മദ്യശാലകളിലെ തിരക്ക്: ഹൈക്കോടതി താക്കീതിനു പിന്നാലെ ഓൺലൈൻ മദ്യവിൽപനയു​മായി സർക്കാർ

തിരുവനന്തപുരം: ആ​ൾ​ക്കൂ​ട്ടം നി​യ​ന്ത്രി​ക്കാ​നാ​വി​ല്ലെ​ങ്കി​ൽ മ​ദ്യ​വി​ൽ​പ​ന​ശാ​ല​ക​ൾ അ​ട​ച്ചി​ട​ണ​മെ​ന്ന് കഴിഞ്ഞദിവസം ഹൈ​കോ​ട​തി നിർദേശിച്ചതിന്​ പിന്നാലെ ഓൺലൈൻ മദ്യവിൽപനയുമായി സംസ്​ഥാന സർക്കാർ​. ബെവ്‌കോ ചില്ലറ വിൽപനശാലകളിലെ തിരക്ക്​ കുറക്കുന്നതിന്‍റെ ഭാഗമായെന്ന വിശദീകരണവുമായി, ഉപഭോക്താക്കൾക്ക് ഓൺലൈനായി ബുക്ക് ചെയ്ത് മദ്യം വാങ്ങാനുള്ള സൗകര്യം ചൊവ്വാഴ്ച മുതൽ നടപ്പാക്കും. തുടക്കത്തിൽ തിരുവനന്തപുരം വൈ.എം.സി, പാവമണി എന്നീ ചില്ലറ വിൽപനശാലകളിലാണ്​ ഓൺലൈൻ വിൽപന പരീക്ഷിക്കുന്നത്​.

ഈ സൗകര്യം ക്രമേണ മറ്റു ചില്ലറ വിൽപനശാലകളിലും ലഭ്യമാക്കുമെന്നാണ്​ സർക്കാർ അറിയിച്ചിരിക്കുന്നത്​. മദ്യശാലകളിലെ തിരക്ക്​ നിയന്ത്രിക്കാനാവാത്തതിൽ സർക്കാറിന്​ വലിയ വിമർശനമാണ്​ നേരിടേണ്ടി വന്നിട്ടുള്ളത്​.

ഒരുവിധ കോവിഡ്​ മാനദണ്ഡങ്ങളും ഇവിടെ പാലിക്കാറുണ്ടായിരുന്നില്ല. മദ്യശാലകളിലെ തിരക്ക്​ കുറക്കാനെന്ന പേരിൽ ഓൺലൈൻ മദ്യവിൽപന തുടങ്ങു​ന്ന സർക്കാർ മദ്യവിൽപനയിൽനിന്നുള്ള വരുമാനം വർധിപ്പിക്കാനുള്ള ഉപാധിയായി ഭാവിയിൽ ഈ മാർഗം വികസിപ്പിക്കുകയാണ്​ ലക്ഷ്യമിടുന്നത്​.