​ച​ന്ദ്ര​നും ശാ​ന്ത​ക്കും ജോ​ലി​ക്ക് പോ​കാ​നാ​വാ​ത്ത ത​ര​ത്തി​ൽ ഗു​രു​ത​ര രോ​ഗ​ങ്ങ​ൾ പി​ടി​പെ​ട്ട​ത്. ഓ​രോ മ​ഴ​യി​ലും വീ​ടി​ന്‍റെ മു​ൻ​വ​ശ​ത്തെ മ​ണ്ണ് ഒ​ലി​ച്ചു​പോ​കു​ന്ന​തോ​ടെ അ​ടി​യ​ന്ത​ര​മാ​യി വീ​ടൊ​ഴി​യാ​ൻ ജി​യോ​ള​ജി വ​കു​പ്പ് ന​വം​ബ​റി​ൽ ആ​വ​ശ്യ​പ്പെ​ട്ടി​രു​ന്നു.

സം​സ്ഥാ​ന സ്കൂ​ൾ കാ​യി​ക​മേ​ള​യി​ൽ ജൂ​നി​യ​ർ വി​ഭാ​ഗം ഷോ​ട്ട്പു​ട്ട്, ഡി​സ്ക​സ് ത്രോ ​ഇ​ന​ങ്ങ​ളി​ൽ വെ​ള്ളി​യും ഹാ​മ​ർ​ത്രോ​യി​ൽ വെ​ങ്ക​ലും നേ​ടി​യ അ​ജി​ത്തി​ന്‍റെ​യും കു​ടും​ബ​ത്തി​ന്‍റെ​യും ദു​ര​വ​സ്ഥ ‘മാ​ധ്യ​മ’​മാ​ണ് പു​റം​ലോ​ക​ത്തെ അ​റി​യി​ച്ച​ത്. കു​ടും​ബം പോ​റ്റാ​ൻ രോ​ഗാ​വ​സ്ഥ അ​വ​ഗ​ണി​ച്ച് കൂ​ലി​പ്പ​ണി​ക്കി​റ​ങ്ങി​യ രാ​മ​ച​ന്ദ്ര​ൻ ക​ഴി​ഞ്ഞ​മാ​സം തൊ​ഴി​ൽ​സ്ഥ​ല​ത്ത് ഹൃ​ദ​യാ​ഘാ​തം വ​ന്ന് മ​രി​ച്ചു. ‘നീ ​സം​സ്ഥാ​ന, ദേ​ശീ​യ​ത​ല​ങ്ങ​ളി​ൽ നാ​ലാ​ള​റി​യു​ന്ന പ്ര​ക​ട​നം ന​ട​ത്തി​യാ​ലേ ന​മ്മു​ടെ ക​ഷ്ട​പ്പാ​ടു​ക​ൾ​ക്ക് അ​റു​തി​യാ​വൂ’ എ​ന്ന അ​ച്ഛ​ന്‍റെ അ​വ​സാ​ന​വാ​ക്കു​ക​ളാ​ണ് അ​ജി​ത്തി​നെ മു​ന്നോ​ട്ടു​ന​യി​ക്കു​ന്ന​ത്.

അ​ച്ഛ​ന്‍റെ ചി​ത ക​ത്തി മൂ​ന്നാം​ദി​നം സം​സ്ഥാ​ന യൂ​ത്ത് അ​ത്​​ല​റ്റി​ക് മീ​റ്റി​ൽ ഷോ​ട്ട്പു​ട്ടി​ൽ സ്വ​ർ​ണം നേ​ടി ഈ ​മി​ടു​ക്ക​ൻ വീ​ണ്ടും വാ​ർ​ത്ത​ക​ളി​ൽ നി​റ​ഞ്ഞു. രാ​മ​ച​ന്ദ്ര​ന്‍റെ മ​ര​ണ​ശേ​ഷം നാ​ട്ടു​കാ​രു​ടെ​യും സ​ന്ന​ദ്ധ​സം​ഘ​ങ്ങ​ളു​ടെ​യും സ​ഹാ​യ​ത്തോ​ടെ​യാ​ണ് ഇ​വ​ർ ജീ​വി​ക്കു​ന്ന​ത്. ഈ ​പ​ത്ത് ല​ക്ഷം കൊ​ണ്ട് വീ​ട് പൂ​ർ​ത്തീ​ക​രി​ക്കാ​നാ​യി​ല്ലെ​ങ്കി​ൽ പ​ഠ​ന​വും കാ​യി​ക​ജീ​വി​ത​വും പാ​തി​വ​ഴി​യി​ൽ ഉ​പേ​ക്ഷി​ച്ച് കു​ടും​ബം പോ​റ്റാ​ൻ അ​ജി​ത് ഇ​റ​ങ്ങും; ട്രാ​ക്കി​ലേ​ക്ക​ല്ല, കൂ​ലി​പ്പ​ണി​ക്ക്...