മലപ്പുറത്തുനിന്ന് വീണ്ടും ആശ്വാസ വാർത്ത; രോഗം ഭേദമായ പൊന്മുണ്ടം സ്വദേശി നാളെ വീട്ടിലേക്ക് മടങ്ങും
text_fieldsമലപ്പുറം: ജില്ലയില് കോവിഡ് 19 ബാധിച്ച് ചികിത്സയിലായിരുന്ന ഒരാള് കൂടി വ്യാഴാഴ്ച വീട്ടിലേക്കു മടങ്ങും. തിരൂര ് പൊന്മുണ്ടം പാറമ്മല് സ്വദേശിയാണ് രോഗമുക്തി നേടിയത്. രാവിലെ 10ന് മഞ്ചേരി ഗവ. മെഡിക്കല് കോളജ് ആശുപത്രിയിലെ ഐ സൊലേഷന് വാര്ഡില് ഡിസ്ചാര്ജ്ജ് ചെയ്യും. പൂർണ ആരോഗ്യവാനായാണ് ജില്ലയില് രോഗമുക്തനായ രണ്ടാമത്തെയാളും ആശുപത്രി വിടുന്നത്.
മാര്ച്ച് 28നാണ് ഇയാളെ മഞ്ചേരി ഗവ. മെഡിക്കല് കോളജ് ആശുപത്രിയില് ഐസൊലേഷനില് പ്രവേശിപ്പിച്ചത്. മാര്ച്ച് 21ന് ദുബൈയില് നിന്നാണ് ഇയാള് എത്തിയത്. ആരോഗ്യ വകുപ്പിെൻറ നിര്ദേശപ്രകാരം വീട്ടില് സ്വയം നിരീക്ഷണത്തില് കഴിയുന്നതിനിടെ 23ന് പനി അനുഭവപ്പെട്ടു. തുടര്ന്ന് ആരോഗ്യ വകുപ്പുമായി ബന്ധപ്പെട്ട് തിരൂര് ജില്ല ആശുപത്രിയിലെ ഐസൊലേഷന് വാര്ഡിലെത്തി സാമ്പിള് നല്കി. വൈറസ് ബാധ സ്ഥിരീകരിച്ചതിനെ തുടര്ന്ന് 28ന് മഞ്ചേരി ഗവ. മെഡിക്കല് കോളജ് ആശുപത്രിയിലേക്ക് മാറ്റുകയായിരുന്നു.
ആരോഗ്യ വകുെൻറ നിര്ദേശങ്ങള് പൂര്ണമായും പാലിച്ച് മാതൃകാപരമായ സമീപനമാണ് ഇയാള് കൈകൊണ്ടത്. ചികിത്സയോടും നല്ല രീതിയില് തന്നെ സഹകരിച്ചു. ആരോഗ്യ വകുപ്പിെൻറയും മറ്റു വകുപ്പുകളുടേയും നേതൃത്വത്തില് ജില്ലയില് തുടരുന്ന കൂട്ടായ കോവിഡ് പ്രതിരോധ പ്രവര്ത്തനത്തിന് ഊർജം പകരുന്നതാണ് ഈ നേട്ടമെന്ന് ജില്ല കലക്ടർ അറിയിച്ചു. കഴിഞ്ഞദിവസം വണ്ടൂർ സ്വദേശി രോഗം ഭേദമായി ആശുപത്രിയിൽനിന്ന് മടങ്ങിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.