മോട്ടോർ വാഹന പണിമുടക്കിൽ ചരക്ക് ലോറികൾ പങ്കെടുക്കില്ല

പാലക്കാട്: ഓൾ ഇന്ത്യ മോട്ടോർ ട്രാൻസ്പോർട്ട് കോൺഗ്രസ് അഖിലേന്ത്യ തലത്തിൽ ആഹ്വാനം ചെയ്ത മോട്ടോർ വാഹനപണിമുടക്കിൽ കേരളത്തിലെ ചരക്ക് വാഹനങ്ങൾ പങ്കെടുക്കില്ലെന്ന് സ്​റ്റേറ്റ് ലോറി ഓണേഴ്സ് ഫെഡറേഷൻ സംസ്ഥാന സെക്ര​േട്ടറിയറ്റ് യോഗം അറിയിച്ചു.

മോട്ടോർ വാഹന ഭേദഗതി നിയമം ഉൾപ്പെടെ കേന്ദ്ര സർക്കാറി​​​​െൻറ കോർപറേറ്റ് നയങ്ങൾക്കെതിരെ സംയുക്ത തൊഴിലാളി സംഘടനകളും മോട്ടോർ വാഹന ഉടമകളും ഒന്നിച്ച് രാജ്യവ്യാപക പ്രക്ഷോഭം ആരംഭിക്കാൻ ദിവസങ്ങൾ മാത്രം ബാക്കിയിരിക്കെ ഒറ്റപ്പെട്ട രീതിയിലുള്ള പണിമുടക്കിന് എ.ഐ.എം.ടി.സി ആഹ്വാനം ചെയ്തത് അനവസരത്തിലാണെന്ന് യോഗം അഭിപ്രായപ്പെട്ടു.

സംസ്ഥാന സെക്ര​േട്ടറിയറ്റ് യോഗത്തിൽ സ്​റ്റേറ്റ് ലോറി ഓണേഴ്സ് ഫെഡറേഷൻ സംസ്ഥാന പ്രസിഡൻറ് അഡ്വ. പി.കെ. ജോൺ അധ്യക്ഷത വഹിച്ചു. എ. മുഹമ്മദ് യൂസഫ്, അഡ്വ. പി. അബ്​ദുൽ നാസർ, കെ.എസ്. സുരേഷ്, കെ.എ. ജോൺസൺ, ഇ.കെ. ഷാജു, രാജു നെല്ലിപറമ്പിൽ, എസ്. ഷിഹാബുദ്ദീൻ, റഷീദ് ബാവ, ഇബ്രാഹിം, ഗിരീഷ്, കെ.ബി. പുരുഷോത്തമൻ, എ.ടി. ജോൺസൺ, മൂസ തുടങ്ങിയവർ സംസാരിച്ചു.