പുറത്തായത്​ ഗോപിനാഥ്​; പൊള്ളിയത്​ സർക്കാറിന്​

തി​രു​വ​ന​ന്ത​പു​രം: ക​ണ്ണൂ​ർ വി.​സി നി​യ​മ​ന​ത്തി​ലെ സു​പ്രീം​കോ​ട​തി വി​ധി​യി​ൽ പു​റ​ത്താ​യ​ത്​ ഗോ​പി​നാ​ഥ്​ ര​വീ​​ന്ദ്ര​​നാ​ണെ​ങ്കി​ലും അ​ടി സം​സ്ഥാ​ന സ​ർ​ക്കാ​റി​ന്‍റെ ക​ര​ണ​ത്താ​ണ്.

സം​സ്ഥാ​ന സ​ർ​ക്കാ​ർ അ​നാ​വ​ശ്യ ഇ​ട​പെ​ട​ൽ ന​ട​ത്തി, വി.​സി നി​യ​മ​ന​പ്ര​ക്രി​യ ദു​ഷി​പ്പി​ച്ചു എ​ന്നി​ങ്ങ​നെ​യാ​ണ്​ സു​പ്രീം​കോ​ട​തി ക​ണ്ടെ​ത്തി​യ​ത്. പ​ര​മോ​ന്ന​ത കോ​ട​തി​യു​ടെ ശ​ക്ത​മാ​യ വി​മ​ർ​ശ​നം മു​ഖ്യ​മ​ന്ത്രി പി​ണ​റാ​യി വി​ജ​യ​നെ​യും മ​ന്ത്രി ആ​ർ. ബി​ന്ദു​വി​നെ​യും പ്ര​തി​രോ​ധ​ത്തി​ലാ​ക്കു​ന്ന​താ​ണ്.

പു​ന​ർ​നി​യ​മ​ന ഉ​ത്ത​ര​വി​ട്ട ഗ​വ​ർ​ണ​റെ​ രാ​ഷ്ട്രീ​യ മേ​ലാ​ള​ന്മാ​രു​​ടെ ആ​ജ്ഞാ​നു​വ​ർ​ത്തി​യാ​ക​രു​തെ​ന്ന്​ ഓ​ർ​മി​പ്പി​ക്കു​ന്ന പ​രാ​മ​ർ​ശം ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​നും നേ​രി​ട്ടു​ള്ള തി​രി​ച്ച​ടി ത​ന്നെ. ക​ണ്ണൂ​ർ വി.​സി​യു​ടെ പു​ന​ർ​നി​യ​മ​നം ചോ​ദ്യം ചെ​യ്ത ഹ​ര​ജി​യി​ൽ ഒ​ന്നാം എ​തി​ർ​ക​ക്ഷി ഗ​വ​ർ​ണ​റാ​ണ്. ര​ണ്ടാം എ​തി​ർ​ക​ക്ഷി​യാ​ണ്​ സ​ർ​ക്കാ​ർ. വി​ധി വ​ന്ന​പ്പോ​ൾ സം​സ്ഥാ​ന സ​ർ​ക്കാ​റാ​ണ്​ ഒ​ന്നാം പ്ര​തി.

പു​ന​ർ​നി​യ​മ​ന ഉ​ത്ത​ര​വി​ൽ ഒ​പ്പി​ട്ടെ​ങ്കി​ലും മു​ഖ്യ​മ​ന്ത്രി​യും വ​കു​പ്പു​മ​ന്ത്രി​യും സ​മ്മ​ർ​ദം ചെ​ലു​ത്തി ചെ​യ്യി​ച്ച​താ​ണെ​ന്ന്​ ​കോ​ട​തി​യി​ൽ തു​റ​ന്നു​പ​റ​ഞ്ഞ ഗ​വ​ർ​ണ​ർ മാ​പ്പു​സാ​ക്ഷി​യു​ടെ റോ​ളി​ലു​മാ​യി. നി​യ​മ​ന​ത്തി​ൽ തെ​റ്റാ​യി ഒ​ന്നു​മി​​ല്ലെ​ന്നാ​ണ്​ സ​ർ​ക്കാ​ർ ഇ​തു​വ​രെ വി​ശ​ദീ​ക​രി​ച്ച​ത്. ഗോ​പി​നാ​ഥ്​ ര​വീ​ന്ദ്ര​ന്​ പു​ന​ർ​നി​യ​മ​ന​മാ​വ​ശ്യ​പ്പെ​ട്ട്​ മു​ഖ്യ​മ​ന്ത്രി​യും മ​ന്ത്രി​യും ന​ൽ​കി​യ ക​ത്ത്​ പു​റ​ത്തു​വ​ന്ന​പ്പോ​ഴും സ​ർ​ക്കാ​ർ ന്യാ​യീ​ക​രി​ക്കു​ക​യാ​യി​രു​ന്നു.

സ​ർ​ക്കാ​റി​ന്‍റെ അ​നാ​വ​ശ്യ ഇ​ട​പെ​ട​ലി​ന്​ തെ​ളി​വാ​യി സു​പ്രീം​കോ​ട​തി പ്ര​ധാ​ന​മാ​യും ക​ണ്ട​ത്​ ഈ ​ക​ത്തു​ക​ളാ​ണ്. സ്വ​ജ​ന​പ​ക്ഷ​പാ​ത​മാ​ണ്​ ഇ​തി​ലൂ​ടെ മ​റ​നീ​ക്കി​യ​ത്. അ​താ​ക​ട്ടെ, സ​ത്യ​പ്ര​തി​ജ്ഞ ലം​ഘ​ന​വു​മാ​ണ്. സ​ത്യ​പ്ര​തി​ജ്ഞ ലം​ഘ​നം ന​ട​ത്തി​യ​വ​ർ​ക്ക്​ തു​ട​രാ​ൻ ധാ​ർ​മി​ക​മാ​യി അ​വ​കാ​ശ​വു​മി​ല്ല.

പു​തി​യ വി.​സി​യെ ക​ണ്ടെ​ത്താ​ൻ ​സെ​ർ​ച്ച്​ ക​മ്മി​റ്റി​യു​ണ്ടാ​ക്കി​യ​തി​നു​ശേ​ഷ​മാ​ണ്​ പൊ​ടു​ന്ന​നെ സെ​ർ​ച്ച്​ ക​മ്മി​റ്റി പി​രി​ച്ചു​വി​ട്ട്​ ഗോ​പി​നാ​ഥ്​ ര​വീ​ന്ദ്ര​ന്‍റെ ഒ​റ്റ പേ​ര്​ മാ​ത്ര​മു​ള്ള ശി​പാ​ർ​ശ സ​ർ​ക്കാ​ർ ഗ​വ​ർ​ണ​ർ​ക്കു​മു​ന്നി​ൽ വെ​ച്ച​ത്. മു​ഖ്യ​മ​ന്ത്രി​യു​ടെ പ്രൈ​വ​റ്റ്​ സെ​ക്ര​ട്ട​റി കെ.​കെ. രാ​ഗേ​ഷി​ന്‍റെ ഭാ​ര്യ പ്രി​യ വ​ർ​ഗീ​സിന്റെ നി​യ​മ​ന​ത്തി​ന്​ പ്ര​ത്യു​പ​കാ​ര​മാ​ണ്​ വി.​സി​യു​ടെ പു​ന​ർ​നി​യ​മ​ന​മെ​ന്ന ആ​ക്ഷേ​പം അ​ന്നേ ഉ​യ​ർ​ന്ന​തുമാ​ണ്.

പ്രി​യ​യു​ടെ നി​യ​മ​നം ഹൈ​കോ​ട​തി​യി​ൽ ചോ​ദ്യം ചെ​യ്യ​പ്പെ​ട്ട​പ്പോ​ൾ സ​ർ​ക്കാ​റി​ന്​ അ​നു​കൂ​ല​മാ​യി വി​ധി പ​റ​ഞ്ഞ ജ​സ്റ്റി​സ്​ മ​ണി​കു​മാ​റി​ന്​ സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​ൻ ​​ചെ​യ​ർ​മാ​നാ​യി നി​യ​മ​നം ല​ഭി​ച്ച​ത്​ മ​റ്റൊ​രു പ്ര​ത്യു​പ​കാ​ര​മാ​​ണെ​ന്നും ആ​ക്ഷേ​പ​മു​യ​ർ​ന്നു. നി​യ​മ​വി​രു​ദ്ധ​മാ​യ ത​ര​ത്തി​ൽ ബാ​ഹ്യ ഇ​ട​​പെ​ട​ലു​ണ്ടാ​യെ​ന്ന്​ ക​ണ്ടെ​ത്തി ക​ണ്ണൂ​ർ വി.​സി​യെ സു​പ്രീം​കോ​ട​തി പു​റ​ത്താ​ക്കി​യ​തോ​ടെ ഇ​ക്കാ​ര്യ​ങ്ങ​ളി​ൽ സം​സ്ഥാ​ന സ​ർ​ക്കാ​ർ പൂ​ർ​ണ​മാ​യും സം​ശ​യ​ത്തി​ന്‍റെ ക​രി​നി​ഴ​ലി​ലാ​ണ്.